لم ارد ان احبها (جزء اول)

الجزء الخامس

#لم- ارد- ان- احبها
ساره  &  ننو
الجزء الخامس
قراءه ممتعه 💖

عندما تشعر ان جميع الابواب مسدوده بوجهك ولا تعرف ماذا تتصرف..
وعندما تشعر بمسؤوليه ثلاثه اشخاص ولا يوجد حل...
عندها سوف تفعل المستحيل لاجلهم....
لكن ماذا يمكن لفتاه ريفيه،
عاشت حياتها بين احضان عائلتها معتمدتاً عليهم بكل شي..
كيف لهذا الفتاه الريفيه ان تساعد.

بقيت صافنه على البنات شلون بينه هسه وين نروح.
ساره.. انروح للفندق والصبح من يفتحون الباب نجي هنا.
ريماس.. اي ماعدنه حل ثاني.. وانتي ملاك شنو ادگولين.
كلت.. اي خلينه نروح للفندق بس اني ما اندل.
مروه.. جا ياهي التندل حبيبه احنه نسأل ابو التكسي وهو يوصلنه.

طلعنه على الشارع العام نريد تكسي يوصلنه ماكو. اكو سياره مرت من يمنه بس شو داس بريك بسرعه حتى طلع صوت عالي ورجع بيگ ووگف كبالنه سياره راقيه واحنه وحده كمشت ايد الثانيه ورجعنه بسرعه ليوره كرده فعل سريعه خايفات من المجهول.

امير: 
اني امير ابن الشيخ محمود ادرس كليه مرحله ثالثه دائما ويه ابوي ويكلي اني الشيخ من بعده، عندي روحي من الدنيا امي وابوي واختي وابن عمي احمد.. يعني اضحي بروحي ولا واحد يمس شعره منهم..
يوميه اني واحمد نطلع العصر او بليل حسب الضروف اليوم العصر انتظرت احمد يجي ماكو ادگ عليه خبلني يفصل المبايل شفت الساعه صارت 8 مليت منه كلت خليني اطلع وهو بعدين يلحگني.
جنت امشي وبدربي شفت بنات اربع اني ما اباوع على البنات بس اعتقد لمحت وحده بيهن اعرفها عبرتهن بس من ظليت اباوع بالمرايه شفتها هاي البنيه السمره بسرعه دست بريك ورجعت نزلت الجامه شفتها اي متاكد هي من شافتني بين على وجهه مستغربه رغم ظلام الليل بس جنت مركز بكل تعابير وجهه.
خليت السياره على جهه ونزلت كلت..وين طالعات بهل ليل.
وحده بيهن كالت ..وانت شعليك.
السمره ..رايحات للفندق اكو اعتراض.
للفندق شكو بالفندق،طفرت بالي فكره سيئه واني كمت اغلي وكلت..شسون بالفندق وهسه الدنيا ليل.
السمره.. يعني وين نروح.
كلت.. ترحن لبيوتجن.
وحده كالت.. بس احنه مو من بغداد.
كلت.. اي ارجعن للقسم مالتجن.،  غير اقسام داخليه انتن لو وين جنتن تباتن.
السمره.. البواب ما قبل ندخل وطردنه.
طردهن خاف مسويات شي،  معقوله الي بالي صح، الغيره كتلتني، باوعت على هاي السمره وخزرتها وكلت بعياط لان اعصابي تلفت واني ما اتحمل واصير عصبي بسرعه فكلت.. شنو سويتي وطردوج اكو شعور بداخلي يكول انتي ام المصيبه ادري بيج ما مربايه عدل وسويتلج فد مكسوره ورطتي البنات المسكينات وياج،  اكيد انتي علمتيهن لان انتي ما ادري من يا بيئه جايه بس متاكد مو بيئه نظيفه  شوفي روحج انتي..
توقفت عن الحجي من شفت دموعها..
رغم ظلام الليل جنت شوف دموعها شلون تنزل وتشهگ بس بدون صوت كلبي وجعني عليها..بسببي هاي اني شنو جنت احجي شلون هيج حجيت عليها اووف يربي اووف منك يالساني رحت عليها ردت اعتذر عن كلامي.
كالت..لا تتقرب ان ما يشرفني واحد مثلك يتقرب مني واحد ماعنده اخلاق ومثل ما حجيت عليه واتهمتني بشرفي نفس الشي راح يصير باختك فكما تدين تدان.
اني من كالت اختك واني كمت افور يعني شنو يحجون على اختي غير اكسر راسه الي يلمس شعره منها عفتها ورحت صعدت بالسياره شغلتها باوعت عليهن من الجامه شكلن مو مال بنات سايبات مبين عليهن الحيره بس لهسه ما عرفت ليش طردوهن، اي اكيد مسويه شغله طايح حظها.
ردت امشي باوعت نظره اخيره من الجامه وشفتها شلون تبجي ووحده شابگتها كلبي ما انطاني اعوفهن وحدهن بظلمه الليل واروح هاي مو شهامه.
طفيت السياره ورجعت عليهن حجيت وي وحده...كلت وليش طردوكم.
كالت..بسببي انباكت جنطتي وملاك راحت وراه الحرامي علمود تجيب جنطتي.
كلت..وملاك هاي منو؟
كالت..ملاك الي انت هستوك اتهمتها بشرفها وهي ماكو اشرف منها صدك ملاك راحت وره الحرامي وكتلته ورجعتلي جنطتي بس تاخرنه يله لكيناها لان راحت لبعيد.
هي تحجي واني اباوع على ملاك معقوله هاي هيج يطلع منها والله كبرت بعيني طلعت سباعيه.
كتلها  .. وليش طردوكم.
كالت... رجعنه متاخرين وما قبل ندخل الحارس لان ما شايلت الهويه مالتنه.