زواج بالأجبار

الفصل الثالث

في البيت،ريم:ماما اللي بتقوليه مينفعش حاليا اياد اتجوز اسيل
مرڤت بابتسامه:بس ده مجرد كتب كتاب مش جواز يعني قدامنا لحد الفرح شويه
ريم:ماما انتي ناويه علي ايه
مرڤت بابتسامه خبيثه:هقولك انتي لازم تخلي اياد يحبك وينسي اسيل ويقرر انو يطلقها ويجوزك انتي لان الصراحه مش هسمح ان الثروه ديه كلها تروح لحد غيري اياد هو الابن الاكبر لعيله والوريث للاملاك ديه ولماتبقي مراته هيبقي كل ده ملكك،عشان كده مش هسمح لجوازه ديه تتم بابا عايزهم يتجوزوا وبيحاول يجمعهم وانا هفرقهم
ريم:ماما متنسيش ان اسيل واياد طول عمرهم عايشيين مع بعض اه بينهم خلافات بس صعب انك توقعي بينهم وكمان جدو استحاله يوافق
مرڤت:لأمتخفيش ممكن توقعي بينهم عادي وبالنسبه لبابا فاهتصرف معاه لوتم اللي في دماغي هيبقي كل ده في ايدينا بس انتي اتجدعني بس
..................
محمد بقلق:حسام احنا لازم ناخد بالنا من مرڤت لان شكلها ناويه تعمل حاجه وربنا يستر من اللي هتعمله
حسام:معاك حق انها تيجي ومفيش حاجه وتقوم خناقه واحنا عارفينها كويس عشان كده متكلمتش سبتها المرادي بس تجرب تعمل حاجه وانا اللي هوقفها عند حدها،شوفت اياد فين لانه كان خارج مضايق ومتعصب
محمد:ماشي ياحسام،لأمش عارف فين بس متهيألي ان اسيل لحقته عمتا موبايلهم مغلق فغالبا هما الاتنين مع بعض
حسام بابتسامه:علاقتهم قويه رغم كل الخلافات والمشاكل اللي بينهم وده اللي خلاني اطمن لموضوع جوازهم هما عاشوا مع بعض اه مبيتفقوش بس لما حد بيجي ناحيه حد فيهم التاني بيقف معاه وبيدافع عنه
محمد بابتسامه:اه لاحظت بتمني ان كل حاجه تعدي علي خير وبالذات عمليه بابا
حسام:متقلقش انا كلمت الدكتور وقال ان انشاء الله تنجح فمتقلقش اهم حاجه لازم نبعده عن المشاكل واللي هي ميرڤت مش لازم يعرف بالمشاكل ديه انا بفكر اصلا اخلي اياد واسيل يروحوا يقعدوا مع بابا يومين عشان لو احتاج حاجه وكمان امكن مرڤت تهدي رغم ان عارف ان ناويه علي حاجه سوده
محمد:فعلا حل كويس انا هحاول اتصل باي حد فيهم تاني
....................
اسيل:قطع حديثي رنين موبايلي فلقيته بابا فرديت الو يابابا
محمد:انتي مع اياد صح
اسيل:اه ليه يعني متقلقش هو كويس
محمد:طيب كويس الي كنت هقولهولك اننا قررنا انك تقعدي انتي واياد مع بابا يومين في بيته عشان لو احتاج حاجه وعشان يبعد عن المشاكل لللي بتعملها عمتك فاهتيجوا البيت تخدوا جدكم وشويه هدوم ليكوا
اسيل:طيب يابابا قفلت معاه اياد احنا لازم نرجع البيت عشان ناخد جدو وهنقعد معاه يومين عشان لو احتاج حاجه
اياد:تمام هتيجي معايا ولاهتمشي بعربيتك
اسيل بضحك:مش هقدر اسيبها هنا فهاجي وراك بس بلاش ام السرعه بتاعتك ديه،وفعلا عملنا كده لحد ماوصلنا البيت كل واحد دخل اوضته عشان نجهز حاجاتنا واياد راح لجدو يساعده
ريم:ايه ده يااسيل هتعزلي من البيت
اسيل بابتسامه:لأهعزل واروح فين واسيب بيتي ليه يعني بس الفكره ان انا واياد هنروح مع جدو نقعد معاه يومين عشان هو مبيرتحش هنا وده كان طلب بابا وعمو
ريم بغيظ:قربت منها وهمست بجانب اذنها،اوعي يكون في بالك ان اياد هيكون ليكي لانه هو ليا انا وبس ومهما حاولتي هتفشلي يااسيل
