زواج بالأجبار

الفصل الخامس

طارق بنفاذ صبر:مرڤت اخر مره بحذرك ابعدي عن ريم ومحمود نهائيا انهارده بعتي اهلك وأخواتك اللي اتربيتي معاهم عشان الفلوس والاملاك مضمنش بكره ممكن تبعيني انا كمان وولادك عشان مصلحتك،انا هاخد ريم ومحمود بكره وهرجع البيت
مرڤت بابتسامه:فعلا ياطارق انت متفرقش معايا بس حابب تمشي هتروح لوحدك ريم ومحمود هيفضلوا معايا ومتهيألي مش هأذي ولادي،ولااقولك خليهم يقرروا هما معدوش صغيرين
ريم:كنت معديه من جنب الاوضه وسمعت كلامهم فماما نادتني نعم ياماما
مرڤت:سمعتي كلامنا مش كده ايه رأيك في كلام باباكي عايزه تروحي معاه ولاتفضلي معايا لحد ماتوصلي للي انتي عايزاه
طارق:ريم اللي انتي بتعمليه غلط ياحبيبتي اياد مش ليكي وحتي مش بيحبك وكمان هو اتجوز واللي مامتك قالتهولك عشان تعمليه مش صح مش عايزك في يوم ترجعي تندمي ويكون الوقت فات او تتجرحي،تعالي معايا واكيد هتلاقي الشخص اللي يحبك وانتي هتحبيه
ريم بابتسامه:اسفه يابابا مش هقدر اجي معاك وحكايه ان انسي اياد فديه مستحيله وبعدين هو جوازه من اسيل كان بالاجبار يعني مش بيحبها واكيد هو هيكون من نصيبي وليا وبس ومتقلقش يابابا مش هيجي يوم واندم اني قررت اعمل كده
طارق بنظره حزينه واسفه:خساره ياريم انتي انهارده اثبتيلي اني فشلت في تعليمك اي حاجه في صغرك،وبعدين عمر ماكان الحب هو انك تمتلكي اللي قدامك بالعكس هو انك تدوري علي سعادته عالموم البيت هيفضل مفتوحلك بتمني ترجعي ياريم قبل مايفوت الاوان وتندمي عن اذنكم
محمود:مالك يابابا انت كويس
طارق بابتسامه حزينه:مفيش حاجه يامحمود هتيجي معايا لبيت ولاهتفضل مع مامتك واختك
محمود:لأهاجي معاك بس هما هيفضلوا ليه مش هيجوا معانا
طارق:لان طريق مامتك معدش هو نفس طريقي وريم اختارت تمشي في طريق مامتها بتمني بس ان تبقي كويسه ومتأذيش نفسها يلاجهز حاجتك وبكره نمشي
تاني يوم الصبح،حسام باستغراب:رايح فين ياطارق وواخد محمود
طارق بابتسامه:راجع علي البيت وشكرا جدا علي استضافتنا اليومين دول ورحت سلمت علي محمد ورجعت لحسام وحضنته وهمست بجانب اذنه خلي بالك من نفسك وعائلتك
محمد:بس انت ليه مش هتفضل مع مرڤت وريم ياطارق كنت منورنا
مرڤت ببرود:سيبه يامحمد هو حابب كده فابراحته مش فارقه معايا تعالي ياريم وسبتهم ودخلت اوضتي
حسام:انتوا متخانقين ياطارق طيب حلوا المشكله بدل ماتبعدوا عن بعض
طارق بابتسامه:المشكله ديه مش هتنفع تتحل ولااننا نرجع لان طرقنا اختلفت ومبادئها بقت عكس مبادئي ،بس كل اللي حابب اقولهولك خلي بالك من اياد وعائلتك عشان متعرفش بكره مخبي ايه
حسام باستغراب:بعد ماطلع من البيت وقبل مايركب العربيه وقفته قصدك ايه بكلامك ياطارق انت عارف حاجه
طارق بنظره اسفه:لأبس مرڤت مش ناويه علي خير ومعرفش ايه اللي في مخها فاحذر منها كويس عن اذنك وسبته ومشيت
محمد بقلق:تفتكر ناويه علي ايه ياحسام واللي يخلي طارق يسيبها وياخد محمود معاه
حسام بشرود:معرفش بس احنا لازم نعرف هي عايزه ايه،هو كمان حذرني ان اخلي بالي من اياد ياترا هي ناويه علي ايه
.....................
