زواج بالأجبار

الفصل السابع وعشرون

اسيل بابتسامه:لأالعنوان مش غلط تردده اللي كان باين في نبره صوته وعلي ملامحه يدل انو يعرفها فعلا بس ياترا هو مين ويبقي ليها ايه احنا لازم نعرف بس اول حاجه لازم نسأل اي حد من هنا علي اسمه
ريم بتنهد:تمام تعالي ننزل ولما نلقي دليل معانا نعرف بيه انو هو يقرب نهي او يعرفها نبقي نيجي قطعت كلامنا ست كبيره
الست:انتو مين وجايين لمين لاني اول مره اشوفكم هنا وبعدين شكلكم مش من هنا
اسيل بعفويه:احنا كنا جايين نسأل علي واحده اسمها نهي ماهر قالولنا انها كانت سكنه في الشقه ديه بس فيه واحد قالنا انو ميعرفهاش
الست:هي فعلا كانت ساكنه هنا بس من فتره طويله مشيت انتو تقربوها يعني بس واضح من شكلكم انكم محترمين
ريم بابتسامه:يعني صله بعيده حضرتك كنتي تعرفيها
الست:تعالوا شقتي ونتكلم بدل مانقف علي السلم
اسيل بابتسامه:تمام شكرا لزوق حضرتك دخلنا معها الشقه
الست بابتسامه:جابتلهم حاجه يشربوها انتوا عايزين ايه بالظبط وليه بتسألوا عليها
ريم بتنهد:احنا عايزين نعرف مين اللي ساكن في شقتها ويقربلها ايه وليه هو انكر انو يعرفها
الست:ده يبقي عمها وبعد اللي حصل وسابت البيت هو قطع صلته بيها ويعتبر اتبري منها
اسيل:طيب هو ايه اللي حصل وقتها خلاه يعمل كده
الست:انا مكنتش ساكنه من الاول بس حضرت اللي حصل نهي ديه طول عمرها مغروره في نفسها كانت بتحب واحد وكانت علي علاقه معاه وبعد فتره عمها اكتشف انها حامل المهم يوميها الكل عرف وكانت فضيحه وسعتها طردها من البيت واتبري منها ومحدش يعرف راحت فين واذا كانت جابت الطفل ده ولالأ الله اعلم
اسيل بتنهد:طيب ميرسي جدا بس ممكن سؤال اخير هو عمها يعرف هو مين اللي كانت بتحبه وعلي علاقه بيه ولالأ
الست:بصي اعتقد انو عارف بس صعب انك تكلمي معاه او تفتحي الموضوع ده بالذات واديكي شوفتي عمل ايه لمجرد انو سمع اسمها بس
ريم:طلعنا من عند الست ومن المنطقه هنعمل ايه احنا دالوقتي حته اللي عارف هو مين صعب نتكلم معاه متهيألي اننا لازم ندور في حته تانيه لان واضه ان ماضيها صعب انو يتعرف بسهوله
اسيل بتنهد:طيب يلا نمشي من هنا بعد مامشينا وصلتها لبيت مراد وانا كملت لعند بابا اوف نفسي القي اجابه علي كل الحاجه ديه بس مش لقيه حاجه نزلت من العربيه وكان فيه حديقه فقولت اقعد وافكر بس لمحت نهي واقفه بعيد مع واحده وبيتكلموا فقربت عشان اسمعهم بس وقفت ورا شجره بس كانت الصدمه لما شفت الست اللي معاهاوهي عمتي
                           ...............
اياد بقلق:اوف هي فين لحد دالوقتي مرحتش الشركه ومش عند ولانوران ولاريم وكانت رايحه لعمي ومرحتش حته
عادل بنفاذ صبر:ممكن تهدي زمانها جايه وابقي اسألها اهي جت الحمدلله ادخل ارتاح انا بقي من وجع الدماغ اللي عملته وسبتهم ودخلت اوضتي
اياد بعصبيه:مسكتها من ايديها كنتي فين قعدت ارن عليكي وانتي قافله المربيل ليه ماتردي عليا يااسيل
اسيل بتنهد:هرد عليك بس ممكن تساعدني في حاجه مهمه وهي اني محتاجه اننا نتجمع عند عمو طارق وهقول كل حاجه بس ده ضروري علي بكره كده يبقي مراد رجع كمان صدقني ايا كان اللي بعمله فهو لمصلحتنا كلنا فمتقلقش
                         ...................
