# لم- ارد- ان- احبها
ساره & ننو
الجزء الواحد والعشرون
قراءه ممتعه 😎✌
\/\/\/\/\/\/\/\/\/\/\/\/\/\/\/\/\/
ملاك: داومت بالكليه وجان دوام طبيعي بس اكيد بالي وتفكيري هو نفس الشخص امير!!!
الشخص الي ولا يطلع من راسي وتفكيري يدور بس عليه
حجيت ويه احمد واطمنت عليه وكلت انطيني رقمه اريد اخابره
احمد.. تخابرين امير؟؟ اني لو ما مخابرج ومخليج كدام الامر الواقع جان لاتخابريني ولا تسألين عليه
كلت.. يا احمد هاي شبيك غير اطمن عليه هسه انت تمرض وشوف منو الي ما يخابرك
احمد.. اي اي بس هاي راح تصير مفاجئه لامير اكبر مفاجئه بحياته
من رجعت تغديت واخذت رقم امير وبقيت حايره اتصل لو لا
زين اذا اتصلت شنو اكول شسوي
وسالفه سيف معقوله هو اله دخل بيها
بعد تفكير طويل اتصلت بي وكلت عندي موضوع مهم وردته يبتعد عن الي حواليه علمود محد يسمع كلامنه
انصدم وكال.. ملاك هاي انتي شكو شنووالموضوع
كلت.. امير انت تدري سيف اجه واعتذر
امير.. اي ادري لان سمعتج تحجين ويه حبيبج وادكولين اكيد انت خليته يعتذر
انصدمت من كلامه.. وكلت.. يا حبيبي امير هاي شبيك اني موومن هذا النوع واصلا اني جايه اسئلك اذا انت اللك ايد بالموضوع لان متاكده ماكو احد غيرك ممكن يسوي هل شي وانت دائما الي تساعدني من اوكع بمشكله انت منقذي واني اجيت اتاكدت هل هاي المره مثل كل المرات انت الي ساعدتني لو سيف من وحده اجه واعتذر واني ادري بي سيف ماعنده ضمير ومستحيل يسوي هيج شي واكيد انت جبرته هددته سويلته شي وخليته يجي يعتذر.
امير باستهزاء... هاا يمكن حبيبج اعترف ان مو هو الي خلاه لسيف يعتذر لهذا اجيتي عليه ويمكن خابرتي كل الولد الي بالكليه وسئلتيهم
معقوله هذا امير؟؟ اي معقوله امير بعمره ما صار حباب وياي دائما حقير صح يساعدني بس هو يبقى حقير
كلت.. امير هاي شبيك منو هذا حبيبي اني ماعندي حبيب والله
صاح بيه.. ملاك كافي جذب اني سمعتج تخابرينه وجان احمد واكف يمج وهو كالج ان سيف اجه واعتذر وانت كلتي اي اكيد انت الي خليته يجي يعتذر واحمد هم جان موجود وسمع هل شي وسئلج انتي شكد تحبي وكلتي حبيبي اخوي ابوي امي هو كل دنيتي
بقيت صافنه لهاي الدرجه حافظ كلشي اني كلته وبالحرف الواحد لهاي الدرجه امير جان مركز بالحجي مالتي وهو ليش عصبي وهو عباله حييبي ميدري هل شخص هو اخوي علي
كلت.. امير انت غلطان هل مره اني جنت احجي ويه اخوي
امير.. كافي ملاك كافي جذب تره اني بعد ما اتحمل كافي عوفيني اطلعي من حياتي بعد ما اريد افكر بيج كافي خليني ارتاح
يا هذا شبي هسه اني شحجيت
كلت.. امير على كيفك تره انت بعدك مريض واني بس اجيت احجي وياك اذا انت الي حجيت ويه سيف او لا
سد التلفون بوجهي يربي شكد حقير هل شخص ومغرور وشايف روحه هسه عليمن
أنت تقرأ
لم ارد ان احبها (جزء اول)
Romanceدائما ما تكون بطله الروايه جميله ويفتن بها جميع الرجال.. لكن هل هذا يعني ان البنيه الي مو جميله ومو فاتنه ما ح تحب او تتزوج هل الجميله هي الوحيده التي تستحق الحب.. والمو جميله ميصير تحب.. قصتي تحجي عن بنيه ريفيه غير فائقه الجمال بس تتميز بالذ...