اسيل:اولا حطي المعلومه ديه في دماغك ياريم هي ان اياد مش حاجه هتتملكيها غصب عنه وكمان بارد بسخريه انه اصلا لو فكرتي هتلاقي ان انا مراته حاليا وانتي بالنسبالنا بنت عمتنا وبس عن اذنك بقي
مرڤت:جيت علي صوتهم متفتكريش نفسك انتصرتي يابنت محمد الايام لسه جايه كتير
اسيل بجديه:طيب كويس ياعمتي انك جيتي حابه اقولك حاجه انتي وبنتك العزيزه انا ميفرقش معايا حد ولاكلامكم برضو اعملوا اللي انتوا عايزينه بس لو فكرتو تأذوا او تجرحوا حد من عيلتي صدقوني هخليكم تندموا ومتستخفيش بكلامي احسن ياعمتي عشان بنت محمد تقدر تعملها
مرڤت:ولا وبقي عندك لسان وعين تتحديني بيهم يااسيل
اسيل بابتسامه:معلش اتعلمت منك ياعمتو
مرڤت:واضح انك محتاجه تتربي تاني يااسيل وكنت لسه هضربها بالقلم بس لقيت حد مسك ايدي قبل ماتنزل علي وشها
اياد بعصبيه:اياكي تفكري تمدي ايدك عليها ياعمتي ده في احلامك
طارق:انت ازاي ترفع ايدك علي عمتك سيب ايديها
اياد:ماهي عمتي لو مكنتش عايزه تمد ايديها علي اسيل مكنش حصل كل ده ورحت سايب ايديها
طارق:تلاقي اسيل هي اللي قله ادبها وغلطت
اياد:عمي ممكن متدخلش المشكله بيني وبين عمتو مش معاك، وان كنت جوزها ده شئ ميخصنيش ولايهمني
محمد:فيه ايه صوتكم جايب اخر الدنيا بتتخانقوا ليه ايه اللي حصل
اياد:ولاحاجه ياعمي احنا اتاخرنا علي جدو ولازم نمشي سلام
عادل:اتاخرتوا ليه فيه حاجه حصلت
اياد بضحك:لأمفيش ياجدو حضرتك عارف ان مواعيد اسيل بايظه اتاخرت بس هي بتجهز حاجتها
اسيل:في اي مدح تاني يااستاذ اياد😒
اياد بضحك:فيه كتير عدد لانهائي بس حاليا مليش مزاج
اسيل:بقي كده خليك شاهد ياجدو لو عملت فيه حاجه يبقي هو يستاهل
عادل بضحكه خفيفه:انتو متعرفوش تفضلوا من غير خناق متهيألي لو عملتوها ممكن تموتوا،بس صارحوني يعني انتوا جيتوا معايا عشان تخلصوا من عمتكم
اسيل بابتسامه:اه حاجه زي كده وبعدين احنا حابين نقعد معاك يعني ولاعندك مشكله ياجدو
عادل بضحك:لأانتو تنوروني متعرفوش بعزكم ازاي انتو الاتنين،بعد فتره وصلنا البيت انا هدخل اريح في اوضتي بس نسيت اقولكم حاجه
اياد:ايه هي ياجدو
عادل:البيت مفهوش غير اوضتين بس اوضه ليا وانتوا الاتنين هتضطروا تقعدوا في الاوضه التانيه،عارفين رغم كل ثروتي ديه بس بدايتي كانت من البيت البسيط ده بنيته انا وجدتكم الله يرحمها فيه ذكريات كتير عشان كده بحب اقعد فيه عالموم الاوضه كبيره فمش هتواجهوا مشكله وسبتهم ودخلت اوضتي
اسيل:نوعا ما رغم اني مبقتنعش بالحب بس جدو بيثبتلي عكس كلامي وان الاخلاص والثقه والوفاء في العلاقه بيخلوها اقوي مع الحب ، بس لازم اقولك شكرا قبل ماانسي
اياد:علي ايه قصدك في اللي حصل انهارده ده كان لازم يحصل ولازم تعرف ان لكل حاجه حدود
اسيل بابتسامه:فعلا بس عمتا خلي بالك لان عمتو مش ناويه علي خير،قضينا النهار بعد توضيب وعملنا اكل تصدق اول مره احس اني تعبانه بس فرحانه
اياد:اه تحسي بجو حلو هنا نوعا ما هادي وبعيد عن المشاكل اما مشاكلنا فاتعودنا عليها لان طول عمرنا كده اصلا
اسيل بابتسامه:اه معاك حق لاحظت انو بيحاول ينام علي الكنبه بس مش عارف لانها صغيره،اياد ممكن تيجي تنام علي السرير جنبي لان الكنبه صغيره عليك وانت مش متعود كمان فاهتتعب
اياد:مش حابب اضايقك وبعدين مش صغيره اوي يعني