ريم بتعب:بصي انا تعبانه ياميرا ومش قادره اقعد فهدخل انام
ميرا بابتسامه:تمام يلاتصبحي علي خير انا شويه وادخل انتم برضو
ريم بارهاق:دخلت انام محستش بنفسي اول ماحطيت راسي نمت صحيت علي 3الفجر قومت عشان اشرب ملقيتش مايه فرحت اجيب خلصت وقبل ماارجع لأوضه حسيت بحركه غريبه ناحيه اوضه ميرالأمش معقول اكيد حرامي مسكت الفازه واتجهت ناحيه اوضتها لسه كنت هصرخفحط ايده علي فمي
مراد:اهدي يامجنونه انا مراد وتعالي نبعد عن هنا عشان متصحاش
ريم باستنكار:فيه حد يجي كده يامراد خضتني افتكرتك حرامي عشان كده كنت جايبه الفازه
مراد بصدمه:ينهار ازرق يعني لومكنتش لحقتك كنتي خبطيني بالفازه منك لله ياريم مشفتش واحده بتستقبل جوزها بالطريقه الرومانسيه ديه كنتي هتموتيني عشان رجعت بدري عن معادي
ريم بتنهد:مانت مموتش اهو ولسه عايش عشان متفكرش في حياتك تخودني او تعمل كده تاني
يلابقي تصبح علي خير
مراد بتنهد:بمناسبه انك نايمه هنا انام انا فين يعني لان اكيد مش هصحي لصبح
ريم بتفكير:امممم نظريه عندك الكنبه لقيته بيبوصلي تمام فهمت انها صغيره عليك ممكن تنام علي السرير بس مش هتتعدي نص السرير لان الجزء ده ناحيتي ولو جيت فيه هتلقي الفازه ديه جت فيك
مراد بضحك:ماشي ياريم فيه اي حاجه تانيه بس انا عمتا معنديش مشكله لو اتخطيتي النص يلا تصبحي علي خير روحت غيرت هدومي ورحت انام
ريم بابتسامه:صحيت علي شعاع الشمس اللي جاي من الشباك فابتديت افتح جفوني ببطئ اتصدمت لما لقيت اني شبه نايمه في حضنه وهو ساند يده علي خصري حلولت اقوم بس معرفتش فقومت راسي شويه مراد اقوم وبالغلط عشان اقوم سندت علي صدره
مراد بتعب:وبجفون شبه مغمضه في ايه ياريم حد يصحي حد كده انا عايز انام ده ممكن
ريم بعصبيه خفيفه:ايه اللي جابك جنبي اصلا مش خايف ان الفازه تيجي فيك
مراد بضحك:اولا ده النص بتاعي وانتي اللي جيتي من كتر مابتتقلبي وانتي نايمه ثانيا مش ازمه عشان تصحيني عشانها تلقي عقلك الباطن بس هو اللي كان بيحركك وهو اللي كان حابب يقرب مني بس متنكريش ده
ريم بعصبيه:وعقلي الباطن هيبقي عايز كده ليه انشاء الله يادكتور مراد انا من رأي انك تسكت عشان مضطرش اقتلك
مراد بابتسامه:حاوطت خصرها لأقربها مني معنديش مشكله اموت علي ايد مراتي حبيبتي بس معتقدش انك تقدري تعمليها وازحت خصله عن وجهها وارجعتها لورا
ريم باضطراب:حسيت باضطراب في انفاسي ودقات قلبي اثر قربه الشديد مني مراد لقيته قطع كلامي بقبله ضغطت علي كتفه عشان يبعد شويه
مراد بابتسامه:ابتعدت عنها شويه كنتي عايزه تقولي ايه
ريم بعفويه:اه وراك حاجه علي بليل لان اسيل كانت مجمعانه كلنا عند بابا كانت هتعمل كده امبارح بس اجلتها عشان تبقي انت موجود كمان معرفش ايه اللي حصل عشان تفكر تعمل كده بس اكيد هنعرف بليل
                          ....................
