زواج بالأجبار

الفصل الثامن

اياد:الو يانوران عامله ايه كنت هقولك لو موركيش شغل حاليا وانتي في البيت هعدي عليكي بعد عشر دقايق
نوران:لأموريش حاجه انا واخده اجازه اصلا من الشغل اياد اسيل كويسه
اياد:تمام قفلت معاها وخلال عشر دقايق كنت روحتلها وهي ركبت
نوران بقلق:مردتش عليا يااياد اسيل كويسه ولافيها ايه وبعدين احنا رايحين فين
اياد:الڤيله التانيه عشان... وحكتلها اللي حصل امبارح هي مهديتش من امبارح وضروري حد يقعد معاها لان ورايا حاجه لازم اعملها
نوران بصدمه:طيب ليه مقولتليش امبارح وبعدين ايه اللي هيكون بالنسبالك اهم من اسيل لو انك زي مابتقول انك بتحبها ولاكنت بتضحك علينا
اياد:لأمبضحكش عليكم يانوران انا فعلا بحب اسيل ومفيش حاجه عندي اهم منها والموضوع اللي هشوفه يخصها برضو بتمني انك تثقي فيا ان عمري ماافكر اذيها عالموم ياريت محدش يعرف تاني انا قولتلك لانها اكيد محتاجاكي معها لما دخلت الفيلا لقتها هاديه فروحت اشوفها بفتح الاوضه وكانت الصدمه ان اسيل قطعه شرايين ايديها ومغمي عليها علي الارض اسيل يامجنونه نوران هاتيلي اي حاجه اربطلها ايديها وانا هتصل بالدكتور
نوران ببكاء:اسيل ردي عليا اسيل عشان خاطري متسبنيش
اياد:اتصلت بالدكتور ورحت شايلها وحطتها بهدوء علي السرير
نوران بصريخ:اياد هي نزفت كتير ومحتاجه تتنقل المستشفي وكمان نبضها ضعيف
اياد:ممكن تهدي مينفعش انقلها المستشفي اول سبب ان اقرب مستشفي جدو فيها والسبب التاني ان هيتفحلها محضر ان حاولت تقتل نفسها  انا كلمت الدكتور وهو عامل في حسابه لواحتاجت نقل دم وبعد فتره الدكتور جه وعالجلها ايديها واحتاجت نقل دم
الدكتور:انا نقتلها دم عشان جسمها ضعيف وهي فقدت دم كتير ولو كانت قعدت شويه كمان ومكنتوش ربطوا رسغها كده كان ممكن بعد الشر يجرالها حاجه واستاذ اياد انا قدرت اتصرف المرادي لكن لوحصلت تاني ممكن معرفش ويوصل الخبر لشرطه هي في حاله انهيار فتوقع تعمل اي حاجه اليومين الجايين فخلي بالك عن اذنكم
اياد بعصبيه:ماريا
ماريا"نعم يامستر اياد
اياد بعصبيه:فضي الاوضه بتاعتها من اي حاجه حاده ولو انا مش موجود تخلي بالك انها متقربش من المطبخ  لان لوحصلها حاجه انتي المسؤله وسعتها اعتبري انك خسرتي شغلك يلاروحي،موبيلي رن فلقيته وائل فيه حاجه ياوائل
وائل بتردد:بص واضح انك متعصب فبلاش
اياد بعصبيه:فيه ايه عشان متنرفزش عليك
وائل:طيب تمام ياصحبي ريم مستنياك في مكتبك من الصبح ومردتش تمشي ،بس انا ممكن اتصرف معاها وخليك مع اسيل هي بقت احسن
اياد:لأوحكتله اللي حصل معرفش لما تصحي هتعمل ايه تاني انا هسيب نوران معاها واجيلها هي اللي جت لقضاها برجليها سلام،روحت الاوضه نوران خليكي معاها لحد ماتصحي وخلي بالك بلاش تسبيها لوحدها لو احتجتي حاجه نادي علي ماريا ولما تفوق ابقي اكلميني لان ورايا حاجه مهمه ورحت سايبها ورحت علي الشركه
وائل:اياد اهدي الاول وبلاش مشاكل
اياد بابتسامه:انا هادي اهو لما نشوف هي عايزه ايه تعال معايا،اهلا ياريم يعني ايه سبب اللي جابك ورحت قاعد علي مكتبي
