زواج بالأجبار

الفصل الثامن وعشرون

فعشان كده من بكره صعب اننا نتواجد مع بعض كتير يااياد عشان نقدر نوصل للي احنا عايزينه يعني كل اللي هيحصل من بكره مش حقيقي
اياد بابتسامه:ماشي ياااسيل بس ده بكره مش انهارده وحاوطت خصرها ولاايه
اسيل بضحك:بس احنا لازم ننام بدري ورانا حاجات كتير بكره يااياد لقيته دفن وجهه في رقبتي
اياد بتنهد:ميهمنيش اي حاجه غيرك كفايه اني هضطر ابعد عنك الفتره ديه كلها بس عمي مش عارف حاجه واللي هنعمله ده هيجرحه يااسيل وانتي عارفه انو ممكن يتعب
اسيل بتنهد:متخفش كل حاجه هتبقي تمام بس مش هينفع نقوله لانه مش هيتصرف زي كانه ميعرفش فربنا يستر من اللي هيحصل
                             .................
ريم بضيق ودموع:انا عارفه انك يامراد مريت بظروف صعبه وامكن انا معرفش عنها غير موت اهلك ومعرفش عنك حاجات كتير بس انت برضو متعرفش ماما معرفش ناويه علي ايه واللي عرفته انهارده كان صعب عليا لما اتصلت بيا كان عندي امل انها افتكرتني وبتسأل عليا بس طلعت متصله تهددني وبمأن تهديدها ده منفعش هتدور علي غيره ومش هتهدي وجودي معاك انت وميرا ده دمار ليكم انا مش حابه اكون السبب في ائذيتكم،لقيت نفسي من غير مااحس حضنته ومقدرتش امسك دموعي
مراد بتنهد:ريم ممكن تهدي ولازم تعرفي حاجه انا ميهمنيش اللي ممكن يحصل وده مش سبب يخليني اسيبك تمام انا هفضل معاكي لأخر يوم في حياتي وبعدين انتي زي ماقولتي انتي متعرفنيش كويس ياريم احتضنت وجهها بين كفي انا ممكن اعمل اي حاجه عشانك بس مستحيل اتخلي عنك وبلاش اشوفك بتعيطي تاني
ريم بابتسامه خافته:اوعدك اني احاول اتماسك الفتره ديه عشان اقدر انفذ اللي احنا متفقين عليه بس صعب اننا نلقي الاجابه لانها ناقصه متهيألي اننا محتاجين نروح لعمها ونحاول نتكلم معاه امكن نعرف حاجه احنا مش عارفانها
مراد بتنهد:تمام هاجي معاكي بس دالوقتي لازم ننام عشان قدامنا يوم طويل بكره داعبت خدها يلاتصبحي علي خير
                       .....................
تاني يوم الصبح،محمد بصدمه:اسيل ايه اللي جايبك الصبح كده ومعاكي شنطتك
اسيل بعصبيه:عشان انا زهقت من العيشه معاه يابابا تعبت معدتش قادره استحمل وجودي معاه احنا مختلفين جدا عن بعض حاولت بس فشلت لاننا مبتنتهيش المشاكل بينا وانا صعب اكمل بقيه حياتي كده احنا مش قدرين نفهم بعض ولاهنفهم احنا كده طول عمرنا وبسببكم جوزتونا بالاجبار من غير ماتخدوا برأينا دمرتوا حياتنا كده كويس يابابا
محمد بصدمه:ممكن تهدي يااسيل فين اياد طيب وبعدين ايه اللي حصل عشان توصلوا بمرحله ديه
اسيل بانفعال:حته انت يابابا مش فاهمني طبعا ماهو ابن اخوك ولازم تدافع عنه رحت سبتهم واتجهت لأوضتي بس هي وقفتي
نهي بسخري:تؤتؤ مش ده برضو حبيبك وجوزك اللي كنتي بتدافعي عنه يااسيل ولاميكنش خانك ولاحاجه
اسيل بعصبيه:متد خليش في حياتي احسنلك وخليكي في حالك مكنتيش من بقيه عيلتي عن اذنك
سبتها ودخلت اوضتي القديمه اوووف مفيش حاجه ولقيت ماما دخلتلي،ماما انا مش حابه اتكلم
هويدا بنفاذ صبر:اسيل احنا لازم نتكلم ايه اللي حصل بينك وبين اياد عشان تسبيه وتجيبي شنطتك وتيجي
