زواج بالأجبار

الفصل الخامس عشر

اسيل بعصبيه:تمام يااياد انا تعبت لماتحس نفسك عايز تكلم انا موجوده كنت همشي فلقيته مسك ايدي
اياد:اسيل انا اسف بس بجد مش رايق اني اتكلم
اسيل:مفيش مشكله انا هروح اطمن علي نوران لما فتحت الباب براحه لقتها نايمه ووائل قاعد جنبها فنديت عليه براحه وائل ممكن تخليك معاها وانا هروح اغير هدومي واجيلها
وائل بابتسامه:اسيل روحي نامي شويه انتي واياد لانك بقالك يومين منمتوش وكمان واضح ان اياد فيه حاجه اوبالمعني سبيه الفتره ديه لان موت طنط سوزان فكره بموت خالتي واحداث كتير فاكيد ده دايقه
اسيل:تمام ممكن اعرف حاجه ليه اياد احيانا بيتكلم معايا بغموض بيحسسني اني معرفش اي حاجه عنه وبالذات بالنسبه لمامته
وائل بنظره تفهم:بصي يااسيل ساعت موت خالتي كنتي انتي صغير جدا فعمرك ماهتفتكري حاجه ثانيا هقولك حاجه بسيطه عمرك فكرتي اياد ليه كان رافض في الاول يتجوزك وهو مبيحبكيش يااسيل وان كله يبقي تحت الاجبار ورغم ان هو حبك بعد كده اداكي حريه الاختيار ومش عشان خلافتكم ولاحاجه ده هو اللي هو قالهولك بس فيه سبب تاني
اسيل:وايه هو السبب التاني ياوائل لاني متاكده انك عارفه
وائل بجديه:هقولك اللي في الموضوع وهسيب اياد لما يجي الوقت المناسب هيقولك جدو من سنين اجبر عمي حسام ان يوافق يتجوز خالتو چاسمين هو مكنش بيحبها وفضل لحد اخر يوم في عمرها بيحب واحده تانيه رغم انها كانت بتحبه متعرفيش الموضوع ده اذاها ازاي وكان ليه تأثير علي اياد لان اصعب حاجه انك تحبي شخص وهو مبيحبكيش ومهما مر الوقت اياد مش هيسامح عمو حسام علي اللي عمله
اسيل بحزن:هو عمي عمل ايه عشان كده اياد مش قادر يسامحه
وائل بضيق:خالتو چاسمين كانت بتحتضر حالتها مكنش ليها علاج كانت كل يوم بتموت واياد قدامها مش قادر يعملها حاجه لحد اليوم اللي ماتت فيه كان طلبها الوحيد ان عمو حسام كان يجالها وتشوفه قبل ماتموت لانه الفتره الاخيره مكنش بيشوفها اياد لما حاول يتصل بيه مكنش بيرد ويوم مارد قاله انو مش فاضي وراه شغل لما يبقي يرجع البيت يبقي يشوفها وماتت وهي حضنه اياد وكل اللي علي لسانها انها عايزه عمو حسام غير الموضوع ده فيه كتير بس الاحسن متجبيش سيره الموضوع ده يااسيل
اسيل:طيب انا همشي بقي وهجيلها بكره او بليل علي حسب ظروفي بس ابقي طمني عليها
وائل:حاضر اول لما تصحي هكلمك
اسيل:سبته ومشينا انا واياد فضلنا ساكتين طول الطريق لحد ماوصلنا البيت فلقناهم متجمعين كلهم في الصاله وديه حاجه مبتحصلش غير لو فيه مصيبه ازيك يابابا هو فيه ايه
حسام:كويس انكم جيتوا انتو كمان عشان الكل يبقي هنا واقول اللي انا عايزه
اياد بتعب:بس انا مش قادر اسمع حاجه انا داخل انام
حسام بجديه:لما اقول اللي انا عايزه ابقي نام براحتك
اسيل:لقيته هيتعصب فمسكت ايده عشان يسكت ونعقد خير ياعمو مجمعنا كده ليه وانا بقول في سري ربنا يستر
حسام بجمود:تمام انا قررت اتجوز وانا بقولكم قراري مش باخد رأيكم
عادل بعصبيه:افهم من كلامك ياحسام ان مفكرتش تاخد رأي ابوك حتي
حسام بجمود:واللهي يابابا كفايه اني سمعت كلامك زمان واتجوزت اللي انت عايزها وسبت اللي كنت بحبها ومش هكررها تاني اهي جت اعرفكم بنهي حب حياتي وبعد مامسكت ايديها كويس اوي اني قولتلكم قبل ماانتجوز