ريم بخبث:لأمفيش حاجه حبيت اطمن علي اسيل اصل يعني مرجعتش البيت امبارح وهي مش باينلها اثر يعني هي كويسه
اياد بابتسامه:اه متقلقيش هي كويسه بس استحاله تكوني جايه بنفسك عشان تطمني عليها لانها اه بنت خالك بس مبتحبهاش عشان تسألي عنها ولاجايه تطمني ان اللي كنت ناويه عليه امبارح حصل ولالأ
ريم بتوتر خفي:اقصدك ايه انا كنت ناويه علي ايه مش فهماك
اياد بخبث:لأمش معقول سامي مطمنكيش ان اللي كنت نوياه حصل ولالأ
ريم بصدمه:سامي مين انا معرفش حد بالاسم ده يااياد
اياد بجديه:انا مصدقك ورحت مكلم حد بعد مادخل الشخص اهو سامي اللي بتكلم عنه ياريم ايه رأيك فيه لأسف خطتك فشلت ياريم لاني اه كنت الفتره ديه بعيد عن اسيل بس كنت سايب حرس بيرقبوها من غير ماتعرف،ورحت واقف قدامها افهم اسيل اذيتك في ايه عشان تفكري تدمريها بالمنظر ده مش بنت خالك برضو مفكرتيش في ده قبل ماتعملي اللي عملتيه
ريم بحقد:لأاذتني يوم ماخدتك مني يااياد وانا متاكده انها عارفه اني بحبك وانت جرحتني يوم مارفضتني عشانها وفضلتها عليا باني انا رخصت من نفسي وامكن عملت كده كتير وهي استحاله تعمل زي حبيت اشوفك لما ادمرلك حبيبه قلبك وتبقي ولاحاجه هتبقي مجروح ازاي ولالما تشوفها بالمنظر ده ومتقدرش تعمل حاجه وابقي كسرتك وكسرتها
اياد بعصبيه:انتي مجنونه ياريم وحقدك ده هو الي هيدمرك انا كنت قايل ان مش هقول لحد علي اللي عملتيه معايا بس بعد اللي كنت ناويه لأسيل عليه طلعتي متستهليش بس كلمه اخيره ليكي انتي متعرفيش انا ممكن اعمل فيكي ايه اياكي تفكري تأذيها تاني اما اللي عملتيه فهعاقبك عليه بنفس الالم اللي سببتهولها بس استني عليا
ريم:ايه هتعمل معايا نفس اللي كنت هخلي سامي يعمله ولاهتضربني زيه انا بفضل الحل الاول
اياد بعصبيه وسخريه:وتفتكري اني هعمل كده عشان احققلك اللي انتي عايزاه فتبقي غلطانه ياريم انا هخليكي تندمي علي اليوم اللي فكرتي تأذيها فيه ورحت زقتها رجعوه زي ماكان واوعوا يهرب
سامي بتعب ورجاء:لأانا اسف يااستاذ اياد خليهم يسبوني انا مستعد ابوس رجليك بس سبني انا غلطت
اياد:اسفك مش هينفعك احمد ربنا انك لسه عايش،انا مش هرحم شخص هيحاول يلمس اسيل تفتكر اعمل ايه في شخص حاول يعتدي عليها بس متقلقش انا مش هقتلك بس هعذبك هخليك تتمني ان اليوم ده مكنش جه ولاانت اتصرفت كده خدوه من هنا وقوموا بالواجب ،وطلعت من الشركه فاوائل جه ورايا
وائل:هي حالتها عامله ازاي يااياد
اياد بتعب:معرفش اقولك ان سبتها الصبح نايمه وكانت هاديه رجعت لقتها قطعه شارينها ومغمي عليها وغارقانه في دمها ولو كنت اتاخرت شويه كانت راحت مني قطع كلامي رنين هاتفي فلقيتها نوران فرديت الو
نوران بخوف:اياد تعال بسرعه لان اسيل قامت ومش عارفه اسيطر عليها
اياد:طيب انا هاجي بسرعه وفي خلال نص ساعه كنت وصلت
اسيل بهستريا:قولتلك سبيني يانوران وحاولت انزع الكنوله من ايدي قولتلكم سبوني في حالي
اياد بصدمه وصريخ:اسيل بس اهدي ايدك هتنزف تاني انتي مش في وعيك
اسيل ببكاء وصريخ:ابعد عني وسيب ايدي يااياد انت مسبتنيش ليه وانقذتني