اسيل بجديه:تمام انا مبحبهوش هو بالنسبالي ابن عمي وبس صعب اننا نفضل مع بعض كتير الأمبتحصل مشكله بمصيبه ده غير اني تعبت من كل ده معدتش قادره اتحمل انا عايزه انو يطلقني وانا هبعد عن هنا واسافر
هويدا بصدمه:طلاق ايه انتي مجنونه يااسيل ده جوازكم مفتش عليه غير شهرين وتقوليلي عايزه تطلقي اسيل اعقلي لو باباكي سمع اللي بتقوليه ده هيتعب وهتكوني السبب
اسيل بجمود:كفايه الاسلوب ده ياماما عملتوه معايا عشان اتجوز اياد رغم تعب جدو مكنش ليه علاقه بيا بس انا هفكر في نفسي من انهارده مش في اللي حواليا انا عايزه اعيش حياتي مش ارتبط بجواز انا مجبره عليه
هويدا بعصبيه:ضربتها بالقلم اخرسي يااسيل لينا كلام تاني بعدين وسبتها وخرجت من الاوضه
اسيل بوجع:اه كده ياماما اخرتها تديني بالقلم انا لازم انام شويه اوف راسي وجعاني واضح ان الايام الجايه صعبه
                        ...................
مراد باستنكار:انتي جيتي المنطقه ديه ازاي انتي واسيل مخفتوش
ريم باستخفاف:وهنخاف ليه يامراد احنا اقوي من كده انت ناسي اللي عملته يوم ماكنا مسافرين انا محدش يتوقعني علفكره وحتي انت يامراد واسيل مش اقل مني برضو يعني شكلنا غير اللي ممكن نقدر نعمله
مراد بضحك:اه خدت بالي انكم مفترين ومن خلال الفتره اللي قعدت فيها معاكي انا متاكد ان اسيل هتوصل للي هي عيزاه ومحدش هيقدر يقف في وشها حته لو اياد وانتي اه مبتوقعكيش من بعد الحادثه اللي حصلت معانا واضح انها چينات في العيله
ريم بجديه:اهي هي ديه الشقه فمراد خبط ففتح الراجل
مصطفي:فتحت الباب فلقتها تاني انا مش قولت لحضرتك ان العنوان غلط ومتجيش تاني
مراد بجديه:اولا اتكلم معايا انا لقيته هيقفل الباب فحطيت رجلي لأمتعملش كده ياعمي انا هحترم سنك فاحنا عايزين نتكلم كلمتين من غير مشاكل وهنمشي وطبعا اكيد مش علي السلم ولاايه
مصطفي بجديه:اتفضلوا خير عايزين ايه
مراد بجديه:طيب اقعد ياعمي بس قولتلك هنتكلم شويه ونمشي وبعدين يعني انا مش حابب اعمل مشاكل هنا فبهدوء انا عايز اعرف كل حاجه تعرفها عن نهي واللي كانت بتحبه وحامل منه وانت ادري بقي ان ديه مسئله حساسه ومهما انكرت فهي هتفضل بنت اخوك برضو
مصطفي بقلق داخلي:انت بتهددني اولا انا معرفش انتوا مين
مراد بجمود:اولا ده شئ ميخصكش لو عايز فلوس مقابل كلامك اطلب اللي انت عايزه
مصطفي بضيق:انا مش رخيص يااستاذ زي مانت متخيل اه نهي بنت اخويا بس انا عمري ماقبلت رشوه ولافلوس حرام بس هي كسرتني مرتين مره ساعت ماعرفت انها حامل وعلي علاقه بواحد وطردتها استحملت كلام ناس كتير بس بعد اشهر كانت ولدت جت واحده تانيه غير اللي اعرفها وكأنها وقعت علي كنز جت هانتني بفقري واني مقدرتش اعملها حاجه ورمت فلوس في وشي مقابل الكام سنه اللي صرفت عليها فيهم بس صدمتني لما عرفت انها جابت الفلوس منين وهي انها حبت واحد غني بعد كده هي بعدت ومرجعتش تاني ولاانا بسأل عليها انا كنت بعتبرها بنتي بس اتبريت منها من زمان انا اسف علي اللي عملته معاكي يامدام المره اللي فاتت بس انا الموضوع ده صعب عليا انا عارف انكم اغنيه من منظركم وممكن في دقيقه تدمرني يااستاذ بس انا احب اطمنك انا مدمر من زمان جدا فمعدش فارق معايا اي حاجه
ريم بتنهد:بس احنا مش جايين نأذيك ولاحاجه ياعمي ده اللي كنا عايزينه مش اكتر بس حضرتك متعرفش فين حببها الاول وكان اسمه ايه وليه سابها