اسيل بضحك:اه واضح منا لو كنت هضايق مكنتش عرضت عليك اصلا فاتعال نام بقي عشان مش حابه اتخانق دالوقتي عشان تعبانه وعايزه انام😴
اياد:وعلي ايه اجي احسن مش فايقلك نتخانق دالوقتي رحت نمت علي طرف السرير التاني تصبحي علي خير
اسيل بابتسامه:وانت من اهلو بس اوعي تكون بتشخر عشان لوكده هطردك بره الاوضه خالص😅✋
اياد باستنكار:لأكريمه اوي واللهي يااسيل،لأمبشخرش اتخمدي نامي بدل مااخلص عليكي 😒
اسيل:نمت وصحيت الصبح علي صوت موبايلي فرديت من غير مااخد بالي مين الو مين معايا
نوران:انتي يازفته لسه نايمه وبعدين انتي مش عارفني ولالحقتي مسحتي الرقم
اسيل:اه معلش كنت نايمه يازفته عايزه ايه علي الصبح وبعدين رجعتي امتي
نوران:لسه راجعه امبارح المهم عايزه اشوفك اجيلك علي البيت لو انتي فاضيه
اسيل:لأانا مش في البيت هبعتلك عنوان بيت جدو تعالي عليه ومتسأليش لما تيجي هتعرفي قفلت معاها ورحت اغير هدومي وحضرت الفطار وكل ده واياد نايم بعد شويه لقيت نوران جت حبيبتي واحشني
نوران بغيظ:مهو واضح عشان كده كنتي بتسألي فيا كتير الفتره الي فاتت
اسيل بضحك:معلش والهي كنت مشغوله في حاجات كتير تعالي نقعد في الصالون تحبي تشربي ايه ولاتفطري معايا
نوران بتحمس:مش دالوقتي اقعدي قوليلي ايه اللي كان شغلك عني
اسيل:حكتلها علي كل حاجه من اول زيارتي لجدو لحد امبارح،اه انا عن نفسي معرفش حصل كل ده ازاي في الفتره ديه حياتي كلها اتقلبت في يومين
نوران بصدمه:يعني انتي اتجوزتي من غير ماتقوليلي يااسيل😯
اسيل:يعني سبتي كل ده ومسكتي في الموضوع ده حرام عليكي يانوران انا عايزه انساه وانتي بتفكريني بيه🙄
نوران بضحك:يابنتي حرام عليكي ظلماه واللهي ده حتي قمور واي بنت تتمني يبقي ليها ابن عم كده وتتجوزه😂
اسيل:انا مستغنيه عن الحوار ده انا بكره فكره الارتباط اصلا غير مشكلتي مع اياد واستحاله احب حد لاني مبقتنعش ان فيه حب في الحياه وكمان احنا الاتنين مش بينا اي حاجه مشتركه فصعب نفضل كتير احنا وافقنا بالاجبار عشان جدو مش اكتر
اياد:صحيت من النوم ملقتش اسيل فغيرت هدومي ورحت اشوفها فلقيتها قعده مع نوران،ازيك عامله ايه يانوران وانتي يازفته فطرتي جدو واديتيه ادويته ولالأ
نوران:انا كويسه
اسيل بنرفزه:زفته في عينك يااياد ليا اسم علي فكره،انت اللي هتقوم بالموضوع ده انهارده انا جهزت الفطار وده كفايه عليا
اياد بجديه:ماشي يااسيل لينا حساب،انا من رأي يانوران انك تقتلي صحبتك وتبقي ريحتي البشريه منها
نوران بضحك:حاضر هفكر في الموضوع ده😂
اسيل:بقي كده تمام اوي اضحكي كويس بقي ورحت جبت المخده قعدت اضربها بيها
اياد:فطرت مع جدو واديته الادويه وطلعت من البيت عشان اطلع علي الشركه
ريم بابتسامه:اياد استني
اياد بنفاذ صبر:عايزه ايه ياريم فيه حاجه ناويه توصليها عن عمتو يعني
ريم بملامح حزينه:لأانا جايه اعتذرلك عن اللي ماما قالته هي غلطت في حقك انت واسيل ومكنش المفروض تعمل كده،فانا جيت اطمن عليك قصدي انت واسيل يعني لان محبش اشوفك مضايق كده وكمان حابه انك تبعدني عن المشاكل ديه ونبقي اصدقاء
اياد بعدم اهتمام:تمام ياريم انا عادي اتعودت علي كلام عمتي فمش فارقه عايزه حاجه
ريم:امم اه عايزه اشوف ابتسامتك