الليل في بيت ريم،طارق بقلق:ممكن تكلمي بقي يااسيل لانك قلقتيني وكمان الكل جه اهو
اسيل بتنهد:تمام ياعمي بصوا هتكلم من الاول احنا الصراحه عرفنا بيت نهي القديم ورحنا لهناك فتحلنا واحد كبير انكر انو يعرفها بس تردده بين العكس قبل مانمشي فيه جاره قديمه في المنطقه هناك قابلتنا واتكلمت معانا وعرفنا منها انو ده عم نهي وان حصلت مشكله من شبه 30سنه وطردها من البيت لما عرف انها
اياد بجديه:انها ايه يااسيل
اسيل بجديه:انها حامل وكانت علي علاقه بشخص بتحبه وده يبقي ابنه وسعتها قطع صلته بيها وبيتعصب لما يسمع مجرد اسمها واللي عرفناه بس مش متاكدين منه انها جابت الولد ده وانو عايش بس فين منعرفش وكمان الله اعلم اذا كان ابن عمي ولالأ ده لسه هندور عليه ونعرف هي ولدت فين
ريم بجديه:طيب منا عارفه الحوار ده وكنت معاكي كمان
اسيل بتنهد:ايوه عارفه بس فيه حاجه تانيه بعد ماسبتك وكنت رايحه لبابا نزلت في نص الطريق  وانا ماشيه شوفت نهي وكانت معاها عمتو مرڤت
وفهمته من كلامهم انهم عاملين خطه مع بعض وناويين يخربوا الدنيا اول حاجه وهي انو يبعدوني عن اياد ومعرفش بيفكروا فايه والحاجه التانيه انها عرفت بجوازكم وناويه ترجعك ليها ياريم بالمعني هتستغلك زي قبل كده وطبعا انتي عارفه هي هتعمل ايه عشان ترجعك ليها اولها هتحاول تبعدك عننا
ريم بصدمه:يعني ماما ممكن تكون كانت مشتركه معها من الاول خالص
اسيل بتنهد:الله اعلم ياريم احنا محتاجين نعرف ايه اللي مخبياه نهي تاني ولازم ندور علي ابنها لاننا ممكن نستغله بعدين هما ميعرفوش اني شوفتهم ولاحاجه ولازم عشان نعرف الخقيقه ندخل جواها
اياد بشك:انتي ناويه علي ايه بالظبط يااسيل
اسيل بخبث:هلعب نفس لعبتهم هوريهم انهم نجحوا وده هيدينا وقت وحاجات كتير واول خطوه هنعملها اننا هنرجع البيت يااياد بس ده بكره وبالنسبالك ياريم خليكي كام يوم عند مراد وحاولوا تلقوا المستشفي اللي ولدت فيها واي معلومات تانيه بره
طارق بتنهد:فعلا ياريم طالما امك رجعت فخليكي كام يوم عند مراد الامور تستقر وبعدين ارجعي واعرفي انها هتحاول بكل الطرق تقابلك فاحذري من ده
ريم بابتسامه:متقلقش يابابا انا معدتش زي ماكنت ممكن يضحك عليا اواضعف حته الفتره اللي مريت بيها والحادثه وحاجات كتير قدرت تغيرني وتخليني اقوي
                          .....................
وائل بتنهد:نوران كنت هقولك حاجه بس متضايقيش
نوران بابتسامه:خيرا ياوائل مش هضايق بس قول
وائل بتردد:بصي بصراحه مضطر اسافر لماما اطمن عليها لانها اتكعبلت وخدت السلم كله وتقريبا ايديها اتكسرت والتواء في رجلها بس جامد شويه فانا لازم اروحلها
نوران بابتسامه:وانا فكرك لما تقولي انك مسافر هضايق ابدا ياوائل بالعكس انا مضايقه عشانها الف سلامه عليها وبعدين انا هجي معاك كمان انا قولت اني حاولت قبل كده وفشلت بس هحاول تاني ومهما قالت مش مهم خلاص
وائل بضحك:نوران انتي صدمتيني من امتي وانتي كده ياحبيبتي جبتي الهدوء ده كله منين
نوران باستنكار:اقصدك ايه ياوائل اني مجنونه يعني وانت اللي عاقل بس تحب افكرك باللي عملته يوم ماروحنا القسم وانت اللي كنت غلطان سعتها
وائل بغيظ:انا غلطان اني قلت عليكي هاديه يانوران وبعدين انتي اللي سعتها عاندتي معايا وكمان كنتي وقفه في مكان غلط انا مالي بقي
نوران باستنكار:لأمش صح لان اكيد كنت لازم تعرف ان عربيتي فيها مشكله عشان كده وقفت
                     ......................