في الشركه،وائل بابتسامه:قولي بصراحه ايه اللي حصل معاك او عملت ايه عشان اسيل تفضل تبصلك كده علي الفطار حسيت انها عايزه تقتلك
اياد:حكتله اللي حصل واللي عملته عارف حسيت باحساس ومشاعر غريبه لما كنت قريب منها وان مكنتش في وعي ولوكنت فضلت اكتر من كده قريب منها مكنتش عارف هعمل ايه
وائل بجديه:اياد انت حبيت اسيل او كنت بتحبها بس بتنكر ده
اياد باستخفاف:لأاكيد ده مش حب يعني بس ممكن السبب ان اليومين دول بطلنا خناق عن غير العاده
وائل:لأده بجد يااياد انت متخيل كده ايه مشكلتك فانك تعترف ان بتحس بمشاعر ناحيه اسيل ماهي مراتك اصلا
اياد بعدم اهتمام:استحاله يكون اللي بتقوله صح والحاجه التانيه لو فعلا صح فاه احنا متجوزين بس بالاجبار واسيل مبتؤمنش ولابالحب ولاالجواز اصلا
اسيل بابتسامه:دخلت فاجئه عليهم المكتب ازيك ياوائل
اياد بجديه:عاش من شافك في الشركه يااسيل بتيجي كل قرن تقريبا،وقبل كده قولتلك خبطي قبل ماتدخلي
اسيل بعدم اهتمام:ملكش دعوه انا مش بكلمك وبعدين انا حره اخبط او لأ هروح لمكتبي ولما تخلص تعال ياوائل بدل ماقعد لوحدي وسبتهم ورحت مكتبي
اياد بعصبيه:انا هوريها تكلمني كده ازاي معندهاش التزام بالمواعيد ولسانها اطول منها مرتين
وائل بضحك:طيب اهدي واقعد ياعم مهو ده رد طبيعي للي عملته امبارح برضو
اسيل بتعب:اه منك لله ياللي في بالي🤧
سامي بابتسامه:انسه اسيل ده الورق اللي طلبتيه
اسيل بتعب:اتسي اسفه معلش اقعد ياسامي
سامي:نورتي المكتب ياانسه اسيل وسلامتك واضح ان عندك برد ومتبقيش تغيبي علينا كتير عشان بتوحشينا
اسيل بضحكه خفيفه:الله يسلمك ميرسي،وانتو كمان بتوحشوني ممكن الفتره ديه ارجع التزم بالشغل واجي ازهقكم كل يوم
سامي بضحك:اعتبره وعد بقي😂
اياد بعصبيه وغيره:كنت لسه هدخل فسمعت حديث سامي فدخلت المكتب بعصبيه فوق عصبيتي ياريت تلتزم بشغلك وبس لانكم بضيعوا وقت احنا في شركه مش في كافيه عشان تتكلموا وتضحكوا
اسيل بعصبيه:ملكش دعوه يااياد وبعدين انا حره في تعاملي مع الموظفين وانا شايفه انو مغلطش
اياد بعصبيه:اطلع بره المكتب
سامي:حاضر يافندم عن اذنك
اياد بعصبيه:انتي ازاي تكلميني كده متنسيش نفسك يااسيل احسنلك
اسيل بغضب:انا مغلطتش انت اللي بتخانق كل اللي قدامك وحاجه كمان انا حره في شغلي وبعدين ايه اللي عطل الشغل
اياد بغيره:لأغلطتك لانك في شركه ولازم تعرفي ده يعني مش مكان لهزار وبعدين مين هو عشان تكلمي وتضحكي معاه كده
