زواج بالأجبار

الفصل الخامس وعشرون

اسيل بصدمه:ايه اللي انت بتقوله ده يااياد
اياد بضيق:بقول الحقيقه يااسيل اللي مهما حاولتي تداريها هتفضل زي ماهي اني ولاحاجه يااسيل فضلت طول حياتي ادور علي الحقيقه بس حاليا لما عرفتها بتمني اني اخلص من حياتي لاني تعبت
اسيل بابتسامه حزينه:مسكت ايده اياد كفايه وبعدين بتتمني الموت يااياد عايز تسيبني انت مش وعدتني انك تفضل معايا وبعدين انا مقدرش اعيش من غيرك وبعدين كلام ماما مش صح لانك عمرك ماهتبقي شبه عمي في اي حاجه صدقني انا بثق فيك اكتر مابثق في نفسي ومتاكده ان عمرك ماهتفكر تأذيني ولاهتأذي ابنك بأي شكل،انا هقولهالك لأخر مره انا ماحبيتك فده لانك تستاهل ده واكتر ميهمنيش ايه كان ماضيك او حته عيلتك انت كل اللي يهمني افتكر اني انا كنت كل مره اوقع نفسي في مصيبه وانت اللي كنت دايما بتنقذني يااياد وتفضل جنبي وتساعدني تفتكر ان ممكن الشخص اللي يساعد ويقدر يحب هيجي يوم ويأذي اللي بيحبه ده مستحيل يااياد وخليك واثق ان مهما كانت الاسباب او اللي بيحصل هفضل معاك لأخر واوعي تفكر كده تاني عارفه انك بتمر بمرحله صعبه بس هفضل معاك وجنبك لحد ماتعديها يااياد وبالمناسبه انا جعانه وعايزه اكل
اياد بابتسامه خافته:تمام هروح احضرلك اكل واجبهولك
اسيل بجديه:موافقه بس هتاكل معايا
اياد:لأكلي انتي انا مليش مزاج اكل يااسيل
اسيل بعند:خلاص وانا مش هاكل طالما انت مش عايز وعلفكره انا ماكلتش من الصبح وانت عارف ان ده غلط عليا الفتره ديه بس مش مشكله لقيته حملني فلفيت ايدي حول عنقه.
اياد بنبره خافته:بعد ماقعدتها علي الرخامه بتاعت المطبخ واضح يااسيل انك بتستغلي نقطه ضعفي وطالما عارفه انو غلط انك متاكليش وانتي حامل بتعمليه ليه غاويه تأذي نفسك
اسيل بتنهد:خلينا واضحه معاك مش هاكل لوحدي يعني لو مكلتش معايا مش هاكل يااياد وانت المسئول بقي
اياد بنفاذ صبر:واضح ان ديه كلمه ومش هترجعي فيها فهزت راسها بمعني اه امتي اخلص من عندك ده يااسيل
اسيل بضحك:لأمتحاولش ياايدو لانك عمرك ماهتخلص من عنادي ابدا
                        ..................
ريم بتنهد:تفتكر يامراد ان كل حاجه هترجع كويسه وتتصلح
مراد بنبره هادئه:اكيد ياريم انتو عايله في النهايه ومصير المشاكل ديه تخلص
ريم باستنكار:بس لمعرفه وحضرتك مش معتبر نفسك من بقيه العيله ولاايه يامراد
مراد بتنهد:انتي عارفه اللي فيها ياريم انا ياحبيبتي معرفش يعني ايه عيله اصلا انا مفتكرش اني شفت حد من عيلتي فلا عشت جو العيله ولاااعرفه فمتسألنيش
ريم بابتسامه:حد قالك ان الموضوع ده احسن بكتير  قطع كلامي وصول رساله من نوران بتسأل علي اسيل طيب بص يامراد هروح اتكلم وابقي ارجعلك سبته وطلعت البلكونه وكلمتها الو يانوران ايه اخبارك
نوران بابتسامه:الحمدلله كويسه انا حسه اني قلقتك
ريم بضحك:لأ مقلقتنيش كنت صاحيه
نوران بتنهد:طيب كويس اسيل مالها اللي يخليها متتصلش بيا ولاتسأل عليا من ساعت ماسافرت
ريم بجديه:معلش يانوران هي فعلا الفتره ديه حاصل معها شويه مشاكل والدنيا كبيره معها ومشغوله مع اياد فصعب اقولك كل ده علي التليفون بس هي اكيد محتاجاكي انتي راجعه امتي لانك وحشتيني
نوران بابتسامه:راجعه الاسبوع الجاي لسعتها خلي بالك منها وخليكي معها
ريم بابتسامه:اكيد ياحبيبي بعد ماقفلنا مع بعض دخلت الاوضه ايه ده انت لسه منمتش يامراد
مراد بتنهد:مش حاسس اني عايز انام وقولت عمتا استناكي
ريم بضحك:اه ماشي بعد ماقعدت علي السرير قربت منه وطبعت قبله سريعه علي خده يلا تصبح علي خير لسه هبعد لقيته مسك ايدي وشدني ليه فسندت بزراعي علي صدره في ايه يامراد لقيته عكس الوضعيه وبقي بيعتليني قرب مني واحتضن شفتاي في قبله دامت قليلا ضغطت علي كتفه عشان يبعد واقدر اخد نفسي
