لم ارد ان احبها (جزء اول)

الرابع والعشرون

#لم-ارد- ان- احبها
ساره  &  ننو
الجزء الرابع والعشرون

قراءه ممتعه 😑✌

امير:  جنت نايم كعدت على صوت ضحك هففف
نزلت جوه عصبي شفت زينه وهدى وغيث كاعدين ياكلون ويضحكون
عطت بيهم وهم اخترعوا ووكفوا
اباوع لزينه حجابها فلت وطاح خزرتها هي بعد ما تشوف دربها بلكوه لبست شالها من جديد
كلت... شكو كاعدين هسه هااا ما تفهموني
غيث.. شبيك امير جوعانين جايين ناكل
كلت.. جوعانين اكل لو سوالف طايحين الحظ حتى نومتي طيرتوها من عيني شو ادنوا خليني اكل وياكم
ذوله بقوا صفنين كلت.. خايبين جعت اريد اكل وخروا عني
زينه طكتها ضحكه وكلها كامت تضحك حتى اني هم ضحكت وياهم خبوله والله ههههههه
كعدت اكل وياهم واضحك اباوع لغيث نظراته لزينه يبوو هذا راح اكوم افكس عيونه شنو يباوع لاختي كلت.. غيث تره الاكل هنا مو بوجه زينه
حك راسه بتوتر وكال.. اي اي
بقينه ناكل وهذا غيث اكل زينه بعيونه واني كلساع وخازرها لزينه ايدج ضميها شالج عدلي شعرايه طالعه لاتضحكين لا تحجين
وهي بس تتأفف ولج.. لا تهفهفين لا اكوم اركع الطاوه براسج
غيث.. هاي شبيك وياها هسه اني هم هيج اسوي ويه هدى شبيك عصبي امير
لان اني ما باوعت على اختك علمود تغار عليها مو مثلك بس صافن عليها خليني  ساكت احسن
كملنا اكل ورجعوا كلمن لمكانه ونمنا

ملاك: بقى بس يومين على الامتحانات نصف السنه واني بقيت اقره بالقسم وذبيت حيلي بالدراسة مـِْن جهه فرحانه لان رح اشوف اهلي لان مشتاقتلهم ومن جهه امير شلون ح افاركه صحيت مِْن تفكيري شبيج ملاك معقوله احبه اني آحـبُ المغرور قاطع تفكيري اهلي اتصلو بيه ضليت احجي وياهم سَـآعــهْْ كامله وانطيت الهم خبر رح التهي بدراستي وماكدر بعد احجي وياهم هوااي وبقوو يدعولي اوووف يالمه الاهل تخببل

امير:  طلعنه اني واحمد شويه نغير جوو قبل الامتحانات وهم حتى نقره ززين رحنه للمطعم تعشينا وبقينا نسولف ونضحك جت رساله ال احمد هو بقى يضحك اني كمشت الموبايله ملاك راسلته هو ابتسم سحبت المبايل شفت

هلاوو احمد شونك اريد احجي وياك بس لٱ فلاح المغرور يمك

ولك شنو من احساس عدها اني بقيت اضحك بهستيريه واحمد ع الواهس هم ضحك

احمد.. ولك شبيك
  رجعت ال طبيعتي.. لٱ مااكو شي
واني ب قلبي اضحك اذكرت هـُذآ ابو الطيلان ال شبهني عليه والله ياملاك عليج تشابيهه
كلت: احمد بس شنو تريد مـڼـڱ ملاك ؟

احمد: والله مادري شويه ودك الموبايل ورديت ابااوع ال وجهه امير ميتفسر عركان ومتعصب گلت ب قَلبـــي معقوله لهل الدرجه يكرره ملاك

امير: اغاار عليها من الهووا انوب تخابره ال احمد مادري شصارلي حتى احمد انتبه خلص احمد المكالمه
احمد.. شبيك امير بااع الشكلك يمكن لْـۆ ما اكو ناس جان قتلتني  لهل الدرجه تكرهه
مليت مـــِْن ابرر الهم انو ماكرههه سكتت وكتله شتريد مـڼـڱ