لم ارد ان احبها (جزء اول)

الثامن والعشرين

#لم- ارد- ان- احبها
ساره & ننو
الجزء الثامن والعشرين
قراءه ممتعه 😉✌

زينه: طلعنه للبستان جان يخبل جبير والهواا باارد يخبل وجنه بشهر الثاني والجو حلوو والدنيا عصر وحركه الشجر تنطي راحه نفسيه باوعت لهدى هم حسيتها مرتاحه
كلت لملاك هنيالكم على هاي النعمه الكعده بالبستان احلى من بغداد كلها
ملاك.. ههههه لا بغداد هم حلوه
هدى.. لا وربي هنا تحسين براحه نفسيه ما حسيت بيها من سنين
كلت.. اممم ملاك عادي اخذ جوله بالبستان وافتر
ملاك.. عادي زينه شتردين تسوي سوي حتى اكو ورد اذا تردين تاخذين اخذي
كلت.. عليج الله وين وين اريد ورد اليوم اخذه نصه ههه
ملاك... نههههه اخذي كله الج تلكين هناك بنهايه البستان
كلت.. اوك يله باايوو اروح لورداتي
ورحت اركض واكمز واحجي اغاني مال اطفال هههههه خبله وربي
لكيت ورد 😍 يجنن الالوان الريحه مالته شكله كله على بعضه حلو بقيت كاعد يمهن والتمس بيهن والعب بالورد لو اقطف الحلوات
وبعدها نمت بالكاع يم الورد واباوع للسمه والغيوم الي تفتر غمضت عيني براحه ريحه الورد والهوه الخفيف وحركه الشجر والعشب الي جواي كله حلوو

حسيت على ظل صار فوكاي فتحت عيني
صارت عيني بعينه فزيت وكمت كعدت بسرعه
كعد كبالي على تك رجل وقدم ورده حمره تخبل
واكيد الانثى الي بداخلي ما تكدر ترفض الورده الحلوه
اخذتها منه وكلت شكرا
غيث.. ليش كاعده وحدج هنا
كلت.. اجيت العب ويه الورد
غيث.. اممم ما شايف ورد يلعب ويه الورد
خجلني ابن اللذين ههههههه
نام على الكاع وبقى صافن اول مره احسه هيج
جان صافن يفكر بتشتت لو مو عيب جان هسه هم مددت بس هو خربها عليه ونام يعني بعد ما يصير اني انام بالكاع خاف احد يشوفنه ويفهم غلط.
بقى ساكت ما حجه شي كلت.. بيك شي شنو الي يشغل تفكيرك
غيث.. انتي
كلت.. وليش اني؟؟
غيث.. لان اني....
كلت.. شبيك
كام وكف وكال.. كلشي بوقته حلو
وراح
خاب دطير شبيك خليني مرتاحه وحدي
بس ما كدرت بقيت افكر ليش يفكر بيه؟؟ هو شبي؟؟
معقوله يريد يسويلي شي
يمكن يكرهني ويريد يسوي شي يأذيني مثل ذاك القصه الي قريتها ابن عمهم يكرهم بدون سبب ويريد يخلي عيشتهم مو حلوه
امممم لازم اخذ حذري من غيث كلشي يصير (هذا الي يقره قصص هواي يكوم يربط كلشي بواقعه لازم ناخذ القصص للعبره وبس مو نربطها بحياتنه لان كلمن وقصته تختلف عن الثاني)

هدى: بقينه كاعدات اني وملاك بعد ما راحت زينه وكلام زينه من كالت انتن زوجات اخواني ليش زينه هيج كالت معقوله اكو شي براسها وتريد تجمعني اني وكنان مع ان هل شي مستحيل
بس ملاك ليش زوجه اخوها معقوله اكو شي بينها وبين امير
امممم بس زينه شمدريها بهل شي

بقينه كاعدات وصافنات اني افكر وهي تفكر بس ما ادري بيمن
كلت.. حلوه الكعده مال هسه نجيب كعك وجاي وناكل
وكفت ملاك وكالت.. اي وعلي فكره تخبل هسه اروح اسوي الجاي واجيبه ونصيح زينه ويانه لا هسه تخلص الورد هههه
كلت.. اوك اني مشتهيه كعك وجاي من زمان ما اكلت.. اكوم اساعدج
ملاك.. لا ما يحتاج قلبي هو بس جاي اسوي واحضر الكعك واجي
كلت.. اوك
راحت ملاك وبقت كاعد شفت كنان وامير يفترون بالبستان بقيت اباوع على كنان مشيته لبسه ابتسامته وهو يحجي ويه اخوه اااه كلشي بي حلو
كاموا يشاقون وكنان دفع امير حيل وخلاه يطيح وملابسه تتوصخ
مع بعد المسافه شفت امير ضااج وتعصب وكام يحجي على كنان بس ما سمعت شنو كال وكنان يضحك عليه اوووف ضحكته تجنن
كنان ساعد امير وخلاه يكوم بس امير دفعه وراح يمشي بعصبيه دخل للبيت يريد يغير ملابسه لان توصخت وامير معروف باناقته وكشخته لو ذره تراب يغير ملابسه مو كلهن وصخ هسه بسبب كنان هههههه