زواج بالأجبار

الفصل السادس عشر

نوران بصدمه:ايه حصل امتي كل ده وليه قرريتجوز فاجئه ومين هي
وائل بضحك:اهدي هقولك كل حاجه بس انا جعان وانتي زمانك نفس الحكايه فهروح اعمل اكل
نوران بشك:انت مش هتولع في الشقه صح
وائل بنفاذ صبر:مسكت السكينه وجهتها ليها مسمعش صوتك لحد مااخلص يازفته
نوران بغيظ:ماتلم نفسك ياعم انت هتموتني في بيتي وبعدين انا ليا اسم علفكره وخدت مني السكينه وقربت منه صدقني مش هتردد اعملها واقتلك
وائل بصدمه:اهدي يامجنونه هتقتلي جوزك يرضي مين ده
نوران:بعدت عنه وبعد فتره كان خلص مش هتسمم لو كلت
وائل بضحك:لأمش هتسممي ولاحاجه
نوران بابتسامه:لما اكلت لقيت طعمه حلو اممم واضح انك طلعت بتعرف تطبخ مش ناوي ترد علي اسألتي بقي
وائل:واضح انك زنانه يانوران تمام اللي هيتجوزها عمي ديه تبقي حبيبته من قبل مايتجوز خالتو جاسمين وهو علي تواصل معها من زمان حتي بعد ماتجوز بس كان مستني الفتره ديه لسبب معين احنا منعرفوش لحد دالوقتي
                         ...................
تاني يوم الصبح،اسيل:صحيت متاخر فبصيت لقيت اياد مش جنبي فقومت اشوفه فين دورت في البيت كله ملقتش فقررت اطلع بره
رجل من الامن"مدام اسيل
اسيل:نعم
رجل الامن"مدام اسيل فيه واحده بره بتسأل علي استاذ اياد بس احنا مردناش ندخلها
اسيل بتعب:تمام دخلها مانشوف هي مين بعد فتره اتصدمت لما نزلت من العربيه بتاعتها انتي ازاي تيجي لحد هنا وعايزه ايه
نهي بابتسامه:واضح انك عامله زي جوزك معندكوش زوق ولابتحترموا اللي اكبر منكم
اسيل بعصبيه:مدام نهي احترمي نفسك احسن واذا كان معجبكيش كلام اياد امبارح فانا اسوء منه ومبيهمنيش حد واقدر اوقف الشخص عند حدوده
نهي بضحكه عاليه:ياه خوفت يااسيل زمان حماتك اتحدتني وكانت قويه زيك بس انا كسرتها وخدت جوزها منها حتي وقت ماكانت بتموت الشخص اللي كانت عيزاه كان معايا فمتجربيش تعيدي الموضوع عشان هتخسري وبعدين انا غرضي خير كنت هديكم دعوه الفرح
اسيل باستفزاز ووعيد:والدعوه متلزمناش يامدام نهي وقربت منها وهمست بجانب اذنها واعرفي اني قدره اني ادمرلك حياتك برضو فمتحدنيش عشان متخسريش هخليكي تتمني السنين ترجع ومتعمليش اللي عملتيه ورحت بعدت عنها واعتبريه وعد مني يامدام نهي وحاجه كمان لما تحبي تهددي اعرفي الشخص اللي قدامك كويس عارفه مكان الباب ولااخلي الامن يوركي مكانه
نهي باستخفاف:ولاتقدري تعملي حاجه يااسيل انتي اضعف من انك تأذي نمله وعايزه تدمريني انتي بتحلمي
اسيل بضحك:متستخفيش بمنظري لانك فعلا متعرفنيش طبعا مش هقولك نورتي لان زيارتك مش مرحب فيها في بيتي ولافأي مكان ومش حابه اقولك اللي تفضل علي علاقه بواحد متجوز وعنده ابن تبقي ايه لقتها هتمد ايديها فرحت مسكت ايديها جامد لمي ايدك يامدام نهي عشان بكلمه واحده ممكن اجيب الامن يرموكي بره او انا ممكن اقوم بالواجب معاكي
