لم ارد ان احبها (جزء اول)

الجزء السابع

#لم- ارد- ان- احبها
ساره & ننو
الجزء السابع
قراءه ممتعه 💖

امير: جنت منتظر شوكت يطلع السؤال الي اني كتبته علمود ملاك..
لحد ما اخير كال اياد..السؤال الي بعده انتي هم مكبله السؤال موجه لملاك.
حسيتها ما افتهمت وسألت هو الكبل شنو..
هنا ارتاحيت يعني هي ما تعرف الحب شلون يصير بس من شفت الكل يضحك عليها ضجت وبقوا يحجون عليها هي ضاجت وكامت ردت اروح بس اكو شي بداخلي منعني باوعت لاحمد بعيني واشرتله روح وراها..
راح احمد وبقيت منتظره يرجع بس هذا اتاخر طلعت ادور عليهم لكيت احمد كامش ليدها يعني انتي اكبر وحده چذابه شفتها يا ملاك درت وجهي ومشيت وطلعت من الكليه كلها ضجت حيل يعني ذاك اليوم من كتلها اساعدج كالت مستحيل اكمش ايد رجال وهسه كامشه ايد احمد ومبتسمه.
والله عرفتي تلعبيها صح يا ملاك تخدعين الكل برائتج وطيبتج بس انتي من الداخل مثل ما انتي من الخارج...
رجعت للبيت كلت...السلام عليكم.
امي وابوي..وعليكم والسلام.
رحت كعدت يمهم سوالفنه شويه وبعدين كلت...يوم زينه وين.
امي...زينه فوگ تقره تدري بيها سادس وتريد تصير صيدلانيه خطيه بس تقره حتى ما اشوفها تنزل هنا.
كلت..خليها على راحتها، يله اني اكوم ارتاح.
رحت لغرفتي سمعت صوت بجي بغرفه زينه كمزت من مكاني بسرعه ورحت لغرفتها بدون اي استأذان دخلت شفتها تبجي،
رحت كعدت يمها كلت..زينه حبيبتي شبيج.
مسحت دكوعها..ماكو شي سلامتك.
كلت..زينه لا تضمين عليه شبيج حبيبتي.
زينه...تعبانه امير احس روحي تعبانه حيل.
كلت..مين تعبانه يروحي مريضه.
زينه..من كلشي تعبانه.
كلت..اصبري حبيبتي فتره وتعدي وتخلصين من السادس، ووعد مني بس يصير عندي وقت فراغ اخذج اطلعج لمكان حلو وراح ترتاحين بي هواي.
زينه..والله.
كلت..اي بس انتي اهم شي تقرين واريدج ترفعين راسنه وانكول شلون بت الشيخ شاطره، وصارت دكتوره.
زينه..ان شاء الله.
بستها من راسها وطلعت وسديت الباب وراي.

ملاك: جانت الدنيا ليل تعشينه وقرينه شويه ورحنه نمنه قبل لا انا سمعت صوت مبايلي شلته رقم غريب رجعت ما رديت رجعت نمت رجعت دگ مره ثانيه وثالثه ضوجني حيييل شلته المبايل.. الوو منو ويايه.
المتصل. هلا ملاك شلونج اني احمد.
كلت.. احمد!! ومنيلك رقم مبايلي.
احمد.. من اخذت رقم اخوج اخذت رقمج ع الواهس.
كلت.. وشسوي برقمي اخذته.
احمد.. يله ملاك هسه سوينه فد شي عظيم انتي طالبه ويانه فد يوم اكيد راح تحتاجين تحجين وياي احجي وياج.
كلت.. اي كلامك صح هسه راح احفظ رقمك.
احمد.. احجيلي عنج حياتج اريد نصير اصدقاء.
كلت.. احنه عايشين بالريف وحياتنه كلش حلوه وبسيطه خاليه من المشاكل بس اذا اجوا بيت عمي لازم تصير مشكله يله يطلعون.
احمد.. هههه ليش.
كلت.. ما يحبونه، والبنات يكرهني لان اني ادرس وهن لا.....
وبقينه نحجي سويه تعرفت عليه اكثر احمد انسان يحب الحياه اهم شي التسليه عمه شيخ العشيره بس هو ما يدخل بسوالف العشيره مو مثل امير، احمد هو الوحيد لاهله ماعنده اخوان او خوات ويعتبر امير اخوه الجبير وحجالي عن علاقتهم ومواقف لامير وياه حبيت الخوه مالتهم واكتشفت شكد امير يحب احمد وشكد احمد  يحب امير.