لم ارد ان احبها (جزء اول)

الجزء السادس عشر

#لم- ارد- احبها
ساره & ننو
الجزء السادس عشر
قراءه ممتعه 😚✌

ملاك: كعدنه اني واحمد وامير سوه بقينه سوالف وضحك بس نظرات امير تجاهي اربكتني دائما نظراته مختلفه دائما يباوعلي بكره او حقد او اشمئزاز بس هل مره نظراته مختلفه كان يباوعلي باعجاب لان احمد بقى بس يمدح بيه ويكول اني شنو اسوي وحجاله كلشي عني..
نظرات امير اربكتني حتى بعد ما اعرف اضحك ولا اعرف اشرب العصير حتى طاح على هدومي رحت للمغاسل علمود اوخر اثر العصير قبل لا يخرب الثوب حرامات حلو لبسي
دخلت وغسلت الثوب مالتي صح مانظف كلش بس الاهم مامبين اكو عصير
الحمامات فارغه بس اني موجوده خلصت ردت اطلع الباب ماينفتح عبالي عالگ حاولت وحاولت ماينفتح يربي شسوي هسه ساعدني يربي

اني عندي خوف من الاماكن المغلقه احس بخنگه اذا انحبس بمكان حتى من جنت بيتنه اعوف باب الغرفه مفتوح دائما مجرد التفكير ان اني محبوسه يسبب الرهبه بداخلي وخوف
حاولت افتح الباب ما انفتح حسيت روحي داختنگ وكان الحايط دينضغط عليه وراح يبقى ينضغط لحد ما يمردني واموت.
بعد فشل كل محاولاتي علمود افتح الباب كعدت ابجي بخوف احس هاي نهايتي احس انتهيت..ليش دائما اني اطيح بالمشاكل ليش مايصير يمر يوم حلو بدون اي مشكله وليش ولا مره كدرت اطلع من مشكلتي وحدي ليش اني ضعيفه وما اعتمد على نفسي اني لازم اصير قويه واني انقذ نفسي مو امير ينقذني بس شلون؟؟؟!!!!

يله اليوم اجازه خليني اطلب المساعده من امير وبعدين ابدي اعتمد على نفسي..
بس شلون امير راح يعرف مكاني يعني هاهيه اني راح اموت اذكرت احمد طلعت مبايلي بسرعه وخابرت على احمد لان اني ماعندي رقم امير فمااكدر اتصل بي.بس احمد عندي رقمه اكدر اتصل بي
اتصلت على احمد واحجي واني ابجي واشهك واكله تعال انقذني قبل ما اموت.
سمعت صوت امير كمت ابجي بحرگه كال..ملاك حبيبتي لاتخافين احنه هسه نجيج بس كولي انتي وين.
كلت..امير..امير ساعدني اني عالگه بالحمامات.
امير..بس اهدي هسه نجيج لاتبجين ملاك ما اتحمل اشوف دموعج.
مسحت دموعي وكلت..حباب امير تعال بسرعه احس روحي اختنگت.

بقيت كاعد ومتكوره على نفسي ومنتظرتهم يجون يالله ليش تاخروا وين صاروا بعدين سمعت صوت الباب يندك هذا صوت احمد يكول ملاك انتي هنا
كلت..اي احمد ساعدني حباب
مدري شنو سوه وانفتح الباب وطب بسرعه اني من شفته دخل بسرعه كمت ورحت ركضت عليه وشبگته حيل بدون ما احس على روحي
سمعت صوت احممم احمم
شفت امير واكف وره احمد ومبين على ضايج والشرار يطلع من عينه
ابتعدت عن احمد بسرعه واعتذر لان سويت هيج وطلعت بسرعه...

امير: من سمعت صوت ملاك تبجي وادكول احس روحي راح اموت حسيت اني الي راح اموت شبيها ملاك شنو صار وياها يربي احميها من كل شر ما اتحمل خسارتها.
كلت..ملاك حبيبتي لاتخافين احنه هسه راح نجيج انتي وين.