نهي بعصبيه:ااااه انتي مجنونه ازاي تمسكي ايدي كده
اسيل بابتسامه:لأديه حاجه بسيطه اعتبريها هديه جوازك المره التانيه لو فكرتي مجرد تفكير تمدي ايدك هكسرهالك خالص يلا بقي بره ونديت حد من الامن ياريت توروا طريق الخروج لمدام بعد مامشيت روحت ادور علي اياد ملقتهوش وموبيله مغلق انا لازم اروح لنوران قطع تفكيري مجئ نوران ووائل ايه ده انتو جيتوا انا اسفه اني اتاخرت ان اجيلك يانوران
نوران بابتسامه:لأولايهمك ياحبيبتي انا عذراكي امال فين اياد هو كويس
اسيل بضيق:مش عارفه هو فين كنت بدور عليه ملقتهوش وموبيله مغلق ولسه البومه كانت هنا
وائل:قصدك مين بالبومه
اسيل بانزعاج:نهي مرات عمي الجديده رحت حكتلهم الحوار اللي دار بينا،انا كنت نقصها علي الصبح وانا مش عارفه اياد راح فين اوفف
وائل:اسيل متقلقيش هتلقيه محتاج يعقد لوحده شويه فسبيه وهو هيرجع لوحده
نوران بابتسامه:انا ممكن انا وائل نفضل معاكي لحد مايرجع والدنيا تظبط معاكي
وائل بغيظ:حد قالك انك بتسرقي افكاري يانوران بطلي العاده ديه بقي مش هتحرمي
نوران بابتسامه:اخرس ياوائل مش عايزني اعمل زي امبارح ولاايه
اسيل بتساؤل:ليه انتي عملتي ايه امبارح
وائل باستنكار:لأحاجه بسيطه كانت مهدداني بالسكينه بس صحبتك بقت مجرمه يااسيل افرحي
اسيل بضحك:ينهار ازرق ده انتي تفوقتي عليا يابنتي
عالموم اوضتك موجوده ياوائل لوحابب تنام لانك نايم اصلا وتعالي معايا ادلك علي اوضتك ومر اليوم كله وانا بحاول اتصل بيه وموبيله مغلق لحد مابقت3الفجر سمعت صوت عربيته فروحتله كان لسه نازل من العربيه روحت قربت منه ولفيت ايدي حول عنقه وضميته اياد كنت فين قلقتني عليك
اياد بتعب:اسيل انا كويس بس كان لازم اعمل كده وافضل لوحدي وبعدين انا رجعت عشانك يااسيل غير كده كنت اختفيت فتره،وبعدين واضح ان وائل قاعد هنا يعني مش لوحدك
اسيل بجديه:ايوه هو ونوران جم عشان يسألوا علينا ولما لقوا كده مرضوش يسبوني لوحدي بس انا كنت عيزاك انت يااياد وفضلت اليوم كله قلقانه عليك واتصلت كتير وانت قافل موبيلك
اياد بابتسامه:مكنتش اعرف ان فيه حد بيقلق عليا وبالذات انتي عالموم لوحصلت تاني متشغليش بالك لما ابقي كويس هرجع
اسيل بضيق:اياد بطل كلامك ده بقي بجد انا مش بهزر انا فعلا قلقت عليك قطع كلامي بقبله
اياد بهدوء:بعدت عنها شويه اسف يااسيل ان خليتك تقلقي كده هحاول مكررهاش تاني
اسيل باضطراب:تمام ممكن تبعد عني لاننا بره وممكن اي حد يجي وقبل مااكمل كلمتي لقيته قربني ليه اكتر واللي بيفصل بينا مسافه قصيره اياد انت بتعمل ايه افرض حد جيه
اياد بابتسامه:عادي اللي يجي براحته ميهمنيش لانك مراتي يااسيل ورحت قربت منها وطبعت قبله علي خدها يلاندخل الوقت اتاخر واحنا لازم ننام
                           ................