مراد بابتسامه خافته:انا مردتش عليكي الصبح بس عارفه ان استنيت كتير عشان اسمع منك اللي قولتيه الصبح رغم ان كنت رافض فكره الحب وان بنات كتير حاولوا يتقربوا مني وانا اللي كنت ببعد انتي اللي قدرتي وفي فتره قصيره انك تسيطري علي قلبي ياريم واني مقدرش اتحكم في نفسي انتي الوحيده والاخيره اللي دخلت قلبي وحياتي بحبك وبقي صعب عليا اني ابعد عنك
ريم بابتسامه هادئه:اممم بس انا مقولتلكش ابعد يامراد ورحت لفيت زراعي حول عنقه بس لو انت اللي حابب تبعد مفيش مشكله برضو اه نسيت وراك شغل الصبح والوقت اتاخر ولازم تنام
مراد بضحكه خفيفه:اممم لأمتقلقيش بكره اجازه موريش حاجه الصبح وبعدين اكيد ياريم انتي اهم من الشغل ولاايه
ريم بتوتر:حسيت باضطراب في نبضات قلبي اثر  نظراته ليا، بس اثر اقترابه الشديد مني فاستسلمت لرغبه قلبي في قربه ليا متناسيه كل مامررت به من مشاكل واحداث الفتره الاخيره كأن عقلي وقف عن التفكير وخضع لقلبي فقط
                         ..................
اياد بتنهد:اسيل مش ناويه مش كنتي بتقولي جدو عايزنا نروحله بطلي كسل وقومي بدل مااسيبك وامشي
اسيل باستنكار:فتحت عيني بقي كده يااياد عايز تسيبني ديه اخره العشره ماشي مكنش العشم ياايدو وبعدين المفروض تتعود علي كسلي الفتره ديه مش تقولي هسيبك هشتكيك لجدو علفكره هخليه يعلقك من ودانك
اياد بسخريه:بس اوفر يااسيل قومي البسي قال ايه هيعلقني من وداني وبعدين بلاش تحججي انتي من الاول وانتي كسوله تحبي افكرك انك كنتي بتروحي شغلك يوم اه وعشره لأ
اسيل بغيظ:تصدق انا غلطانه اني بتكلم معاك بقي اخرتها تتريق علي كسلي ماشي يااياد وهيعلقك من ودان واحده كمان عشان تتريق
اياد بضحكه خفيفه:بس كده حاضر هبقي اقوله عارفه يااسيل لو كان لسانك اقد طولك كان زمانك مش قصيره كده
اسيل باستنكار:مش انا اللي قصيره انت اللي طويل بزياده مش ذنبي ده علفكره،وبعدين انت مش عارف قمتي انا خليتك تضحك اهو شويه بدل مانا بشوف سنانك بالعافيه من كتر مانت بتضحك وتبتسم الصراحه
اياد بتنهد:مش لازم تشوفي سناني انا هستناكي بره وعقبال ماتخلصي اكون شربت قهوه عشان مانمتش بليل ورحت سايبها وقعدت بره بعد فتره كانت خلصت
اسيل بابتسامه:فضلنا طول الطريق ساكتين لحد ماوصلنا لعند جدو وحشتني كتير ياحبيبي كده كل الفتره ديه متسألش عليا
عادل بضحك:هو مين الاكبر والمفروض يسأل عن التاني يااسيل وبعدين فين اياد مدخلش معاكي ليه
اسيل بتنهد:قاعد بره تحب اناديه ياجدو لقيته وقفني
عادل بقلق:استني يااسيل هو اياد مش كويس لان من سنين محلمتش بچاسمين امبارح حلمت بيها وكانت بتسأل علي اياد وذكرت اسمه كذه مره عشان كده طلبت انكم تيجوا
اسيل بملامح حزينه:لأاياد فعلا مش كويس وانا معدتش عارفه اعمل ايه
عادل بقلق:اسيل ريحيني واحكيلي اللي حصل طيب ووصله لمرحله ديه انا متاكد ان حسام السبب بس هو عمل ايه تاني
اسيل بتردد:حكتله كل اللي حصل الفتره اللي فاتت من ساعت ماقررنا نرجع البيت اياد بعد كل اللي حصل الفتره اللي فاتت وبقي هادي بطريقه غريبه مبيتكلمش كتير وبيفضل يقعد لوحده
عادل بصدمه:اسيل اللي انتي بتقوليه ده مش سهل نديت عليه فدخلي اياد
اياد بتنهد:نعم ياجدو حضرتك عامل ايه،واضح من ملامح حضرتك ان اسيل حكتلك كل حاجه كنت عارف اللي عمله ومخبيه هو كمان ولالأ ياجدو وبعدين متقلقش اسيل بتأفور بس انا كويس
عادل بجديه:متهيألي ان الكلام في الموضوع ده دالوقتي مش مناسب يااياد وبالذات وانت بالحاله ديه بس حابب اعرفك ان اكيد لو اعرف ان حسام هو اللي عمل كده مكنتش سكت لانك متعرفش انا كنت بعز مامتك واعتبرها بنتي
                        ...................