اياد بنظره استغراب:ريم انا مش فاضي عن اذنك وركبت العربيه وسبتها ومشيت وجيه في دماغي كلام اسيل بانها بتحبني وبتحاول تتقرب مني لأ استحاله انا ازاي افكر في كلام المجنونه اسيل
عادل:اسيل الوقت اتاخر متعرفيش اياد فين
او هو متصلش
اسيل بضحك:متقلقش ياجدو الساعه2الفجر بس زمانه بس اتاخر في الشركه وبعدين مش حاسس بكميه الهدوء الحلو😂
عادل:مفيش فايده فيكي يااسيل ده دالوقتي بقي جوزك والمفروض تسألي عليه وكمان انتي مش عارفه انهارده ايه،عارفه انا حسيت باقد ايه كنت بحب جدتك غير لما سابتني
اسيل بضحك:جوزي مين بس ياجدو يعني كل مااجي انسي تفكرني ليه كده وبعدين حضرتك كنت بتحب تيته لكن انا واياد مبنحبش بعض فمتقلقش يعني مش هيحصل معايا ده 😂،ايه ماله انهارده وايه علاقته بكلامنا
عادل بحزن:انهارده تبقي ذكري وفاه مرات عمك غالبا متعرفيش لانها ماتت وانتي عندك سنتين وعمك مكنش بيرضي يعمل اي حاجه في ذكري وفاتها بس اياد غالبا بيبعد عن الكل في اليوم ده عشان كده بقلق عليه يااسيل عارفه هو مش وحش بس جربي تفهميه بدل مانتو علطول بتتخانقوا
اسيل:اوكيه ياجدو يلا تصبح علي خير وسبته ودخلت اوضتي عشان انام غيرت هدومي ورحت علي السرير عشان انام بس معرفتش لان فضلت افكر ياترا اياد فين لحد دالوقتي تعبت من التفكير فرحت قمت وقررت اتصل بيه فلقيت موبايله مغلق فضلت لكده لحد مابقت4الصبح حسيت بفتح باب فرحت لقيته اياد كنت فين لحد دالوقتي وبعدين برن عليك مبتردش ليه
اياد بجديه:كنت عايز افضل لوحدي وموبايلي كان مغلق عادي مفرقتش وبعدين هفتحه ليه محدش هيقلق عليا ولاانا افرق مع حد وبعدين كنتي بتتصلي ليه
اسيل بصدمه:مين قال كده جدو كان قلقان عليك وكان عايز يطمن عليك وبعدين انت ليه بتقول كده اكيد انت مهم لناس كتير يااياد
اياد بسخريه والم:ناس كتير زي مين زي بابا اللي عمره ماقعد معايا ولاسأل عليا ولاانتي اللي دايما مش طايقني وعايزه تخلصي مني ولاعمتي اللي بتحاول تضايقني بكلامها هي ديه الحقيقه يااسيل اهي ديه عائلتي اللي بدور علي مصلحتها،حتي اللي كانت بتحبني وانا كل حياتها وبتخاف عليا ربنا خدها مني
اسيل بملامح حزينه: بعد تردد قررت احضنه بس طبعا لفرق الطول اتشعلقت في رقبته اياد انت فاهم غلط ليه بتبص لأمور كده انا مقولتش اني مش بطيقك ولابكرهك حتي ولااتمنيت اني اخلص منك متنساش اننا عايشين حياتنا كلها مع بعض بس الفكره اننا مبنتفقش كتير،اه احيانا بزودها معاك بس مبيقاش قصدي
اياد بصدمه:كان بالنسبالي صدمه باللي عملته بس حسيت اني كنت محتاج فعلا الحضن ده شددت من احتضانها انا اسف اني انفعلت كده بس معرفش ايه اللي حصلي
اسيل بابتسامه:بعدت عنه بهدوء عادي بتحصل لما الانسان يفضل يخبي جواه وميرضاش يتكلم عن اللي بيحسه يااياد
اياد:رغم اني حسيت اني كنت محتاج اللي عملته وحسيت باحساس مختلف بس قولت العكس مكنش فيه داعي ان تيجي علي نفسك و
قطعته بابتسامه:ان احضنك ده اللي عايز تقوله بس حابه اقولك اني عمله ده بأرادتي مش جايه علي نفسي ومش عشان عارفه انك محتاج ده عملته بس يمكن انا كمان كنت محتاجاه،انا حبه نبتدي من جديد يعني نبقي اصدقاء ونحاول نبطل خناق شويه ومنخبيش حاجه بنحس بيها او مضايقنا عن بعض حتي لو كانت حاجه في تصرفاتنا موافق يااياد ورحت مديتله ايدي
اياد:.........
يتبع