اسيل بعصبيه:ملكش فيه يااياد انت ابن عمي وبس وملكش تدخل في حياتي ولاتعاملي مع الناس ياريت بقي تلتزم بحدودك وترجع مكتبك لقيته بيمشي ناحيتي وعينيه متبشرش بالخير فانا فضلت ارجع لحد لما التصق ظهري بالحيطه وهو حاصرني اياد ابعد عني حاولت ابعده بس طبعا معرفتش
اياد بعصبيه مفرطه:انا ميتقليش الكلام ده يااسيل وبعدين انتي اللي بتتخطي حدودك ومتنسيش انا مش ابن عمك وبس انا حاليا جوزك وليا الحق اتكلم او ادخل في حياتك ورحت ضغطت علي ايديها فاهمه يااسيل احسنلك متجربيش تعصبيني
اسيل بخوف خفي :لأمش فاهمه انا قولتهالك من الاول يااياد انا وافقت اتجوزك عشان جدو والعمليه وقولتلك ان ملناش اننا ندخل في حياه بعض وانك بالنسبالي ابن عمي وبس وبعدين متفكرش اني خايفه منك او هخاف لو اتعصبت عليا
اياد بنرفزه ونظره لاتبشر بالخير:لأبجد طيب يااسيل اخر مره تكلميني كده قدام حد او انك تطنشي كلامي عشان مترجعيش تندمي علي تصرفي معاكي بعدين
اسيل بنظره تحدي:متقدرش تعملي حاجه يااياد ولو فكرت اعرف ان بابا هيقف في وشك ويوقفك عند حدك وهياخدلي حقي سعتها
اياد بنفس نظره التحدي:لأمتقلقيش مش هيعمل كده لانه انتي مراتي حاليا وحقي ان اربيكي من جديد واعمل اللي انا عايزه وبعدين انا عارف حدودي كويس انتي اللي متتعديش حدودك معايا قطع حديثنا دخول وائل
وائل بجديه:اياد احنا في الشركه فلما ترجعوا اتخانقوا براحتكم
اسيل بعصبيه:واللهي قول الكلام ده لأبن خالتك لانه هو اللي بيخانق اي حد من غير سبب
وائل بنظره تفهم:مهو انتي يااسيل برضو مش بتسكتي
اسيل بصدمه:يعني انا اللي غلطانه منا مستنيه ايه مانت قريبه وهتقف معاه اقولكم حاجه انا ماشيه عشان اتخنقت ورحت سيباهم وكنت لسه هطلع من باب الشركه فسامي وقفني
سامي:انسه اسيل انا اسف لاني كنت السبب في المشكله اللي حصلت
اسيل بابتسامه:لأعادي مش بسببك انا اللي بعتذر عن اللي حصل عن اذنك سبته وركبت عربيتي وطلعت علي بيت نوران بعد شويه كنت عندها
نوران:مالك يازفته اوعي تقولي متخانقه انتي واياد كالعاده،احكي ايه اللي حصل
اسيل بعصبيه:هو السبب في كل ده،ورحت حكتلها كل حاجه انا يكلمني كده ليه انشاء الله ان كان عشان حته الورقه اللي بتربطنا ببعض فانا حبه نتطلق دالوقتي احسن وانا هسافر وكل واحد يرتاح من وش التاني
نوران:ممكن تهدي اولا من غير عصبيه ممكن اقول حاجه اوعديني متتنرفزيش
اسيل:قولي
نوران بابتسامه:بصي علاقه الجواز عمرها ماكانت رابط بورقه يااسيل ديه حاجه وبعدين ليه مفكرتيش ان اياد كان غيران عليكي مثلا ده كان سبب كلامه بس انتي كبرتي الموضوع
