#لم- ارد- ان- احبها
ساره & ننو
الجزء الثالث والعشرون
قراءه ممتعه 😚✌
امير: جنت نايم وبسابع حلم كعدتني زينه الخبله اكللها اريد انام ماتقبل خبصتني عبالك القيامه صارت كلت شكووووووو
زينه.. ولك ملاااااااك
من سمعت اسمها كمت بسرعه وكلت.. شبيها
زينه ابتسمت وكالت.. روح جيبها لبيتنه
باوعت لساعتي شفتها بثمانيه كلت.. شكو من هسه رايح
زينه.. غير علمود تسبح وتبدل وتتريگ وبين ماتوصل الساعه صارت بالتسعه
يللللللللللله كوووووووم
كلت.. ولجججج زينه لاتعيطين لا افركه لحلكج هسه امشي ولي من يمي لا اشوهه لوجهج
زينه.. يا عابتلك هاي من الصبح مجلوب عليه
كمت عليها وهي طلعت ركض
خبله والله هاي البت الله يساعد كلب الله ياخذج هههههه
بس هي دمها محبوب
كمت اخذتلي دوش شويه وبدلت نزلت لكيت الريوك حاضر وصمون وجاي مهيل كلت.. هاي شكو اليوم
وهاي الخبله تبتسم بوجهي مدللتني اليوم علمود اجيب ملاك
كلت.. تره اني راح اجيبلج ملاك مو راح اجيبلج ملاك من السمه
زينه.. يا هي ملاك صدك ملاك ملوكتي حبيبتي صديقتي
كلت.. اي اي اسكتي
ما احب احد يكول عن عنها ملاكي وحبيبتي غيري
تريگت اني وزينه وامي وكمت لكيت زينه كامشه السويج مال السياره ضحكت عليها من كل كلبي هاي البت مخبله والنبي
اخذت السياره ورحت للاقسام شفت ملاك واكفه بالشارع منتظرتني واني كمت افور شسوي واكفه بالشارع صعدت ليوره صحت.. تعاااي لكدام اني مو سايق عندج
نزلت وكعدت يمي بكل هدوء وكالت.. جان كدرت تطلب هل شي باحترام
قربت راسي عليها وكلت.. شنو قصدج
دفعتني عنها وكالت مقصدي شي
كلت.. ليش جنتي واكفه بالشارع وحدج
ملاك.. جنت منتظرتك علمود من تجي اصعد بسرعه وياك
كلت.. اكو احد عتب عليج وكلج راح تنكلب الدنيا اذا تاخرتي شويه 😤
ملاك.. يعني موزين وكفت بالحر علمود ما ااخرك
كلت.. لا موزين شنو واكفه بالشارع وحدج، ملاك بعد اذا اسمع واكفه بالشارع هاي رجليج الي طلعتي بيهن اكسرهن فهمتتتتتي لووو لااا
ملاك.. اولا تعيط لان احنه بالشارع هسه
وثانيا وانت بأي حق جاي تحاسبني هااا شنو انت بحياتي علمود جاي تحاسبني وتمنعني وتهدد على راحتك شنو تايهتلك اني
كلت.. شو طالعلج لسان ولج
ملاك.. اني عندي لسان من زمان بس جنت محترمتك بس..
كلت.. بس شنو
ملاك.. امير كافي امشي راح نبقى اليوم كله بالسياره ورجاءً بعد لاتدخل بحياتي
كلت.. لا ادخل ونص
ملاك.. وليش تدخل
تقربت عليها وكلت بهدوء.. لان احبج واغار عليج وما اريد احد يشوفج غيري
دفعتني عنها وكالت.. امير لاتتقرب التزم بحدودك
كلت.. اني ملتزم حدودي كلش زين بس انتي تجبريني اسوي هيج
ملاك.. اني؟؟؟؟!؟!؟ لو مامتعجبه انت كلشي اذب براسي حتى ما راح اتفاجئ اذا تجيني فد يوم وادكلي انتي بسببج دخل داعش للعراق
خررربت من الضحك عليها هي حجتها بحركه كلب بس تضحك
هي كامت تضحك ويه ضحكتي
باوعت بعيونها ااااه شكد احبجن لان انتن عيونها لونهن العسلي والرموش الثخان والطوال والحوجب الطول كل جزء من شكلج احبه بقيت اباوع عليها وصافن كل سانتيم من وجهه ركزت عليه حتى حسيتها توترت
اخر شي ثبتت نظري على الشفه ورجعت باوعت بعيونها بحب
أنت تقرأ
لم ارد ان احبها (جزء اول)
Storie d'amoreدائما ما تكون بطله الروايه جميله ويفتن بها جميع الرجال.. لكن هل هذا يعني ان البنيه الي مو جميله ومو فاتنه ما ح تحب او تتزوج هل الجميله هي الوحيده التي تستحق الحب.. والمو جميله ميصير تحب.. قصتي تحجي عن بنيه ريفيه غير فائقه الجمال بس تتميز بالذ...
