COME (Completed)

Chapter 5

Ipinakilala sila ni Jett kay Judge Ramon Cortez at sa asawa nitong si Sylvia.

"Kaya ka pala nagmamadaling makasal, napakaganda ng mapapangasawa mo, Jett," sabi ni Sylvia. Mukhang alam na rin ng mga ito ang kuwento nila ni Jett, na ngayong gabi lang sila nagkakakilala, na sa kabutihang-palad ay hindi na inungkat ng mag-asawa. Nahihiya pa rin si Rita na ang bilis-bilis niyang nagdesisyon na magpakasal at sana lang ay hindi niya talaga pagsisisihan iyon. Pero nakadaragdag sa lakas ng loob niya ang katotohanang walang tumutol sa kapatid at mga kabigan niya, na ang ibig sabihin ay wala itong natutunugan o naaamoy na hindi kaaya-aya kay Jett. Women's intuition, they all got that, but it wasn't making its presence felt tonight, so there was really nothing to worry about.

Sumulyap siya kay Jett, nahuli niyang nakatingin ito sa kanya, naroon uli ang paghanga at pagmamahal sa mga mata nito, nginitian siya nito at lahat ng agam-agam sa dibdib niya ay nagsiputukan at nagsipaglahuang parang bula.

And after that, everything happened in a blur.

They exchanged vows.

They borrowed Molly's ring and Jett slipped it in her finger—and only Molly happened to be wearing a ring that night. She 'd like to think that it was quite a mess of a wedding but Jett looked really happy and in love—and so was she—and everyone around them seemed excited and happy for them. So, no, it wasn't a mess of a wedding, it's a perfect wedding.

And then they kissed and everyone gushed and her sisters and her two friends even softly clapped.

Mga kunsintidora! gustong matawang nasaloob niya habang magkalapat pa rin ang mga labi nila ni Jett.

"Congratulations, Mrs. Marc Jett Perez," malaki ang ngiti sa mga labing sabi sa kanya ni Jett nang maghiwalay ang mga labi nila.

And she didn't know why but it sent chills down her spine.

Oh, God, Jett be a good husband, please, and make me a happy wife!

Niyakap siya ng kapatid niya at ng dalawang kaibigan matapos ang seremonya habang si Jett ay kinamayan ni Jim at ng huwes.

From the judge's house, they walked to a nearby Japanese restaurant that was still open that night for their reception.

"Doon na lang sa hotel namin kayo kumuha ng kuwarto kung magha-honeymoon kayo," mungkahi ni Pam habang kumakain sila, na nagpapula uli sa pisngi ni Rita.

Pero sinunod ni Jett ang sinabing iyon ni Pam kaya pagkakain ay kasama na silang mag-asawa sa pagbalik sa hotel na tinutuluyan ng kapatid at mga kaibigan. Si Jim ay inihatid ang judge at asawa nito sa bahay ng mga ito.

Jett got them a suite.

Kasama pa rin nila ang kapatid niya at dalawang kaibigan nang pumasok sila sa kuwarto. Pagkakita sa kama, saka lang nakaramdam ng matinding pagod si Rita at agad na nahiga roon. Tumabi ng higa sa kanya si Michelle habang si Jett ay naupo sa gilid ng kama, sa tabi niya. Sina Molly at Pam ay nilibot ang kabuuan ng kuwarto, pati banyo ay sinilip ng dalawa.

"May ganito pala kaganda at kalaking kuwarto sa hotel na 'to," sabi ni Molly, "bakit hindi ito ang kinuha natin?"

"Maganda rin kasi ang presyo," sabi ni Michelle.

"'Yon lang," pagtawa ni Molly.

"Gusto n'yong lumipat? May iba pa silang suite," sabi ni Jett, kay Molly nakatingin.