ريم بابتسامه:فتحت جفوني ببطئ بسبب اشعه الشمس لما فتحت عيني لقيته لسه مصحهاش فقررت ازهقه شويه فجبت خصله من شعري وقهكعدت ادايقه بيها واعمل نفسي نايمه فلقيته مصحيش فقلت لما اعملها تاني بس لقيته مسك ايدي قبل مااوصله ايه ده انت صاحي يامراد.
مراد بضحك:اممم مكنتش صاحي بس صحيت بسببك صباح الخير وسبيني اكمل نوم بقي ممكن او تعالي نامي معايا وريحني
ريم بابتسامه:بقيت كسول كده ليه يامراد بقينا الضهر علفكره لقيته غمض عينيه تاني وكان هينام فجيت جنب اذنه وبصوت عالي يلا قوم ورحت جريت نزلت من علي السرير وقفلت بابا الحمام قبل مايمسكني اااه حرام عليك قطعت نفسي بس مش مشكله صحيتك برضو
مراد بغيظ:متجوز طفله انا ماشي ياريم تصدقي هعملها فيكي
ريم باستنكار:بس انت متكلمش انت عملت الاسوء انت رمتني في البانيو والمايه كانت بارده منك لله بس عشان تعرف اني انا كنت طيبه معاك
مراد بسخريه:ايوه واخد بالي من طيبتك ياريم بتنقط منك ماشاء الله
ريم بضحك:لدرجاتي انت شايفني مش طيبه يامراد طيل خلاص انا معترفه لوحدي،خدت حمام دافي وبعد ماخلصت اعاا نسيت اجيب هدومي يخربيت كده وملقتش غير المنشفه فلفتها علي نفسي احم مراد حبيبي انت لسه في الاوضه ممشتش صح
مراد باستنكار:انا لسه في الاوضه لان محتاج الحمام وانتي خدتيه بس مراد وحبيبي يبقي عايزه حاجه خير ياريم
ريم باحراج:فتحت حته بسيطه من الباب يعني لوممكن تجبلي حاجه من الدولاب البسها لان نسيت اجيب بسببك
مراد بابتسامه خبيثه:اممم مليش مزاج اقوم ياريم واللي عايز الحاجه يجي يجبها ايا كان وضعه ايه انا مالي انتي اللي نسيتي
ريم بغيظ:اوووف يامراد معلش ممكن مش هعرف اطلع كده يأما تطلع من الاوضه يامراد
مراد باستفزاز:خلاص خليكي في الحمام بقي لاني مش هطلع من الاوضه
ريم بعصبيه:تصدق انا غلطانه اني طلبت منك طلعت من الحمام باضطراب اثر نظراته ورحت طلعت اي حاجه من الدولاب وكنت لسه هجري علي الحمام بس لقيته حاصرني علي الحيطه مراد ابعد عني عشان قطع كلامي بقبله لقيته قرب مني اكتر وحاوط خصري وابعد خصلات شعري عن عنقي ودفن وجهه في عنقي فاضطربت دقات قلبي مراد ابعد عني افرض ميرا جت
مراد بابتسامه:لأميرا مش هتيجي مفيش سبب يخليكي تقدري تهربي ياريم ولاايه
ريم باضطراب:لقيته في طرف المنشفه فكانت هتفك فمسكتها مراد الحق ميرا اول لما بص رحت زقيته وجريت علي  الحمام تعيش وتاخد غيرها يامراد
مراد بغيظ:ماشي ياريم الايام بينا كتير قدرتي تهربي دالوقتي بس بعد كده هاخد بالي
                      .....................