مصطفي بجديه:اسمه عمر ساكن قريب من هنا معرفش لسه موجود ولامشي بس لما قابلته وحاولت اتكلم معاه انو ليه رد عليا اجابه عمري ماهنساها هو كان بيحبها وهي كذلك اه علاقتهم اتطورت بس هي جت في يوم وعرف انها علي علاقه بواحد تاني في نفس الوقت ولما سألها ليه عملت كده ردت عليه عشان الفلوس وانها اه حبته بس حبها لفلوس وانها تطلع من الفقر اكتر بكتير واتخلت عنه بمعني ان كلامه غير اللي عرفته يعني صعب يتعرف الولد ده ابن مين فيهم الألو اتعمل تحليل وانا معرفش هو فين ده كل اللي اعرفه
مراد بجديه:تمام شكرا جدا ليك ياعمي واسف علي اسلوبي عن اذنك خدت ريم وطلعت
ريم بصدمه:واللهي طلعت مش قليله علي اللي هي عملاه ده الصراحه الموضوع اتعقد،بس ياترا هو ابن مين فيهم وكانت بتفكر في ايه ساعت لما عملت علاقتين في نفس الوقت
مراد بحيره:بصي ياريم صعب اننا نلقيه لان احنا منعرفش عن الولد ده اي حاجه ومعني انها مظهرتهوش لحد دالوقتي فده يعني انها مستنيه وقت معين،عادي مفيش غير تفسير وهو علاقتها بي عمر لانها كانت بتحبه ففضلت معاه وعلاقتها بخالك كانت عشان الفلوس هي اتخلت عن حبها وكل حاجه عشان الفلوس
                        ...................
نوران بقلق داخلي:بعد ماسافرنا كنا وصلنا البيت وائل خليني انا هنا وادخل انت لمامتك لحسن تدايق من وجودي او تتعب
وائل بتنهد:لأمتقلقيش هي كويسه وبعدين مش هدخل من غيرك ورحت مسكت ايديها وفتحت باب الغرفه ازيك ياماما ايه اخبارك انهارده
ليلي بابتسامه:كويسه ياوائل شوفت اللي حصلي وانت مش موجود معايا لمحتها واقفه معاه ايه اللي جابها هنا
وائل بتنهد:نوران حابت تيجي تطمن عليكي ياماما مسكت ايديها ممكن ياماما تحاولي تديها فرصه صدقيني انا بحبها وهي مختلفه مش زي مانتي متخيله
ليلي بنفاذ صبر:يحلها ربنا ياوائل لما ارجع زي الاول هبقي اشوف الموضوع ده
نوران بابتسامه:الف سلامه عليكي ياطنط وانا هسيبكم تكلموا وهطلع عن اذنكم
ليلي بتنهد:كنت هسألك ياوائل اياد عامل ايه لانه ساعت ماسافرت كانت حالته صعبه وانا انشغلت بعد كده حاولت كذه مره اكلمه بس موبيله مغلق
وائل بحيره:معرفش ياماما بعد قرايته لمذاكرات خالتي كانت حالته صعبه وحصلت مشكله بس فاجئه هدي وكان قراره انو هياخد حقها وحقه بس ياماما انا سعات بسترغبك يعني انتي دايما بتقسي علينا لدرجه اننا مبنحسش انك بتحبينا وسعات تظهري علي العكس يعني انتي عمرك مااهتميتي بااياد حاسس بايه
ليلي بابتسامه:مين قالك اني عمري مااهتميت بيه ياوائل متنساش ان ده ابن اختي الوحيده اللي خسرتها من سنين كل مابشوفه بفتكرها لانه واخد نفس لون عينيها وبعض من ملامحها اه طباعه مختلفه شويه وامكن مقدرتش ابقي معاه ومكان چاسمين بس انا كنت دايما بتابع اخباره عن طريق عمو عادل وخليتك علطول معاه عشان ميحسش بالوحده وان ملوش حد فيه حاجات كتير انت متترفهاش ياوائل انا مش قاسيه زي مانت متخيل ولامعنديش مشاعر بس الفكره ان بعد تجربه چاسمين واللي حصلها بسبب الحب انا جاتلي عقده بقيت بخاف مش هتقدر تفهمني لانك معشتش اللي عشته معاها سعتها وحاجه كمان ياوائل انا مستعده ادي لنوران فرصه عشانك وعشان عارفه انها صديقه اسيل وانا واثقه من اختيارها
                             ..............
