لم ارد ان احبها (جزء اول)

التاسع والعشرين

#لم- ارد- ان- احبها
ساره   &   ننو
الجزء التاسع والعشرين
قراءه ممتعه 😉✌

زينه: بعد ما طلع محمد اخو ملاك بقينه البنات شغلنه الاغاني وركص ههه
خوب اني عبالك ما شايفه وبقيت بس اركص وبالنص والنسوان كلها تباوع عليه ادكول هاي بتمن ومين وملاك تقره معوذتين عليه هههه
وكفت اخذت نفس حسيت مبايلي يهز بجيبي طلعت شفت غيث هذا شعنده اول ما فتحت صاح تعاي للمطبخ بسرعه وسده بوجهي
بعد ما اشوف دربي رحت بسرعه حتى نسيت حجابي شفت واكف ويهز برجله بتوتر كلت.. هااا شبيك
بقى يباوع عليه وعيونه ناااار
كال.. شنو هل تملعب شكو تركصين عرس اخوج هذا
كلت.. غيث هاي شبيك يعني واذا ركصت اصلا نفسيتي تعبانه وجنت محتاجه هيج طلعه وركص من زمان ما رايحه عرس
غيث.. عود من نزوج اركصي بعرسج
فتحت عيني وكلت.. شنووووو
غيث..ماكووشي بس ولي واذا شفتج بعد ركصتي اكسر رجلج واگوله لامير عليج
كلت..لا غيث حباب الا امير اوك راح اكعد وبعد ما اركص
غيث..اي عفيه هسه روحي واذا شفتج ركصتي تتعاقبين
ردت اروح كال..لحظه زينه
ردت وجهي..هااا
غيث..اني اجيت لهنا علمود اصيح هدى حتى تجيبلي قميص ثاني بس شفتج المهم اريدج تصيحين هدى
كلت..اوك
درت وحهي ردت امشي كال..اا زينه
باعوتله كلت..وبعد
حك شعره حتى حبيت هاي الحركه من يسويها كال..طالعه حلوه اليوم
ابتسمت ونزلت راسي كلت..شكرا نزلت خصله على عيني كلت..عزااا العزاج يا زينه اني ما لابسه حجاب
غيث...ههههه عادي هاي ثاني مره اشوفج هههههه
خجلت كلش وعفته وطبيت بسرعه وكلبي يدك بسرعه كلت لهدى وراحت واني كعدت بس اصفك اريد اكوم اركص بس اخاف وطلع موصي هدى اذا شافتني اركص توصله خبر فصرت عاقله وهدى كلساع تضحك عليه ادكول صاكرج ههههه

ملاك: ركصت شويه وبقيت ويه البنات لو اشتغل يعني رجليه بعد ما احس بيهن من الفره والشغل
بعدين من خفت الدنيا شويه اجاني ابوي كال يريد يحجي وياي على انفراد  احس كلبي كام يدك بسرعه وخفت وابد ما اطمنت هو انتبه عليه كال لاتخافين خير ان شاء الله
طبيت بغرفه ابويه وكعدني يمه كال..اني صرت جبير وبعد ما اكدر اتحمل مسئوليتج واخونج هم وراهم زواج ويحيرون بعائلاتهم وزوجاتهم واخاف اموت قبل لا ءامن عليج بويه اني تهمني سعادتج وكلشي اريده اشوفج مرتاحه وماناقصج شي
كلت..بابا شنو مناسبه هل حجي شكو
ابوي..امير طلب ايدج وهو رجال والنعم منه
انصدمت امير طلب ايدي من ابوي هذا صدك يحجي يعني متوقع اقبل بي
كلت..بابا اني اريد اكمل دراسه
ابوي..بنتي هو طلب يحجي وياج خمس دقايق علمود تتفاهمون احجي وياه
كلت...بابا!!!
ابوي..لخاطري ملاك اني اريد بس اشوفج مرتاحه وامير يكدر يخليج تعيشين احلى عيشه
كلت..اوك
لبست جبه لان لبسي مخصر ولبست حجابي ودخل امير
كلت..انت من كل عقلك تريدني ازوج هسه
امير..ملاك اهدي وخليني احجي بالاول
كعد وطلب مني اكعد كدامه
امير..ملاك اني احبج واريدج تصيرين مرتي واريد تكون وكفتنه سوه بالحلال كدام رب العالمين لان ما اريد اخطأ بشي وياج وادري بيج تردين تكملين واني ما راح اضغط عليج ما راح ازوجج اذا ما خلصتي كليتج، بس الي اريده نخطب هسه ونبقى سوه هل تلث سنوات نتعرف على بعض اكثر وبعدها نزوج واي شي تردي اني جاهز بس ارجوج ملاك لاترفضين انتي ما شفتي فرحه ابوج ولا الناس الي باركتله لاتفشليني وتفشلين ابوج وصدكيني ما راح تتندمين
كلت..اوك انطيني وقت افكر
كام وكف..فكري زين ملاك واتخذي القرار ولاتنسين هل شي مو بس يخصج يخصنه كولنا
وطلع من الغرفه بقيت صافنه ما اعرف شنو اسوي شنو اقرر حايره

كنان: فرحت كلش لامير بعد ما طلب ايد ملاك بس جان حاير عايش بغير عالم اكيد خايف ترفضه بس شعور بداخلي يكول ما راح تكدر ترفض لان نظراته لامير جان بيها حب
باوعت لهدى ما تباوع بوجهي بسبب الي صار البارحه بالبستان ضجت كلش من نفسي شلون اعتذر منها هسه

احمد: بقيت صافن ما مستوعب شي امير يزوج ملاك واني؟؟؟
اني احبها اريدها ليش اخوي ياخذها مني
امير عفت كل البنات وما باوعت بس لملاك
هي صديقتي قبل لا تصير صديقتك واني الغبي قربتهم من بعض
وامير من يمنعني عن ملاك مو كره وانما انانيه علمود تبقى بس اله
ماتوقعتك هيج يا امير شلون هيج تاخذ البنيه الوحيده الي حبيتها
كل البنات الي مرن عليه بحياتي جانت مجرد تسليه وصداقه
ملاك الوحيده الي دخلت كلبي وما قبلت تطلع منه وتالي تروح لاخوي

لا احمد لا لا ما يصير هيج افكر
امير هو الي طلبها قبلي
وهمين اني ما اعترفت الملاك او لمحت هل شي
ليش ما اعترفت الها جان هسه ما راح تقبل
لازم احجي ويه ملاك اني احبها اني اريدها
بس معقوله تكون تحب امير
اوووووف ما اريد اصير اناني لازم اتقبل هي راح تصير زوجه اخوي
بس هذا الكلب شيفهمه ان هي بعد مو الي وماكو امل

................يتبع..............

لا تنسون التصويت

باي