وائل:لما لاحظت انهيار نوران،تعالي معايا وطلعتها بره الاوضه متقلقيش واهدي اياد هيعرف يتصرف معاها ويهديها
نوران بانهيار:انا عمري ماشفت اسيل كده ولاحتي بتعيط كانت علطول بتضحك ومبتحبش حد يفضل مضايق بس دالوقتي عايزه تخلص علي حياتها
وائل:انا عارف ده بس ده مجرد فتره هي في حاله صدمه بس ونديت علي حد من الخدم يجبلنا قهوه علي الجنينه وخدتها طلعتها بره
اياد:روحت قعدت جنبها ورحت حضنها وماسك ايديها براحه عشان متجرحش نفسها واسندت راسها علي صدري ،اسيل بتعملي كده ليه اولا انتي متعرفيش لما شفتك بالمنظر ده حصل فيا ايه وفكره ان ممكن اخسرك حسيت ان قلبي كان هيقف انا عمري ماشفتك بالضعف ده انا عايز اسيل اللي كنت اعرفها باللمضتها ولسانها اللي اطول منها لكن انتي عايزه بكل الطرق انك تخلصي علي حياتك وتسبيني
اسيل بدموع بانهيار:اتمسكت في القميص بتاعه ودفنت راسي في صدره انا تعبت ومش قدره انسي اللي حصل وبصته ليا وان حاولت ابعده عني وهو استغل ضعفي واني مش هقدر اقومه اكتر عشان المخدر حسيت سعتها اني ولاحاجه سعتها كل اللي جه في بالي هو كلامك اتمنيت انك تيجي وتنقذني انا فعلا غلطت فاني افتكرتك عايز تتحكم فيا مش عايز مصلحتي
اياد بحزن:اسيل خلاص كفايه اهدي انا جنبك اهو بس انتي لازم ترجعي قويه عشان عمي ومرات عمي لانهم مش هيقدروا يشفوكي كده هما عمرهم ماهيقدروا يعيشوا من غيرك حتي انا وفيه ناس كتير بتحبك يااسيل وانتي لازم تبقي احسن عشانهم مش عايز اشوفك بالمنظر ده تاني تمام ببص عليها لقتها نامت في حضني كانت شبه الاطفال ففضلت علي نفس الوضعيه بس غطتها ونوران جت شفتها ومشيت وانا نمت من غير مااحس
اسيل بتعب:صحيت علي بليل فلقيت اني نايمه في حضنه وهو نام وهو قاعد فلما جيت اتحرك لقيته صحي انا اسفه تعبتك صح
اياد بضحك:لأعادي ولايهمك وبعدين عايز ايه اكتر من انك نايمه في حضني مثلا😉😂انا معنديش مشكله فانك تتعبيني كل يوم لو التعب هيبقي كده
اسيل بخجل خفي:احم طيب كاني مسمعتش حاجه انا هسيبك ترتاح وهروح اوضتي فلقيته مسك ايدي في ايه
اياد بابتسامه:لأخليكي هنا انا كده مرتاح اكتر
اسيل باستنكار:واضح يااياد انك خدت عليا بزياده الفتره ديه وحركه كمان ممكن اقدم فيك محضر قطع كلامي بانه شدني من ايدي السليمه وبقي هو يعتليني وقريب مني لدرجه كبيره اياد انت بتعمل ايه
اياد بابتسامه:ابقي وريني هتروحي تعملي محضر ازاي وهتقولي فيه ايه جوزي بيعاكسني وكان بيتقرب مني وبعدين اكيد مش ههون عليكي تحبسي ابن عمك وجوزك يعني
اسيل بضحك:متخفش مش هتردد اني اعملها بس ممكن افكر معملهاش عشان خاطر عمي مش عشانك
اياد بصدمه:بقي كده يااسيل اهون عليكي برضو ورحت قربت منها وطبعت قبله علي خدها كنت هتكلم بس قطعتني بانها زقتني وبقت هي اللي بتعتليني وماسكه في ايديها الفازه اللي كانت جنب السرير اهدي يامجنونه انا كده اتاكدت انك اسيل بس سيبي ديه من ايدك
اسيل بثبات:جرب تعملها تاني يااياد وهتلاقي ديه مزروعه علي راسك ورحت قومت بعدت عنه احنا هنرجع البيت بكره صح
اياد بضحك:اه بس لو حابه نفضل معنديش مشكله يعني
اسيل:لأحابه ارجع البيت عشان جدو وبابا كمان وحشني
