"HINDI LAHAT"
Hindi lahat ng simula masaya
Lalo na kapag nagmahal ka ng hindi pa tapos magmahal ng iba
Hindi lahat ng umpisa parang may mahika
Minsan may pagtataka ka
Hindi lahat ng simula kwento niyong dalawa
Minsan sa kwentong yun ikaw lang pala ay ekstra
Nagpapahinga lang pala siya
Nagpahinga kasi magulo na silang dalawa
At ikaw ang naging pampalipas oras niya
Hindi lahat ng simula kailangan pang ituloy pa
Paano kung sa simula hindi naman pala totoo yung nararamdaman niya
Sana bago ka sumugal alamin mo muna
Pero kahit naman alamin mo hindi mo malalaman ang totoo
Minsan sa pagtatanong mo parang lagi siyang may tinatago
Lagi niyang nililihis ang pinag uusapan niyo
Kaya minsan mapapa oo sige okay kana lang
Wala ka namang magagawa
Mahirap kalaban ang memories nilang dalawa
Akala ko kasi lahat ng simula puno ng saya
Akala ko lahat ng simula may mahika
Akala ko lahat ng simula kayo lang dalawa
Pero parang nagkamali ata ako sa pananaw ko
Hindi pala lahat ng simula masaya
Lalo na kapag nagmahal ka ng taong hindi pa tapos magmahal ng iba
Lalo na kapag nagmahal ka ng taong iba ang hinahanap na presensya
Wala kang magagawa eh
Bago ka lang , siya matagal na
Anong laban mo diba?
Madami na silang nabuong mga memorya
Minsan kahit sabihin niyang wala lang yung pinag uusapan nila
Andon pa rin yung pagtataka
Bakit bakit bakit
Bakit ganito
Totoo
Seryoso
Hindi lahat ng simula masaya
