زواج بالأجبار

الفصل التاسع والعشرون

اسيل بتعب:صباح الخير ياماما انا خارجه فمدوريش عليا
هويدا بنفاذ صبر:استني يااسيل هو فين اياد وكمان ليه مش عايزه تقولي ايه اللي حصل وايه سبب تصرفاتك ديه
اسيل بارهاق:ماما كفايه اسأله انا تعبانه ومش قدره انا همشي من قدامك احسن وبعدين عندك تليفون اتصلي بيه انا معرفش هو فين ومشيت من قدامها بس قبل مااطلع من البيت لقيت نهي طلعت في وشي
نهي باستفزاز:صاحيه بدري ورايحه فين يعني يااسيل
اسيل بجمود:حاجه متفرقش معاكي رايحه فين ورحت سيبها وطلعت من البيت
نهي بابتسامه خبيثه:الو انا عايزاك تراقب اسيل بس من غير ماتاخد بالها منك واوعي تغلط المرادي لاني عايزه اتاكد من حاجه
الشخص بخبث:طبعا ياماما متقلقيش المرادي هنفذ الخطه من غير مااغلط وهعرفلك كل حاجه بتفكر فيها وتحركتها بعد ماقفلت معاها واضح اننا قريب هنتقابل تاني يااسيل
.................
ريم بابتسامه:صباح الخير ياميرا امال فين مراد كنت فكراه قاعد معاكي
ميرا بضحك:لأسيبني لوحدي كان عنده شغل فخرج من بدري متقلقيش
ريم بتنهد:وهقلق ليه كنت بسألك بس لاني محستش بيه كنت قعد هت بحتسي القهوه مع ميرا فلقيت الجرس رن انتي مستنيه حد ياميرا فهزت راسها بلأ طيب خلاص هروح اشوف مين اول مافتحت الباب اتصدمت ماما
ميرڤت بابتسامه:كويس انك لسه فاكره اني امك
ميرا بفضول:مين ياريم اللي كان بيرن
مرڤت بهمس:واضح ان ديه اخت جوزك بس ايه قمر بس هتسبيني علي الباب برضو
ريم بنظره محتده:تمام ادخلي ممكن ياميرا تسبيني لوحدي شويه لو احتجتك هناديكي بعد ماسبتنا،افهم جايه ليه عايزه ايه مني تاني
مرڤت باستفزاز:لأمتقوليش كده ياريم ده انتي بنتي برضو وواجبي اسأل عليكي بس يعني هيفيدك بأيه لما تبقي زي ابوكي هتخسري كتير علي عكس وجودك معايا بمجرد ماتبقي معايا وتساعديني اي حاجه هتطلبيها هنفذهالك وبعدين انا بنصحك في هدوء اهو هيفدك ايه العيله والحب والجواز ولاحاجه
ريم بسخريه:وتفتكري انتي هتفديني بايه ياماما انتي دمرتيني خلتيني وحيده وصلتيني بقيت بكره نفسي تفتكري هفكر ارجع لحالتي ديه هتخلي عن عيلتي وجوزي عشان ايه ولامين حته لقتها قبضت علي ايدي جامد
مرڤت بجمود وصوت منخفض:تمام جدا انا عملت اللي عليا وكلمتك بهدوء ياريم انتي بنتي وبالاجبار هتنفذي اللي انا عيزاه والأ هخليكي تخسري جوزك واخته وسعتها مضمنش انا ممكن اعمل ايه ولو اضطريت هعمل اي حاجه
ريم بعصبيه:شديت ايدي منها فكري بس تقربي منهم او تلمسي شعره منهم صدقيني هتندمي ندم عمرك ياماما انا مش ضعيفه عشان انفذ اللي انتي عيزاه عشان خايفه انا مبقتش كده ومتقدريش تتوقعي انا ممكن اعمل فيكي ايه في لحظه ممكن ادمرك ومش هيهمني حد سعتها وياريت تمشي دالوقتي ومتجيش ولاتتصلي بيا احسن اقولك اعتبري ريم ماتت خالص
مرڤت بجمود:انا ماشيه بس هتندمي علي كلامك ده قريب يابنت طارق سبتها ومشيت
ميرا بابتسامه:سمعت صوت الباب قولت اجيلك مين ديه
ريم بتنهد:متشغليش بالك ياميرا مش هتفرق كتير مين لو احتجتي حاجه انا في اوضتي فوق
ميرا بابتسامه:خليكي اقعدي معايا لاني مش عايزه اسيبك وانتي مضايقه كده تعالي نعمل مفاجئه لمراد
ريم بعدم فهم:هنعمل ايه ومفاجئه بمناسبه ايه
ميرا بضحك:واضح انك متعرفيش ان عيد ميلاده انهارده هو غالبا مبيحتفلش بس السنادي مختلفه لانك معاه فقررت نعمله كيكه ايه رأيك
ريم بابتسامه:اممم تصدقي مكنتش اعرف بس مش مشكله قدامنا وقت نجهز حاجات هخليه مختلف فعلا
.................
اسيل بتنهد:وقفت العربيه واتصلت باياد ده انت لو صدقت تخلص مني مش هتعمل كده يااياد وانت مش معبرني من امبارح
اياد باستنكار:يعني اعمل ايه قولتيلي مكلمكيش طول مانتي في البيت وبعدين يعني يااسيل حاسس بهدوء حلو ياه محستش بيه بقالي فتره
اسيل بنرفزه:لأياراجل يعني انا ازعاج بالنسبالك ياااياد انا غلطانه اني كلمتك خليك بقي استمتع بهدؤك ده
اياد بضحك:كنت بهزر معاكي يااسيل مش تاخدي كلامي كله جد يعني الصراحه وحشتيني مكنتش عارف انام امبارح لانك مش جنبي بس يلا علي بكره هجيلك اه مش هنفضل مع بعض بس علي الاقل هشوفك فهبقي مطمن اكتر من قعدتي بعيد عنك كده
اسيل بابتسامه:اطمن انا كويسه متقلقش نفسك يعني هي ماما مش طيقاني حبتين بسبب اللي عملته بس مش مشكله بقي الاهم ان كل حاجه تمشي زي مااحنا عايزين يلا بقي هقفل معاك واكلمك بعدين عشان ورايا مشوار،بعد ماقفلت معاك كنت ماشيه بالعربيه بس لاحظت ان فيه عربيه ماشيه ورايا اممم كده انتي قررتي تراقبيني يانهي عشان تعرفي تحركاتي بس صدقيني مش هتوصلي لحاجه انا عايزه اعرف مين بس اللي جه البيت امبارح لأمستحيل يكون ابنها اوووف لوكده فعلا اكيد هيجي تاني بس سعتها هلحقه لازم اعرف اي حاجه عنه
.................
ريم بفرحه:اخيرا خلصنا كل حاجه مش مصدقه الشكل تحفه انا هروح اغير هدومي واجي عشان اتبهدلت خالص وانتي كمان غيري هدومك روحت الاوضه ودورت علي فستان وطلعته ده كان شكل الفستان في خلال شويه كنت جهزت ونزلت لميرا