ميرا بفرحه:مش مصدقه نفسي انك هتقعدي هنا كام يوم كمان
ريم بضحك:اه شوفتي بابا ماصدق خلص مني فقلت لما اجي ازهقك بقي بمناسبه ان اخوكي معظم اليوم مش في البيت قطع كلامي رنين الهاتف كان رقم ففصلته ورجع يرن تاني
مراد بتنهد:ردي امكن حد يعرفك وعايزك ياريم
ريم بتردد:تمام سبتهم ووقفت في الشرفه الو مين معايا لما سمعت الصوت اتصدمت
مرڤت بابتسامه:ازيك ياريم واضح انك نستيني واتجوزتي وعايشه معاه ومبسوطه بس يعني هو عارف حققتك ياريم وانتي ايه مهما حاولتي تغيري نفسك هترجعي لطبعك بس طبعا انتي عارفه اني مش هجي جنبك لو عملتي اللي انا عيزاه
ريم بعصبيه:اول مره اشوف ام بتهدد بنتها انها تخرب حايتها بس احب اعرفك اني قايلالوا كل حاجه ومش مخبيه عليه وحاجه كمان انتي بعتيني بعد مامعرفتيش تاخدي مصلحتك مجربتيش تسألي ان كنت عايشه اولأ انا معدتش ريم اللي تعرفيها ولاهبقي وياريت متتصليش تاني لانك مش هتستفادي حاجه ورحت قفلت الخط وقعدت علي الارضو سندت راسي بين كفي معرفش فضلت كده اقد ايه لحد مافوقت من شرودي ده علي صوت مراد
مراد بتساؤل:مالك ياريم قعده كده ليه ولاعجباكي الاقعده روحت قعدت جنبها مين اللي كان بيكلمك وادايقتي بعدها كده
ريم بضيق:ماما اللي كانت بتكلمني
مراد بعدم فهم:طيب ده كويس انها بتسأل عليكي ايه اللي مضايقك
ريم بسخريه:بتسأل عليا ايه ماما كانت متصله تهددني وبس ماما مختلفه تمشي ورا مصلحتها فين وخلاص لكن لو كانت هتسأل عليا كانت عبرتني بعد ماسبت البيت واختفيت فتره مجربتش تسأل عليا ولامره ودالوقتي افتكرتني لو مكنتش موجوده او عايشه من غيرها امكن كانت حاجات كتير اتغيرت
مراد بتنهد:ريم لازم تعرفي ان ده قدر لأسف ياما احنا بنتمني حاجات كتير بس مبتحققش احيانا بقول لو ماما وبابا لسه كانوا عايشين كانت حايتنا اختلفت بس عارفه الحاجه اللي كانت بتهون عليا ان لو كنت كمان خسرت ميرا يوميها كنت عملت ايه مكنش هيبقي فيه سبب اعيش ليه او اكمل عشانه ميرا كانت معاهم في العربيه لما اتقلبت لما طلعوها من العربيه كانوا بيقولوا انها معجزه انها فضلت عايشه اه فضلت في المستشفي فتره وكان لازم اتماسك عشانها وقتها اتغيرت كتير وانتي برضو فمخيلتك لو مامتك مكنتش موجوده كنتي هتبقي مختلفه بالعكس كنتي هتفضلي تدوري عليها وتحسي بنقص جواكي وامكن كنتي تكوني اسوء من كده ياريم بس بوجدها واللي عملته انتي اتعلمتي حاجات كتير وبقيتي اقوي مفيش حاجه بتحصلنا غير بسبب حته لو احنا مش شايفينه لاننا مضايقين
                          ...................
اسيل بابتسامه:لقيته واقف فرحت قربت منه وحضنته من ظهره حبيبي سرحان في ايه
اياد بجديه ولوم:بعدتها عني ولفتلها اسيل انتي مش حسه بيا انا كنت قلقان عليكي ازاي انهارده وانتي حته مفكرتيش تقوليلي هتقولي لاني عارفه هترفض انا لو كنت رفضت فالانه خايف عليكي مش اكتر يااسيل متكررهاش تاني وبعدين بلاش نروح البيت هتحصل حاجات كتير وممكن بسببها نسيب بعض
اسيل بابتسامه:عندك حق انك تقلق يااياد وانا اسفه بجد مقصدتش بس اعرف ان مهما هيحصل الفتره ديه مفيش حاجه هتفرقنا
اياد بانفعال:اسيل انتي عارفه معني وجود عمتي مع نهي ديه مصيبه لوحدها وخراب يعني معرفش ممكن يعملوا ايه عشان يفرقونا او يحصل سوء تفاهم بينا
اسيل بابتسامه ونبره هادئه:متقلقش يااياد كل اللي هيحصل من بكره هيبقي من خطتنا ومهما يحصل هنبقي فاهمين بعض ومش هيحصل سوء تفاهم وبعدين انت عارف هما عايزين يبعدوني ليه لان وجودنا مع بعض ممكن يعملهم مشاكل بس احنا هنوريهم اننا معدناش مع بعض بس هنتواصل في اي مكان لاني متاكده انهم اول حاجه هيعملوها هيحطوا كاميرات وواحده منهم هتبقي في اوضتنا عشان يرقبونا فعشان كده من بكره صعب اننا نتواجد مع بعض................
يكمل