تاني يوم الصبح،ريم:بعتت العنوان لمراد وقولت اجهز عقبال مايجي انتي يازفته بتعملي ايه في دولابي خليني اجهز
ساره بضحك:لأمنا هختارلك اللي هتلبسيه علي مزاجي
ريم بنفاذ صبر:انجزي وبعدين انا مش رايحه حفله لقتها طلعتلي فستان روز ومطعم بالاسود فروحت لبسته عشان اريحها وبعد فتره كان جيه فطلعتله
مراد بابتسامه:واضح انك بقيتي احسن عامله ايه
ريم بابتسامه:اهو نوعا ما كويس وهو ساعدني عشان اركب العربيه وبعد فتره كنا وصلنا المطعم هاا كنت بتقول عايزني في موضوع مهم
مراد باستنكار:يعني افهم انك وافقتي تيجي عشان الموضوع المهم ولو طلبت نتقابل عادي ومحتاجك مش هتيجي مثلا
ريم بابتسامه:لأهاجي طبعا عالموم ممكن ناكل عشان انا جعانه وبعدين نبقي نتكلم
مراد بضحك:ماشي يامفجوعه بعد ما،لبنا اكل عالموم الحاجه المهمه خاصه بالحادثه بتاعتك
ريم باستغراب:زي ماقولت كانت حادثه ممكن اللي سايق شارب كتير
مراد بجديه:بس اللي خبطك كان قاصدك ياريم انا ليا اصدقاء في الشرطه وبعد مارجعوا الكاميرات ومكان الحادثه عرفت منهم انو هو كان جاي باتجاهك وكمان بعد ماخبطك كنتي علي جنب الطريق ولما نزل ولقاكي عايشه لسه فشدك لنص الطريق علي ان اي عربيه مش هتشوفك وهتخبطك منها استحاله تفضلي عايشه ومنه يبقي لبسها الشخص التاني فهما عايزينك لانك لو بتشكي في حد
ريم بصدمه:انا معرفش مين اللي ممكن يكون ليه مصلحه في موتي
مراد بتفكير:مش ممكن ابن خالك
ريم باعتراض:لأاستحاله يكون هو اه انا ائذيته بس هو مستحيل يفكر يقتلني يامراد
مراد باستنكار غيره خفيه:انتي لسه بتحبيه ياريم
ريم بابتسامه:مش عارفه بس يمكن مكنش حب اصلا وكان مجرد انانيه انا شفت الحب فعلا من خلالهم هو ثقه وسند وصدق مفهوش اي نوع من الانانيه هو ده اللي شفته واللي ةنت بحسه ده كان مجرد وهم لان مينفعش اجبر شخص يحبني لان المشاعر الحاجه الوحيده اللي بنحس بيها من غير اجبار اوضغط من اي حد وبتيجي في اي وقت من غير تفكير ،انا بفكر اروحلهم عشان....
قطعتها بضيق:تاني ياريم انتي مش قولتي انك..
ريم بجديه:اهدي مخلتنيش اكمل جملتي خالوا هيتجوز اخر الاسبوع وحصلت مشكله بسبب ده وبعدين عايزه اروح اباركلهم عشان فرحهم كمان بس معتقدش حالتي تسمح صح
مراد بهدوء:ممكن بس هيبقي بعربيه مش طياره انا ممكن اجي معاكي اوصلك وانا هيبقي وراياحاجه اخلصها هناك ايه رأيكلوعندك مشكله قولي
ريم بضحك:لأمعنديش مشكله ده انا حتي هستغلك انت اللي هتسوق عشان انا مش هعرف عالموم ميرسي جدا يامراد علي كل اللي عملته معايا واسفه علي اسلوبي لما كنا في الطياره
مراد بابتسامه:ولايهمك ياستي فداكي،سرحت في ملامحها كأن من يحفظها في ذاكرته وفي نفسي لما مبشفكيش بتوحشيني كل مااسيبك ولما بتبقي بعيده عني مبفكرش غير فيكي ولما احس انك ممكن لسه بتحبي اياد بضايق معقول اكون حبيتك ياريم من غير مااحس مهو مفيش استنتاج للي بحسه غير كده
                               ................
اياد بتذمر:اسيل مش ناويه تقومي بقينا الضهر
اسيل بنعاس:ملكش فيه انا عايزه انام ومرتاحه كده
اياد باستنكار:طالما عايزه تنامي ليه ماسكه فيا مش ههرب علي فكره
اسيل بهدوء:رفعت راسي عن صدره اه مضمنكش ممكن تعمل زي امبارح وبعدين انا مرتاحه اني انام كده
ايا بابتسامه خفيه:تمام يااسيل ورحت قربت منها وهمست باذنها بس احنا ممكن نستغل الوقت ونستفيد منه برضو
اسيل بعدم فهم:اقصدك ايه يااياد لقيته قرب مني وبيلعب بازرار بلوزتي ففهمت قصده فرحت بعدت عنه حد قالك انك بقيت قليل الادب يااياد
اياد بضحك:اه عارف بس قدرت اقومك كمان اهو ورحت قربت منها شويه وهمست بس ده ميمنعش ان هيجي يوم وهتوافقي برضو😉
اسيل بخجل:ابدا ورحت مسكت الفازه من جنبي جرب بس وانا هخبطك بيها يااياد
اياد بضحك:هتخبطيني يامجنونه بس علفكره مش هتقدري تعمليها لقتها بترمي عليا مخدات طيب خلاص اهدي وسبتها ودخلت الحمام اغير هدومي
                              .............
