#لم- ارد- ان- احبها
ساره & ننو
الجزء الثلاثون
قراءه ممتعه 😊✌
ملاك: بقيت الليل كوله افكر بامير ومشاعري تجاهه افكر بالمستقبل وشلون ممكن نعيش سوه هل احنه مناسبين واختيار امير الي صح لو لا
زين اني شنو اريد اذا اخلص دراستي شنو بعدها راح يصير اذارفضت امير معقوله الكه احسن منه؟؟
لا ماكو احسن امير
امير شكل شخصيه اسلوب مكانه ماكوو منه امير ما يتعوض
وبقيت افكر وافكر وبدون ما احس غفيت
الصبح رجعوا لاهلهم كلهم (صديقات ملاك اول ما خلصت الخطوبه رجعن)
جانت نظراته وهو يودعني ومن تحركت السياره حسيت روحي راحت وياه اشتاقيتله من اول ثانيه اريده يرجع دمعتي بطرف عيني
دخلت للبيت
بعد يومين من التفكير الي اكل عقلي كلت بابا اني موافقه على امير وفرح هواي وامي كامت تهلهل 😂
هدئ: رجعنا من الخطبه كوولش تونسنا بس لْـۆ ما هـُذآ كنان ياااربي لآزٍمٍ يخرب ونستي وگلت بعد ماحجي ويااه واسوي روحي ماشايفته
كنان: مــِْن رجعنا من الخطبه واني احاول احجي ويه هدى بس هيه ماتنطيني مجال ادرري حقها بس اريد اعتذر منها وكعدت افكر ماضل شي وتخلص العطله شلون راح اتحمل فراكها يربي صبرني فد يوم جنت احجي ويه امير وطلعت من الغرفه گلت اروح ادگ الباب واحجي ويه هدى
اشوف الباب مفتوح وهدى جانت هسه طالعه من الحمام وفاتحه شعرها يربي يخببل وطوويل وريحته واصله يمي هيه مـِْن المرايه شافتني واخترعت صااحت كنان
هدى: اني جنت اسبح وطلعت جانت زينه يمي گتلها جيبيلي مشط مادري وينه راحت وخلت الباب مفتوح واباوع من المرايه انصدمت هذا شجابه گلت كناان!!!
يربي استحيت كوولش وخدودي احمروو اشوفه يضحك اني فورا حطيت الشال ع راسي ورحت يمه كتله شرايد
كنان.. شبيج جيت احجي ويااج
كلت.. واني ماريد احجي ويااك ارتااحيت
كنان: بس لآزٍمٍ تسمعين
وتقرب مني
كلت.. هااا اي كول
كنان.. جيت اعتذر منج
كلت.. اعتذارك مو مقبول
كنان.. ليش
كلت.. لٱ والله وتسأل ليش ولك انته ماخليتلي كرامه تفشلني عمود ملابسي وانته شدخلك اصلا وشنو يعنيلك
كنان: قربتها مِڼـّي وصارت كولش قريبه وصاارت ترجف وعيونها ب عيوني كتلها شنو يعنيلي هااا ولج اني
اني عصبت وبلحضتها فكرت انو هذآ هو رح اكوله كولشي. گتله انته شنوو كول ههه اصلا بعدك مثل طبعك ماتغيرت كبريائك اهم شي وماتنازلت وجيت اعتذرت بعد ال سويته واصلا مستغربه مـڼـڱ اجيت اعتذرت
كنان.. ليش انتي شلون تعرفيني هااا وشنو اني الي سويته وماعتذرت هاا كوولي برربج كولي اني هدهد حبيبتك فدوه كولي وريحيني
صحيت على نفسي اني قريبا كوولش منه إذأ احد شافنه رح تصير مصيبه فورا بعدته عني ومسحت دموعي وطلعته خاارج الغرفه وكعدت بالكاع وابجي واحجي ب صوت ناصي اطلع ماريدك كسرتني وضلمتني وطلعتني خاينه ماريدك اه اه تعبت يااربي ساعدني دخيلك
أنت تقرأ
لم ارد ان احبها (جزء اول)
Romanceدائما ما تكون بطله الروايه جميله ويفتن بها جميع الرجال.. لكن هل هذا يعني ان البنيه الي مو جميله ومو فاتنه ما ح تحب او تتزوج هل الجميله هي الوحيده التي تستحق الحب.. والمو جميله ميصير تحب.. قصتي تحجي عن بنيه ريفيه غير فائقه الجمال بس تتميز بالذ...