عادل بعصبيه:صدقني بندم علي اليوم اللي جوزتك فيه چاسمين ياحسام لانك متستهالهاش ولاتستاهل حبها ليك فضلت لحد اخر نفس ليها عايزاك رغم اللي عملته فيها مش هقولك غير انك لو اتجوزت الست ديه ولااانت ابني ولااعرفك وهفضل غضبان عليك لحد اخر يوم في عمري مش همنعك من الاملاك ولاالفلوس بس استحاله اقبل انها تدخل بيتي عايز تعيش حياتك دورلك علي بيت تاني لكن طول منا عايش مش هسمحلها تفضل هنا هيرجع بيتك لما تسيبها لكن طول مانت معها فمتفكرش تيجي
حسام ببرود:تمام يابابا انا فعلا هعيش حياتي زي منا عايز بس يااياد مش حابب تسلم عليناوتباركلنا ارجح انك تنادلها ماما نهي
اياد بعصبيه مفرطه:انا مستحيل اعتبرها زي امي اصلا انت عايز تقارنها بماما الله يرحمها كفايه اوي انك مرضتش تيجي تشوفها لما طلبتك بحجه الشغل وانت كنت معاها وفضلت تخون ماما معها عارف يعني ايه طفل يشوف امه بتموت قدامه وهو مش قادر يساعدها ولاحتي يحققلها اخر امنيه ليها حتي بعد موتها كانها ولاكانت شخص في حياتك شيلت كل صورها وحاجتها فكرت فيا ابدا كأنك كنت مستني لحظه موتها عشان تخلص منها وعايزني ابارك لكم كمان
حسام بجمود:لانها فعلا مكنتش ولاحاجه في حياتي مجرد شخص اتجبرت اعيش معاه كنت ناوي اطلقها واطلعها من حياتي لولا ان عرفت انها حامل فيك فسبتها واحتاج صور ليه وانا كل اللي انا عايزه اني انساها واطلعها من حياتي لانها ولاحاجه بس ده محصلش لاني كل مااشوفك بفتكرها لانك واخد نفس عينها وملامحها ومعظم تصرفاتها،عالموم محدش يهمني مش مستني موافقه حد وبالنسبه لبيت فانا ليا حق فيه زيكم فمتقدرش تطردني منه يابابا هفضل انا ونهي هنا ومش همشي
اياد بغضب مكتوم:بس انا مش مضطر استحمل قرراتك يابابا ولاوحده زيها كانت علي علاقه مع واحد متجوز وجايه دالوقتي تخرب البيت والصراحه هي اللي ولاحاجه مش ماما لانك عمرك ماستهلت حبها ليك رغم انها عارفه انك بتخونها
حسام بعصبيه:كنت لسه هضربه بالقلم بس هو مسك ايدي قبل ماتنزل علي وجهه اااياد اتكلم عدل متنساش انها هتبقي مرات ابوك يعني في مقام مامتك واللي انت بتكلمه كده ابوك
اياد بسخريه:ابويا اللي عايز بعد العمر ده كله يرفع ايده علي ابنه عشان مين واحده رخيصه زيها انا مش مضطر احترمها هي مش من بقيه عيلتي ولاعمرها هتبقي في مقام ماما مهما يحصل،انا هسيب البيت لان استحاله افضل وهي موجوده ورحت سبتهم ودخلت الاوضه اجمع حاجتي
اسيل:اياد استني انا هاجي معاك
اياد بتعب وعصبيه:اسيل خليكي هنا انا مش عايز حد اكيد مش هتسيبي عمي ومرات عمي خلي بالك منهم بس مش عايزك يوم تندمي علي قرار خدتيه بسرعه
اسيل بعصبيه:وانا مش حد يااياد انا مراتك وده قراري مش هسيبك لوحدك وهاجي معاك وعمري ماهندم علي قرار باخده،ورحت اجهز شنطتي وبعد شويه كنا خلصنا وطلعنا فرحت سلمت علي بابا وماما
محمد بابتسامه:متعرفيش انا مبسوط ازاي بقرارك انك مش هتسيبي اياد وهتروحي معاه علي اقد منا زعلان انكم هتوحشوني بس متقلقيش احنا هنجلكم كل فتره
اسيل بابتسامه:ماشي يابابا وانت كمان هتوحشني ورحت دخلت اوضه جدو اودعه قبل ماامشي هتوحشني ياجدو
عادل بحزن:وانتي كمان يااسيل اوعديني انك تخلي بالك من اياد ومن نفسك خليكي علطول معاه كفايه اللي خسره وانا بكره هرجع بيت المزرعه بتاعي انا رجعت هنا عشانك انتي واياد بس هرجع اعيش مع ذكريات جدتك تاني فابقوا تعالوا يلا روحي