اسيل:وهو ايه اللي يربطنا ببعض عشان يغير عليا اولا ده مش من حقه وبعدين انا معملتش حاجه ولاخرجت عن حدودي يانوران عالموم انا مش هرجع البيت وهتصل بجدو واقوله اني هبات معاكي عندك مشكله
نوران بنفاذ صبر:البيت بيتك يااسيل وانتي عارفه ده وبالنسبه للي في دماغك فمفيش فايده فيكي
اسيل:كلمت جدو قولتله وهو وافق
وائل بنظره متفهمه:اياد ممكن تخفف من عصبيتك شويه انت عارف انها غلط عليك وكمان يعني مكنش فيه داعي تتخانقوا
اياد بنرفزه:وائل مش نقصك صدقني وبعدين هي السبب كلامها وتصرفاتها مستفزين
وائل بابتسامه:اياد اعترف انك كنت غيران عليها لما لقيتها بتضحك مع سامي
اياد:قطع كلامه رنين تليفوني وكان جدو الو حضرتك عامل ايه
عادل بجديه:اياد عملت ايه لأسيل
اياد:هي لحقت اشتكت لحضرتك عالموم ياجدو انا معملتهاش حاجه
عادل:لأمشتكتش ولاقالت حاجه بس اتصلت بيا قالتلي انها هتبات عند نوران انهارده فاكيد متخانقين او انت ضايقتها
اياد بتعب خفيف:هي حره انا مغلطتش في حقها وحتي لو اتخانقنا ياجدو فده عادي عالموم سيبها لما تحب هي هتيجي لوحدها
عادل بجديه:اياد انا مش ناقص مشاكلكم روح كلمها ورجعها معاك لو عرفت سلام ورحت قفلت معاه
اياد بتعب:انا كان مالي اروحلها ليه انشاء الله
وائل:اياد اهدي شكلك تعبان انت خدت دواك ولامخدتوش كالعاده
اياد بارهاق:لامخدتوش لاخرج العلبه من الدرج وخدت الدوا وريحت راسي عشان احاول اهدي بس معرفتش،انا هروحلها بس هتيجي معايا عشان لو فتحت بوقها بكلمه احتمال اولع فيها،طلعنا من الشركه وخلال نص ساعه كنا قدام البيت
نوران بابتسامه:اهلا يااياد اتفضل اتصدمت لما لقيت وائل معاه تحبوا تشربوا ايه
اياد:فين اسيل
نوران:قعده في الاوضه جوه تحب اندهالك
اياد:لاشكرا انا هدخلها دخلتلها الاوضه فلقتها بتحاول تتصنع النوم عشان تهرب مني فرحت ناحيه الباب بهدوء وفتحته وقفلته تاني واستخبيت عشان تقوم
اسيل بصدمه:لأقوم اثر سماعي صوت الباب لاتصدم باياد انت لسه هنا بتضحك عليا
اياد بجديه:اسيل انا جيت عشان جدو طلب مني كده فغيري هدومك وانا مستنيكي
اسيل بعند:هغير هدومي ليه انا مش جايه معاك
اياد بابتسامه:مهو انتي لو مغيرتيش هدومك وجيتي معايا ورحت مقرب من اذنها وهمست هتخليني انا اللي هغيرلك هدومك فالاختيار عندك يااسيل
اسيل بخجل ووجه احمر:انت قليل الادب انت ازاي تكلمني كده
اياد بضحك:شكلك حلو وانتي شبه الطماطم كده يااسيل خمس دقايق القيكي جهزه والا...
