لم ارد ان احبها (جزء اول)

الجزء التاسع عشر

#لم- ارد- ان- احبها
ساره & ننو
الجزء التاسع عشر
قراءه ممتعه 😚✌

بقيت مصدومه امير شبي نزلت دموعي بدون ما احس وبقيت احجي ويه احمد وما يرد كعدت كدامه بالكاع واهز بي وابجي اكله امير شبي لك احمد امير شبي اني ابجي وهو يبجي وحتى ريماس همين تبجي ومروه تهدء بينه ما ادري ليش ابجي ما ادري ليش احس ظهري انقسم بالنص من سمعت اسمه وهذا احمد ما يرد عليه
لحد ما ضربته راشدج حييل فز وكلها انصدمت من الي سويته كتله.. ولك احمد مو احجي وياك امير شبي.
كام وكف بسرعه وراح لسيارته اني ركضت وراه وريماس ومروه وراي..
صعد احمد بسيارته واني صعدت يمه وريماس ومروه همين صعدن ليوره
كلت.. بنات خلي وحده ترجع اكيد ساره راح تستغرب احنه ماكو
ريماس.. لا اني اروح وياكم مروه روحي حبابه
نزلت مروه من السياره بسرعه واحمد انطلق بالسياره بسرعه بدون ما يحجي شي وصلنه للمستشفى احس كلبي كام يوجعني وخفت كلش
نزل بسرعه واني وريماس وراه نركض سئل عن غرفه الي بيها امير اني هنا كلبي وكع امير شصاير بي
كالوا الطابق الثالث رحنه بسرعه شفت ثنين زلم ومره لابسه عبايه كاعده تبجي وزينه شابكتها وتبجي احمد راح للزلم واني رحت لزينه
زينه من شافتني انصدمت بس بسرعه اجت وشبكتني حيل كالت ملاك اخوي اخوي حالته خطره كلش
كمت ابجي وياها وكلت.. شصار وياه جان كلشي مابي
زينه. ما ادري جنه بالبيت واجانه اتصال من المستشفى ان امير صاير وياه حادث سياره كلش قوي وحالته خطره ورادوا ابوي يجي علمود يدفع فلوس العمليه واحنه اجينه بسرعه وابوي خابر احمد لان هم ثنينهم بنفس الكليه ويريد يعرف ليش امير ما جان بالكليه
ريماس جانت واكفه وما حجت ولا كلمه بس هي ليش اجت وياي
لحظه ملاك تره انتي همين ليش اجيتي ويه احمد
اصلا ريماس هي وياه بنفس المرحله اكيد هم اصدقاء مقربين اما اني وامير شنو علاقتنه ما اعرف بس احس بخوف كلش جبيره عليه واتمنى بيه ولا بي الي صار والله مايستاهل هيج يصير بي

عندي قرآن صغير احطه بجنطتي دائما طلعته وبديت اقره قرآن علمود يهدي النفوس ويقلل التوتر
بقيت مده بس الله يعلم شكد اقره قرآن مستمره لحد ما طلع الدكتور ابو امير وابو احمد واحمد وام امير وزينه راحوا عليه ركض اني وريماس وكفنه ريماس رادت تروح للدكتور بس كمشتها كتلها..ريماس اصبري احنه مو عائلته علمود نروح ونوكف يم الدكتور عود هسه تجي زينه ونشوف شنو كال
حجوا ويه الدكتور واني صحت زينه كلت هاا بشري
كالت..ملاك امير نقلوه لغرفه ثانيه احنه راح انروح انزوره ونجي لاتخافين
كتلها..صدك شكال الدكتور..
كالت..هو هسه تعده مرحله الخطر بس ايده اليمين مكسوره ورجليه وحده مكسوره وحده بيها رضوض يعني خطيه ما يكدر يمشي
كلت..شنو بعد امير ما يكدر يمشي
كالت..لا بس مده بين ما تتعالج رجله واكيد يسووله العلاج الفيزيائي علمود يكدر يمشي عليها مثل قبل
كتلها..اي ان شاء الله يكوم بالسلامه ومعافى بحق ام البنين..زينه حبابه اريد اشوفه واطمن عليه
زينه..اي اكيد بس هسه خلي اهلي يطبون وبس يطلعون اني اخليج تشوفينه يله اني اترخص
راحت زينه وريماس رادت تروح اني منعتها كلت..وين رايحه ميصير احنه نروح خلي اهله يطمنون عليه احنه شكو رايحين عود بعدين اني وياج نروح نطمن عليه
ريماس.اوك..صح ملاك عود انتي ليش اجيتي لهنا
كلت..شبيج ريماس غير امير مريض ولازم نجي عليه
ريماس..وانتي ليش لازكه بامير وهو يكرهج ملاك انتي اكثر وحده تعرف امير شكد يكرهج وما يطيق شوفتج ويريد يتخلص منج وانتي لازكه بي وتركضين وراه وهو هسه مريض اكيد ما يريد يشوف وجهج اصلا واكيد راح يضوج اذا يشوفج ادخلين وراح تتغير ملامحه وللاسوء اكيد مجرد ما يشوفج وكولي ريماس ما كالت.
كلت..علكيفج ريماس اني اجيت بس علمود اادي الواجب واحمد صديقي وشفتي شلون انصدم بعد ما سمع امير بالمستشفى فاني ما اكدر اعوفه وحده وهمين الاسلام والرسول يكول لازم انزور المريض واني اادي الواجب لا اكثر