اسيل بابتسامه:حاضر ياجدو باي ودعته ومشيت وكان اياد مستنيني في العربيه فطلع بالعربيه بسرعه عاليه اياد خفف السرعه هنعمل حادثه وهو ولاسامعني وفعلا كنا هنخبط في عربيه اياد حاسب اتفدانها باعجوبه وبعدها وقف العربيه فلقيته ريح راسه لورا اياد هات انا اسوق لاننا كده هنعمل حادثه انت متعصب وتعبان
اياد بتعب:لأمتقلقيش انا كويس ومش هنعمل حادثه وبعد فتره كنا وصلنا البيت
اسيل بقلق:دخلنا اوضتناواياد روح ريح علي السرير لانك تعبان وانا هروح احضر اكل واجيلك قبل مامشي لقيته مسك ايدي لسه هتكلم لقيته شدني لحضنه وراح شدد من قبضتيه علي خصري ليقربني اكثر ودفن راسه في عنقي ضميته بايد والايد التانيه بمسح بيها علي خصلات شعره اياد انت كويس
اياد بتعب:اسيل انتي مش هتسبيني لوحدي في يوم وتتخلي عني اوتندمي انك فضلتي معايا وان كان جوازنا بالاجبار لاني مش هقدر اخسر حد تاني لوهتعملي حاجه من دول انا مستعد ابعد خالص من دالوقتي
اسيل بابتسامه:مش هسيبك لوحدك واي مكان تروحه انا هاجي معاك بدليل ان معاك دالوقتي هو اه جوازنا كان اجبار نوعا ما بس اللي بعمله وتصرفاتي معاك مش تحت الاجبار يااياد فمتفكرش كده تاني كل حاجه هتبقي كويسه
اياد بسخريه:بعدت عنها بتضحكي عليا وعلي نفسك مفيش حاجه هتبقي كويسه بابا دمر كل حاجه والله اعلم هيعمل ايه تاني
                               .............  
ساره بابتسامه :عامله ايه دالوقتي ياريم
ريم:انا كويسه جدا بس حساكي عايزه تقولي حاجه فجيبي اللي عندك😂
ساره بضحك:دايما فاهماني انتي مفيش حاجه بينك وبين دكتور مراد
ريم بضحك:انتي مجنونه ياساره زي مانتي قولتي هو الدكتور بتاعي وكمان احنا اصدقاء وبس بالك ميرحش بعيد قطع كلامي رنين هاتفي برقم الو
مراد بابتسامه:انا مراد معقول لحقتي نستيني مكنش العشم ياريم ازي اخبارك
ريم بابتسامه:بعدت عن ساره شويه مش عارفه ليه لما سمعت صوته حسيت باضطراب في دقات قلبي،اناتمام بس امتي هفك الجبس ده وامشي عدل زهقت
مراد بضحك:بس ياطفله في موضوع مهم عايزك فيه فشوفي حابه نتقابل امتي وفين او ممكن اعدي عليكي عشان متتحركيش كتير بس اوصفيلي البيت
ريم بابتسامه:انا فاضيه موريش حاجه انت اللي عندك شغل فشوف الوقت اللي مبتبقاش فيه في المستشفي
مراد بابتسامه:تمام هشوف وهرد عليكي بصي احتمال علي بكره بس هبعتلك امتي وانتي ابعتيلي عنوانك
ريم بابتسامه:مفيش داعي تتعب نفسك شوف المكان وانا هاجيلك
مراد بضحك:بس يازفته نفذي اللي قولته وباي بقي يارغايه ورايا شغل ورحت قفلت
ساره بخبث:ده كان دكتور مراد صح
ريم بضحك:اه وبطلي تراقبيني بقي كنت قعده علي الموبيل فجه قدامي خبر اتصدم لما شوفته ينهار ازرق
ساره بقلق:فيه ايه ياريم فببص لحاجه اللي هي مصدومه قدامها فلقيته خبر جواز ريم هو ده مش خالك
ريم بصدمه:اه هو خالوا حسام بس هو ازاي يعمل كده وبعدين زمان جدو مدايق والكل بسبب الموضوع ده وياترا ايه المصايب اللي حصلت تاني خلال الفتره ديه وانا في المستشفي اوفف،الكل واضح انو اتجنن ماما معرفش فين وخالوا هيتجوز
ساره:طيب ماتكلمي حد فيهم تطمني علي جدك لو قلقانه
ريم بحزن:انا مش قدره اكلم حد وخايفه يفهموني غلط بس هجرب مع اسيل ده لو عبرتني بعد اللي عملته معاها ورضيت تكلمني
ساره:ريم انتي ندمتي علي اللي عملتيه واعتذرتي وربنا بيغفر فحاولي تنسي وجربي مش هتخسري حاجه ومتستلميش حتي لو قالتلك ايه
ريم بتنهد:تمام مسكت الموبيل دورت علي رقمها لحد لما لقيته
                             .................