اياد بتردد:تمام فيه حاجه لازم تعرفيها بس اوعديني انك مش هتعملي اي تصرف مجنون وتسبيلي الموضوع
اسيل بنظره شك:ماشي اوعدك ايه بقي
اياد:الصراحه الموضوع اللي حصلك كان وراه ريم وحكتلها الي حصل كله من الاول من ساعت ماجتلي اوضتي لحد الاخر هو انا كنت المفروض اقولك عشان تاخدي حذرك بس متوقعتش انها توصل لدرجاتي عالموم انا هقوم بالواجب معاها بس لوقتها خلي بالك منها
اسيل:طيب لولا اني وعدتك ومبخلفش بوعدي كنت بهدلتها بس انت عرفت توصلي ازاي
اياد بابتسامه:انا اه بعدت عنك يااسيل عشان كنت محتاج اقعد لوحدي وان مكلمش حد بس كنت سايب حراس بيرقبوكي من غير ماحد يعرف ولما حسوا بحاجه غريبه في الشركه ودخول سامي متاخر الشركه بلغوني وحاجه كمان انا اه هاخد حقك بس مش هقول لحد علي اللي حصل وهي مش هتقدر تكلم عشان موقفها سعتها هيبقي صعب
اسيل بابتسامه:بس انا مستهلش كل ده يااياد انا جرحتك ومقدرتش حتي افهم مشاعرك وصعب ان ابادلك نفس المشاعر والمشكله فيا مش فيك او انك تستني مني حاجه انت تستاهل حد احسن مني
اياد بابتسامه:رحت قعدت جنبها ورحت مسكت ايديها مش صعب اديني فرصه وبالنسبه اني مستني منك حاجه فانا استحاله اجبرك تحبيني ولاانك تعملي حاجه عن غير ارادتك وبعدين قلبي اختارك وحبك انتي وصعب ان يشوف حد تاني
اسيل بتساؤل:هو انتي ناوي تعمل ايه لريم
اياد:انا كنت قايلها لوبعدت عني مش هقول حاجه مراعاه انها بنت عمتي بس بعد اللي عملته فيكي فهي متعرفش ان اوضتي كان فيها كاميرا صورت كل حاجه لانها عملت نفسها ذكيه وطفت الكاميرات فبدل الكلام هنشر الفيديو علي النت
اسيل:بس انا مش حبه تعمل كده لانها هتحصلها مشاكل كتير بسبب ده وكمان متنساش سمعه عائلتنا وجدو وكمان حرام عمو طارق لان قبل مايحصل كل ده سألت بابا عن سبب انو مشي فقالي انو حصل بينه وبين عمتي خناقه ومرضيش يفضل وانا متاكده انو مكنش موافقها علي اللي هتعمله هي وريم بجد هو كويس وطيب وملهوش ذنب ان ريم بنته
اياد باستغراب:اسيل اوعي تقولي انك عايزه تسامحي ريم علي اللي عملته معاكي
اسيل بضحك:لأ انا مش طيبه لدرجاتي بس كفايه ان الفيديو يتنشر في العائله ويوصل لعمو طارق وتطلع من البيت هي وعمتو ويبقي احنا خلصنا منهم و معملناش مشكله لعائلتنا يلا بقي تصبح علي خير وكنت لسه هقوم فراح شدني فوقعت في حضنه واضح انك مش هتحرم يااياد
اياد بابتسامه:اممم لأالصراحه مش هحرم لاني بحب قربك مني او وجودك حتي بس لو انتي مش حابه ده فقولي وانا هبعد
اسيل بضحك:وتفتكر لو مكنتش حابه كنت سبتك يعني مخبتطكش بحاجه يعني يااياد عالموم معنديش مشكله بس متتخطاش حدودك عشان مقتلكش😂✋
اياد بضحك:تمام ياعم الجامد،تاني يوم الصبح جهزنا نفسنا ورحنا علي البيت
محمد بابتسامه:وحشتيني ياحبيبتي عامله ايه
اسيل:تمام يابابا
طارق:اياد انت كلمتني ليه يابني عشان اجي وجمعتنا كده ليه في حاجه مهمه
اياد بابتسامه:مجهزلكم حاجه مهمه ورحت فتحت الشاشه كنت مخلي حد من الامن يوضب كل حاجه واشتغل ورحت وقفت جنب عمتي وريم بتمني انو يعجبكم الفيديو لانكم انتو اللي حفرتوا دماركم بايدكم........
يتبع