اسيل بتنهد:قومت من النوم عشان اشرب مايه فشفت خيال شخص مين هنا لقيته جري فجريت وراه وقبل ماكنت همسكه حد خبطني بحاجه علي راسي فوقعت علي الارض حاولت اقوم بس فقدت الوعي ابتديت افتح جفوني بتعب فلقيت ماما وبابا قعدين جنبي اه يادماغي
محمد بقلق:انتي كويسه يااسيل ايه اللي حصل وخلاكي تقعي وتفقدي الوعي كده
اسيل بالم:فيه حد خبطني بحاجه علي دماغي لما كنت بلحقه
هويدا:كنتي بتلحقي مين يااسيل
اسيل بتنهد:انا روحت اشرب مايه وشوفت خيال شخص ولما سألته هو مين جري فانا كنت بلحقه وبعد خلاص ماكنت همسكه فيه حد خبطني علي دماغي من ورا فمحستش بحاجه ووقعت حاولت اقوم بس معرفتش
محمد باستغراب:مفيش حد يااسيل بس تلقيكي مرهقه عشان كده بتتهيقلك حاجات
اسيل بانفعال:انامش مرهقه ولابخرف انتو مش مصدقني بس انا متاكده من اللي شفته وياريت تسبوني لوحدي بعد ماطلعوا قفلت الباب واتصلت بريم الو ياحبيبتي رنيتي عليا بس كنت نايمه خير
ريم بعفويه:حكتلها علي اللي حصل معانا انهارده انا ومراد بصي يااسيل ان نلقي ابنها ده صعب والاصعب اننا نعرف انو ابن خالي ولالأ وانتي ايه اخبارك هناك ونهي عامله ايه
اسيل بتعب:مش عارفه حاجه حصل معايا موقف من شويه وحكتلها اللي حصل انا متاكده ان ده مش مجرد خيال بس محدش مصدقني ومعرفش مين كان ده كمان
ريم بجديه:انا مصدقاكي يااسيل معني كده ان اللي ساعد دخوله البيت مع الحراسه ديه كلها حد من البيت واكيد هيرجع تاني بس خلي بالك يااسيل لان اللي حصل انهارده ده مش خير ابدا ومتعرفيش ايه اللي ممكن تكون مخبياه تاني يلا هسيبك ترتاحي تصبحي علي خير
اسيل بحيره:وانتي من اهلو ياترا مين ده بس منه لله اللي خبطني اه ياراسي مش حسه بيها
                     ..........................
مراد بتساؤل:مالك ياريم سرحانه في ايه
ريم بضيق:مش عارفه يامراد بس عندي احساس مش حلو بقيت بخاف من اللي جاي ومين اللي كانت اسيل بتجري وراه تفتكر ليه علاقه بنهي
مراد بتعب:اولا ياريم بطلي تمشي ورا احساسك دا والحاجه التانيه ايه اللي حصل معاها
ريم بتنهد:شافت حد في البيت ولما سألته هو مين جري فلحقته بس قبل ماتوصله حد خبطها بحاجه علي راسها ففقدت الوعي انت ساكت كده ليه جيت الف لقيته نام فقومت غطيته كويس تصبح علي خير وطفيت النور ورحت عشان انام بس افكار واسئله كتير كانت في عقلي بتمني ان كل حاجه تبقي كويسه رغم ان احساسي وقلبي مش مطمن اللي جاي................
يكمل