اسيل بتنهد:اياد هتفضل قاعد في الاوضه كده تعالي نطلع نقعد مع جدو اوبره علي الاقل
اياد بجديه:مليش مزاج يااسيل سبيني لوحدي
اسيل بتساؤل:قعدت جنبه اياد انت مدايق مني في حاجه او انا قولت حاجه تدايقك ومش عايز تقول
اياد بتنهد:انتي ملكيش دعوه بأي حاجه بس انا بقيت مضايق من كل حاجه وانا بدور علي الحقيقه خسرت نفسي وضعت فعلا معدتش عارف ارجع تاني وانا متاكد ان جدو يعرف حاجه ومش عايز يقولي اما بالنسبالك يااسيل فلو ادايقت من الكل صعب اني ادايق منك انا مليش حد غيرك بس حاولي تستحمليني الفتره ديه يااسيل وطبعا لو انتي عايزه حريتك انا ممكن لقتها قطعت كلامي بقبله
اسيل بابتسامه:بعدت بعد شويه وقعدت بالقرب منه اياد حبيبي قولتلك قبل كده اني مش هسيبك لأي سبب كان بس كفايه لحد كده يااياد لانك كده بتجرح نفسك يااياد لان مهما عملت في نفسك مش هتقدر تغير الماضي فلمصلحتك يااياد حاول تنسي انا عارفه انو صعب بس علي الاقل حاول
اياد بابتسامه حزينه:فاكره المذاكرات بتاعت ماما كان فيها ورق مقطوع بس مش عارف مين اللي عمل كده بس ايا كان اللي قطعه فهمو عايز يخبي الحقيقه،زي ماقولتي يااسيل صعب انسي لان ديه مش مجرد حاجه صغيره ديه حياتي ازاي هقدر ارتاح وانا عارف انو هو اللي موتها هو ونهي كل ده عشان الفلوس مش هرتاح يااسيل غير لمااعرف بقيه الحقيقه حتي لو كل كلمه بتموتني وبتوجعني بس انا مش هرتاح غير لما اخد حقها حته لو ايه اللي حصل
اسيل بصدمه:قصدك ايه باللي يحصل اياد انت لوحصلك حاجه بعد الشر مش هقدر اعيش فلو انت مش خايف علي نفسك فخاف عليا ورحت حطيت ايدي علي بطني او خاف عليه مسكت ايده وحطتها علي راسي اياد احلف بحياتي وحياه ابنك انك مش هتعمل حاجه وهتبعد الفتره ديه لحد ماتهدي وتقدر تفكر كويس وصدقني ساعت لما القي انك بقيت احسن والوقت مناسب انا بنفسي هساعدك بس دالوقتي لأ
اياد بتنهد:تمام يااسيل انا بحلف بحياتك انتي وابني اللي انتوا اغلي حاجه في حياتي اني مش هعمل حاجه وهستني الوقت مناسب بس انتي ممكن تهدي لان القلق والتوتر اللي انتي فيه ده غلط عليكي دالوقتي يااسيل
اسيل بابتسامه متعبه:ميرسي يااياد انك هتعمل كده عشاني بوعدك ده ريحتني علي الاقل مش هفضل قلقانه كل دقيقه من ان اخسرك يااياد
                          ...............
ليلي بتنهد:يعني انتوا معرفتوش اي حاجه عن اياد ولاايه اللي حاصل معاه
نوران بجديه:لأياطنط معرفش بس واضح ان الموضوع كبير المرادي
ليلي بقلق خفي:يارب ميكونش اللي في بالي وانو عرف الحقيقه كلها اللي خاصه بچاسمين بس هيكون عرفها ازاي
وائل بعدم فهم:حقيقه ايه ياماما اللي تخص خالتي چاسمين وانتي عارفها وقلقانه منها كده ماتردي عليا ياماما
ليلي بجديه:كل اللي اقدر اولهولك ياوائل ان الحقيقه صعبه جدا يعني لو فعلا اياد وصلها فربنا يعلم هتكون حالته عامله ازاي دالوقتي عشان كده عايزه انزل في اقرب وقت لو تعرف تحجز بكره
وائل بجديه:قصدك الحقيقه اللي موجوده في مذاكرات خالتي بس انتي كنتي عارفه انو لقها من فتره فايه اللي قلقك دالوقتي
ليلي بنبره قلقه:عشان المذاكرات مفهاش كل الحقيقه فيه جزء مفقود منها من فتره طويله انا عارفاه بس مقدرتش اقول الحقيقه لأياد لان كان صعب عليا اشوفه بيدمر قدام عينيا ياوائل...........
يكمل