نوران بتعب:صحيت الصبح بدري وقررت اطلع اقعد بره عشان مقلقش حد فشردت بذكريات قديمه
وائل بابتسامه:صباح الخير سرحانه في مين يانوران
نوران بخضه:هااا انت جيت امتي
وائل بضحك:جيت من شويه واضح انك مش معايا خالص انتي في دنيا تانيه
نوران بابتسامه:اه معلش كنت سرحانه في حاجات قديمه فمخدتش بالي لما جيت هو انا ممكن اسأل سؤال
وائل بابتسامه:امممم اكيد خدي راحتك
نوران:انا اعرفك من شهر وشويه وتقريبا عمري ماشفتك بتجيب سيره مامتك او بتكلمها حتي فليه لو السؤال هيضايقك متردش
وائل بتفهم:لأعادي هجاوبك ماما وخالتوا چاسمين مختلفين جدا عن بعض ماما بتحب الشهره والفلوس ودول كل همها مفيش في حياتها حاجه اسمها حب او مشاعر اهم حاجه مكانتها قدام اللي حواليها وخالتوا كانت رغم انها من عيله غنيه بس كانت بسيطه جدا امكن كانت بتهتم بيا اكتر من ماما اهم حاجه عندها المشاعر والحب دول اللي كانت عايزهم ولما اتجوزت من عمي حسام كانت من نحيتها مش اجبار لانها كانت بتحبه بس،فعادي احنا مبنتكلمش كتير والفتره اللي كنت فيها عندها مكنتش معظم الوقت موجوده وحاجه كمان مقولتلكيش عليها بس لازم اقولها انا مقولتلهاش علي جوازنا الصراحه وياريت متفهميش غلط
نوران بابتسامه:تمام ياوائل انا اصلا بعفيك من طلب ماما وانك حر حتي لو فكرت تجوز انا عارفه ان الفرق بينا كبير جدا
وائل بجديه:لقتها هتمشي فمسكت ايديها نوران استني انتي فهمتي غلط انا مقولتلك كده مش عشان مستني تقوليلي كده يانوران انا محبتش اخبي حاجه عليكي لكن انتي فهمتيني غلط نوران لما قررت اني اتجوزك كان لاني بحبك عمري مابصيت لفرق اللي انتي بتكلمي عليه مفيش حد بيختار ظروفه ولاانو يتولد غني او فقير ومش معني اني غني يبقي انا انسان مرفهه ومعنديش مشاكل ومش معني اني مقولتلهاش اني مستعر اقولها اني اتجوزتك وحبيتك بس انا كنت مستني الوقت المناسب مش اكتر
                         ..................
في الشركه،محمد:حسام عايز اتكلم معاك في موضوع
حسام:خير قول اللي عندك
محمد بتردد:انا كنت عايز اكلمك في موضوع جوازك ياحسام انا اه اخوك الصغير بس حقي اني انصحك بان نهي مش مناسبه ليك انت هتخسر كل اللي حواليك بسببها جرحت اياد بالكلام وانت عارف اقد ايه كان متعلق بمامته وانت حتي مهتمتش بيه بعد موتها
حسام بعصبيه:وهو اهانها ومش هنساله اللي قاله وبعدين مش هتراجع عن جوازي زي زمان بسببكم عايزين تمشوا ولايهمني هي كل حياتي انتو عمالتولي ايه رد عليا
محمد باستنكار:يعني انت مستعد تبعد وتخسر عيلتك عشانها هتبعد عن ابنك الوحيد عشانها هي مين وايه حقها انها تاخدك من عيلتك وابنك فهمني عملتلك ايه هي عمرها ماجابت غير المشاكل خسرتك انسانه لو لفيت الدنيا مش هتلقي زيها ودالوقتي ابنك مستني تخسرك ايه تاني
حسام بعصبيه:انا عمري ماحبيت چاسمين وفضلت ولسه بحب نهي وده مش هيتغير
محمد بفقدان امل:مفيش فايده من الكلام معاك هي عاميه عينك بس اعرف ان الواحده اللي تفضل مع واحد متجوز وعنده ابن وتعمله مشاكل وتبعده عن بيته وتفرق عيلته انها استحاله بتكون بتحبه هي واحده انانيه حبها هيجيب دماره والوقت اللي بيمر عمره مابيرجع بتمني تشوف الحقيقه قبل ماتخسر كل حاجه ومتقدرش ترجع الوقت تاني مهما اتمنيت.......