لم ارد ان احبها (جزء اول)

الجزء الثامن

#لم-ارد- ان-احبها
ساره  & ننو
الجزء الثامن
قراءه ممتعه♥😘✌

انطلقت السيارات ورحنه للزوراء جنه متحمسات كلش واخيرا راح نشوف الزوراء، السيارات كلها هوسه ومشغلين اغاني وفرحانين، والولد بس يهوسون ويرگصون والي يشوفنه يكول هاي زفه واحد معرس لان الكل يغني ويركص والبنات تارسات ارواحهن مكياج، يعني صدك عرس.

وصلنه لهناك وبدينه نفتر ونلعب وتونسنه هواي كعدنه اني وكم بنيه فرشنه فراش بالكاع وخلينه اكل وحضرناه واني طبخت دولمه احبها على طريقه امي هي اكيد مو نفس دولمه امي بس هم طيبه صبينه وحضرنه كلشي وصحنه البقيه بدينه ناكل ونسولف ونضحك،
اياد.. ولكم هاي منو مسوي الدولمه؟
ياا بس لا ما عجبتهم شسوي هسه،
مروه.. هاي ملاك سوتها.
اياد... عاشت ايدج ملاك كلش طيبه.
احمد.. والله يا ملاك طلعتي معدله وتعرفين تطبخين عاشت ايدج.
حامد.. ولكم شهيتوني اني مسوي رجيم،  بربك هيج طيبه.
اياد بخباثه.. امممم طيبه تخبل تخبل تخبل.،  مو احمد.
احمد ابتسم وكال.. امي ما تعرف هيج تطبخ وعلي.
واحنه خربنه من الضحك.
حامد.. خبثاء والله،  انوب عاط بعصبيه ملاك شو دصبيلي دولمه.
والكل خرب من الضحك عليه.
صبيتله دولمه وانطيته الماعون اكله وكال.. من انعل ابو الرجيم اذا يحرمني من هيج اكل طيب.
امال..مو لهاي الدرجه طيبه اصلا اني ما حبيتها.
زينب...يمكن حتى مو نظيفه خاف اكلها واتسمم.
احمد..هاي مشكلتكم، خليني اتسمم المهم اشبع بطني.
اياد... لا اكلها طيب ونظيف شنو هل حجي بنات.
ساره كالتلي بهمس..ماعليج بيهن حبيبتي يغارن لان اكلج طيب.
اكلنه وخلصنه ولمينه غراضنه اكو راحوا يفترون بس اني تعبت بقيت كاعده بمكاني واباوع على الرايح والجاي ويمي ساره.
ساره..ملاك راح اجيب حب واجي علمود نكعد نكرز حب.
كلت..اوك على راحتج اني هنا انتظرج.
راحت ساره علمود تجيب حب واني بقيت كاعده منتظرتها

'هاي شيسوي الحلو كاعد هنا وحده '
درت وجهي شفته احمد ابتسمت كتله.. لا مو وحدي بس ساره جانت يمي وراحت تجيب حب.
احمد..يصير اكعد يمج.
كلت..اي اكيد تفضل.
اجه كعد يمي كال..منو علمج على الطبخ، الدولمه طعمها مو نفس الي امي تسويها.
كتله..هاي وصفه بيبي وامي اخذتها منها واني اخذتها من امي.
احمد.خوش والله، زين ميصير تعلمينه عليها واخلي امي تطبخلنه نفسها
كلت بضحكه... لا لا ممنوع هاي الوصفه السريه، انت اذا تشتهي اني اسويلك.
احمد..اي خوش يعني يوميه اجي اتغده يمكم.
ضحكت وكلت..يوميه.
احمد..اي يوميه لان ما ينشبع منها،
انوب بقه يباوعلي بنظرات غريبه وترني وكال..طالعه حلوه اليوم كلش، باوعت لشكلي جنت لابسه بنطرون وقميص البنات كالن احنه رايحين نلعب مو مال البس ثوب لازم البس جينز ولبست قميص لونه ثلجي وبنطرون ابيض وحذاء بيضه واجيت.