اسيل بخوف:تمام اطلع بره بقي
نوران بابتسامه:تحب تشرب حاجه ياوائل
وائل بضحك:لأمضمنكيش ممكن تسمميني عشان تنتقمي للي حصل لعربيتك😂
نوران بسخريه:متخفش مش هسمك في بيتي يعني وبعدين لوحابه انتقم هعمل اي حاجه تانيه
وائل باعجاب:واللي هي ايه يانوران ابهريني
نوران بابتسامه:لأمليش مزاج دالوقتي،ها عملت ايه يااياد
اياد:هتيجي معايا،وبعد شويه كانت خلصت وطلعت سلمت علي نوران ونزلت معانا فضلت ساكته طول الطريق
اسيل:بعد ماوصلنا البيت عن اذنكم انا رايحه اوضتي ،روحت دخلا خدت شاور دافي
وائل:متهيألي انكم محتاجين تكلموا بس بهدوء يااياد
اياد باستخفاف:تمام بس اللي في دماغها مش هتغيره وسبته ودخلت الاوضه فلقتها طالعه من الحمام بالمنشفه لفها علي نفسها
اسيل بخجل :اتصدمت لما لقيت اياد واقف قدامي وبيبوصلي انت ازاي تدخل كده كان المفروض تخبط الاول
اياد بابتسامه:بس هخبط ليه ديه اوضتي زي ماهي اوضتك
اسيل:المفروض عشان انت مش قاعد في الاوضه لوحدك ومعاك بنت قطع كلامي اني لقيته بيقرب مني وانا برجع لحد ماظهري التصق بالحائط
اياد بابتسامه:اممم معاكي حق معايا بس انتي مش غريبه انتي مراتي يااسيل ولاعندك مشكلة ورحت حاوطت خصرها عشان اقربها مني اكتر وهمست باذنها عايز اتكلم معاكي عايزه تروحي تغيري هدومك مفيش مشكله بس من رأي خليكي كده شكلك احلي وبعد ماكنت قريب وهطبع قبله علي شفتيها حسيت باللي بعمله فبعدت
اسيل:أصبح صدري يعلو ويهبط اثر قربه الشديد خدت هدومي ودخلت الحمام وقفلت الباب علي امل اني اهدي
اياد بسخريه:هتقضي بقيه اليوم في الحمام يااسيل ولابتهربي كالعاده
اسيل بعصبيه وبدون تفكير:فتحت الباب انا مبهربش وههرب ليه انت اللي بقت تصرفاتك عجيبه اليومين دول وكل شويه تفكرني بجوازنا اللي هو بتمني اليوم ده يتحذف من حياتي اصلا ،بعد عمليه جدو تبقي تطلقني ونرتاح من كل ده متهيألي انك موافقني علي الفكره ديه
اياد:مش عارف ليه حسيت بمضايقه من كلامها رديت من غير تفكير بس انا مش هطلقك يااسيل
اسيل بصدمه:وده ليه انشاء الله مش هتطلقني ليه
اياد بجديه وتعب:كده يااسيل فهميني لو عملت كده هيكون ايه السبب متقوليش موضوع خلافتنا لان الكل عارفه فانسي الموضوع الا بقي لو انتي بتحبي حد مثلا
اسيل:اياد انت عارف اني مبؤمنش بالجواز ولابالحب اصلا،وحاجه كمان ياريت متدخلش في حياتي
اياد بابتسامه:مش هدخل بس ابعدي عن سامي ده لاني مبحبهوش ولابرتحله اختاري اي حد تاني غيره يبقي المساعد بتاعك وموجود معاكي معظم الوقت لكن هو لأ
اسيل:انا اللي بتعامل معاه وهو مغلطتش في حاجه وكونك انك مبتحبوش ولابترتحله ديه حاجه تخصك يااياد مليش دعوه بيها
                            ..................
نوران بقلق:ماما شكلك تعبانه ودواكي خلص وانتي لازم تاخديه فانا هنزل اجيبه واجي ماشي
سلوي بتعب:لأيانوران الوقت اتاخر وكمان عربيتك بايظه بلاش يابنتي انا هبقي كويسه
نوران:متقلقيش ياماما مش هتاخر بس لازم اروح اجيبه عن اذنك سبتها ونزلت ووصلت لحد الصيدليه جبته وكنت راجعه بس شابيين وقفوا في طريقي
شاب بنظره خبيثه:واو يعني الجميل ماشي واحده تحبي نوصلك
نوران بخوف خفي:لأنظراتهم ليا مكنتش تطمن فبالعافيه قدرت افلت منهم بس هما كانوا بيجروا ورايا لحد مااتكعبلت في حجر ورحت وقعت حاولت اقوم بس معرفتش وهما كانوا وصلولي
الشاب التاني:هتروحي مننا فين محدش هيقدر ينقذك مننا دالوقتي مكنتيش تعبتي نفسك
نوران بخوف ودموع:سبوني امشي وقبل ماواحد فيهم يلمسني فيه حد مسك ايديه وضربهم هما الاتنين اتصدمت لما شوفته انت.......
يتبع