#لم- ارد- ان- احبها
ساره & ننو
الجزء الثامن عشر
قراءه ممتعه 😏✌
علي: من فتحت الباب كلت بصدمه سيف!!
سيف.. اي سيف شبيك علي
كلت.. وشعندك جاي لبيتنه بهل ليل
سيف.. يا خويه اني جاي اعتذر منكم على كل تصرف بدر مني واني اعترف اني الي حاولت اعتدي على ملاك بس يا خويه شيطان وسيطر عليه وجاي اعتذر من عمي وشتسوون بيه سوو
بقيت مصدوم صح الاعتذار ما يقدم او ياخر بس سيف مو من طبعه يعتذر وحتى من يحجي كانه شخص مذلول او خايف وحتى اكو على وجهه كدمات ضرب معقوله بعد ما طاب لسه..
متاكد اكو ان بالموضوع لان ابن عمي واعرفه لو اشوفه كدامي يسوي هاي الشغله واكله انت مسوي هيج يكول لا اني مامسوي هيج
وهسه بموضوع جبير مثل هذا جاي ويتعترف بغلطه ويعتذر منه
صحت ابوي واخوي محمد وكعدنه بالاستقبال وراح يم رجل ابوي راد يبوسها ويعتذر منه بس ابوي ماقبل وكومه
وكام يبجي ويعتذر من ابوي ويتوسل بي ويطلب السموحه بس ابوي ما باوع بوجهه اصلا
وراح اعتذر من محمد لان هوو تأذى هواي بسبب هذا الموضوع
وراح لامي اعتذر منها وباس راسها
وباس ايد ابوي وتوسل هواي وطلع
واني على وگفتي بعد ما طلع بقى البيت هدوء بس صوت انفاسنه لحد ما حجيت اني وكلت.. بيويه هذا سيف الي جان بالبيت
محمد.. لا خياله 😒
كلت.. بس ليش هسه يله تذكر يعتذر ومبين عليه خايف من شي وبهل ليل
امي.. يمكن جان نايم وشاف حلم تفسيره مو زين لان هو اذانه هواي لهذا اجه هسه واعتذر منه
ابوي.. باجر نروح ونشوف شلون تصفه السالفه
كلت.. بويه انت سامحته لسيف 😨
ابوي.. ما ادري.. اني احسه متندم على الي سواه بس هو يستاهل عقاب جبير واكبر عقاب هو تأنيب الضمير
محمد.. هاي اذا عنده ضمير اصلا 😅
كلت.. ولك محمد انت حتلو تصاوب ماتكعد راحه
محمد.. يا اخي اني مصاوب بمتني مو بحلگي 😐
كلت.. اي بويه وهسه شقررت
ابوي.. باجر نروح للديوان ونشوف شلون تصفى
كلت.. اي ان شاء الله
بس اني لازم اعرف شنو الي خلاه يجي ويعتذر 😕
امير: طلبت اجازه من الكليه وانطلقت من الصبح ورحت للجنوب لازم احل السالفه واخلي سيف يبتعد عنهم
عندي اصدقاء من الاعداديه طلعت كلياتهم هناك بالجنوب (حسين و منتظر)خابرتهم وكتلهم يراقبون سيف من البارحه و دليتهم على منطقتهم..
من وصلت سلمت عليهم من زمان ما شايفهم جنه اعز اصدقاء بالاعداديه بس الكليه فرقتنا للاسف
منتظر..لك امير تريد تخطف هذا سيف
كلت..تقريبا
حسين..وشعندك وياه شمسويلك شو انت بس تتأمر علينه عبالك عصابتك احنه وما كلت ليش هيج سويت تره الفضول راح يكتلني يا اخي
كلت..ولازم تعرف 😒
منتظر..امير انت من شوكت تضم علينه شغله يخوي شنو متغير علينه
كلت..ولكم شي خاص...يخصني
حسين..وكلشي يخصك يخصنه احنه كلنه..نسيت احنه جان شعارنا كلنا واحد
ما اعرف اكول لو لا حاير اني بعمري ما ضميت عليهم شي بس ما اكدر احجيلهم هسه
كلت..بعدين تعرفون والله بس خليني اخلص شغلي ويه سيف الحقير
أنت تقرأ
لم ارد ان احبها (جزء اول)
Romanceدائما ما تكون بطله الروايه جميله ويفتن بها جميع الرجال.. لكن هل هذا يعني ان البنيه الي مو جميله ومو فاتنه ما ح تحب او تتزوج هل الجميله هي الوحيده التي تستحق الحب.. والمو جميله ميصير تحب.. قصتي تحجي عن بنيه ريفيه غير فائقه الجمال بس تتميز بالذ...