اسيل بملامح حزينه:بعد فتره طويله اياد كان نام من التعب والارهاق فسبته عشان مقلقهوش وطلعت قعدت في الجنينه قطع شرودي رنين الهاتف فببص لقيتها ريم فاستغربت ان بعد الفتره ديه كلها اتكلمت بس قررت ارد الو ياريم عامله ايه
ريم بصدمه:انا كويسه مش مصدقه انك رديتي عليا كنت فاكره انك
قطعت كلامي بهدوء:اني مش هرد مثلا عالموم انسي اللي فات ياريم وخلينا نفتح صفحه جديده بس كنتي مختفيه فين الفتره اللي فاتت ولاكنتي خايفه تكلمي لأفهمك غلط
ريم بابتسامه:لأالموضوع مش كده انا عملت حادثه من تلت اسابيع ودخلت المستشفي ولسه خارجه امبارح
اسيل بصدمه:اسفه كتير ياريم مكنتش عارفه انتي عامله ايه دالوقتي
ريم:انا احسن اسيل هو انتو مش فرحك انتي واياد بعد اسبوع فازاي خبر خالوا اللي منشور ده
اسيل بابتسامه:حصلت ظروف وفرحي انا واياد كان من اسبوعين بس ايه خبر عمي اللي منشور وهيحصل بعد اسبوع
ريم بعفويه:الف مبروك ليكم ،يبقي انتي مشفتهوش انا بعتلك الخبر خالوا كاتب ان فرحه بعد اسبوع فقلت اتاكد منك حصل ده امتي وازاي
اسيل بصدمه:الله يبارك فيكي ياحبيبتي لما شوفت الخبر انا مش عارفه لوشافه اياد ايه اللي هيحصل،وقولتلها كل اللي حصل انهارده هي عمتوا متقدرش توقفوا
ريم بستخفاف:ماما هتفرح جدا بالخبر ده مش هتساعدما نوقفه وكمان انا معرفش عنها حاجه ولاهي فين من تلت اسابيع لانها هي وبابا انفصلوا حاولت اكلمها كتير بس مقدرتش اوصلها
اسيل بصدمه:هو واضح ان عيلتنا اتجننت علي الاخر اوفف
ريم:انا هشوف لو اعرف اجي في اي وقت قريب بس نصيحه باللي قولتيه يبقي نهي ديه اللي ماما كانت بتكلم عليها هي زمان قدرت تعمل مشاكل كتير حتي بعد جواز خالوا علاقته متقطعتش بيها هي مش سهله واول حاجه هتفكر تعملها انها توقع بين خالوا واياد وتنهي علاقتهم خالص انهارده كانت البدايه بس
اسيل بضيق:كل حاجه اتدمرت فعلا اللي قاله عمي انهارده دمر كل حاجه اكتر ماكانت مدمره ياريم كلامه جرحه وفتحله جروح قديمه صعب ان ترجع كل حاجه كويسه
                          ..................
نوران بتعب:فتحت جفوني بتعب وبطئ اه ياراسي قمت فلقيت وائل نايم وهو قاعد علي كرسي جنبي فابتسمت ابتسامه خافته اتحركت بهدوء عشان ميصحاش لاني لقتها2الصبح
وائل بنعاس:ايه ده صحيتي مصحتنيش وكنتي بتتسحبي كده ليه كانك رايحه تسرقي
نوران بعبوس:بقي كده ياوائل انا غلطانه اني مكنتش عايزه اصحيك
وائل بابتسامه:خلاص يانوران متقلبيش كنت بهزر معاكي مانتي عارفاني جعانه تحبي اعملك اكل
نوران باستخفاف:ده علي اساس انك بتعرف تطبخ مثلا ومروحتش ليه
وائل بغرور:متستخفيش بقدراتي عشان انتي لسه متعرفنيش وبالنسبه لوجودي فاكيد مش هسيبك لوحدك واروح وبالمناسبه هبعت رساله لأسيل بانك كويسه وهي هتجيلك الصبح لانها معرفتش تجيلك بليل عشان حصل عندها ظروف في البيت
نوران بتساؤل:ظروف ايه اللي حصلت وخلتها متفضلش معايا ديه مش طبيعتهاوبعدين مكنش فيه داعي تتعب نفسك وكمان عقبال الصبح هيكون ضهرك ورقبتك وجعوك من القعده ديه انت مش متعود عليها
وائل بابتسامه:نوران انا اه اتولدت في عيله غنيه بس انا مش زي مانتي فاكره وبالنسبه لظروف اللي بتسألي عليها هي ان عمي حسام قرر يتجوز بعد اسبوع واياد واسيل سابوا البيت وجدو كذلك فهي مقدرتش تسيب اياد وتيجي
نوران بصدمه:ايه...............
يكمل