أسيرة عشق الفهد❤

...........البارت الثالث..........

ف احد المستشفيات الاستثمارية الكبيرة ف احد الاحياء الراقية ف القاهرة..توقفت سيارة BMW بيضاء اللون..وهبط منها على مرتديا قميص ابيض اللون ذو اكمام وبنطال بنى اللون..واعطى مفاتيح السيارة الى رجل الامن الذى يدعى سعيد..ودخل الى المستشفى..وعندما دخل..اقبل عليه احد الاطباء..يبدو عليه انه من نفس العمر وذو شعرا اسود وعيونا بنية ولحية خفيفة..وكان يرتدى قميص بيج اللون وبنطال بنى اللون..
طارق:عرفت الى حصل ي على؟!..
على:عرفت ايه ي خويا؟!..
طارق:عرفت ان المستشفى اتباعت..لا ومش هتصدق اتباعت لمين!!..
على:من غير ما تقعد تلوك كتير..انا عارف كل حاجة..وياريت تحل عنى ي طارق الساعة دى..
وتركه واتجه الى غرفة الاطباء لكى يرتدى معطفه ويجلب سماعته..وكان ع وشك الخروج حتى اتت له رسالة واتس اب..ففتحها ليرى محتواها..وكانت رسالة قادمة من انجى وكان محتواها كالاتى:..
(انا خايفة اوى ي على..انا مش عايزاها تيجى بس ف نفس الوقت مش عايزة اضيع الفرصة..جايز يكون نسى ويبدا من جديد..وخايفة برضو مايكونش نسى وتحصل مصيبة..وهى ماعادتش قادرة تستحمل..والنبى حاول تعرف نيته ايه)..
زادت ضيقته اكثر واكثر..ماذا بيده ليفعله؟!..وجلس ع كرسيا قريب واخذ يفكر...حتى قطع تفكيره دخول طارق..وعندما وجده جالس بهذه الطريقة..جلس ع الاريكة بجواره..
طارق:ايه ي عم..مالك؟!..
افاق على من شروده..وقال:لا ولا حاجة..
طارق وقد اتجه نحو ماكينة صنع القهوة:ماشى ي عم براحتك..المهم..صاحبك عايزك..
على:صاحبى مين؟!..
طارق وهو يضرب كفا بكف:لا حول ولا قوة الا بالله..انت مالك النهاردة؟!..فهد الى عايزك..هيكون مين يعنى؟!..
على:خلاص ياض اهدى ع نفسك..يخربيتك..انبوبة بوتوجاز وانفجرت..ادينى متنيل رايحله اهو..
وخرج من الغرفة تاركا طارق ف حالة من الذهول...ترى ماذا هناك؟!..كيف اصبحت علاقة فهد وعلى جوفاء هكذا؟!..
............................................................
ف سيارة تاليا..كانت تاليا تقود السيارة وانجى جالسة بجوارها ويبدو عليها التوتر الشديد..ولاحظت تاليا ذلك..
تاليا:ايه ي انوج مالك متوترة اوى كدا ليه؟!..
انجى بتوتر خفيف:انا؟!..لا ابدا ولا متوترة ولا حاجة..
تاليا بنظرة نصف عين:والله؟!..ماشى ي ستى براحتك..
وبعد عدة دقائق..وصلت السيارة امام المستشفى..وهذا زاد من توتر وخوف انجى..نزلت كلتاهما..وعندما دخلتا من باب المستشفى..توقفت تاليا..تنظر حولها ف نوع من الدهشة والذهول..وكان يبدو من ملامح وجهها ان هناك العديد من الاسئلة داخل رأسها..قطع شرودها صوت انجى قائلة: ايه ي تاليا..مالك؟!..
تاليا:ها...لا ولا حاجة..
وكانت انجى ع وشك التحدث حتى اقبل عليهم طارق وع وجهه ابتسامة عريضة..
طارق:ي اهلا ي اهلا ي تاليا..وانا اقول المستشفى مالها نورت كدا ليه؟!؟!..
تاليا بابتسامة خفيفة:منورة بالى فيها..
انجى تقول ف نفسها:لا وانتى الصادقة هى هتضلم بسبب الى فيها..
طارق:الله يخليكى...بس ايه الصدف الغريبة دى..نبقى احنا الستة هنا..
تاليا بعدم فهم:ستة مين دول؟!..
انجى وقد فهمت مقصد طارق فحاولت تغير الموضوع:بقولكم ايه مش مهم دلوقتى..احنا اتعرفنا وهنشوف بعض كل يوم..فمعلشى ي طارق احنا هنمشى بس عشان نلحق الشغل من اوله..يالا سلام..
واخذت تاليا من يدها..وتاليا مندهشة بسبب تصرف انجى..حتى وصلتا الى غرفة الطبيبات..
تاليا:هو ايه الى انتى عملتيه مع طارق دا؟!..
انجى:ماانتى عارفة ان هو لكاك..وماتزعليش هو مابيدايقش..زى ماهو مااتغيريش..
تاليا بابتسامة:والله مجنونة..بس برضو الطريقة غلط..
انجى بابتسامة:فاكرة لما كنت بعمل معاه كدا ف الكلية وكنتى تقولى عايزة تخلعى اخلعى بشياكة..
اختفت الابتسامة من وجه تاليا وقالت بصوتا حزين:فاكرة..
توجهت اليها انجى ووضعت يدها ع كتفها وقالت ف نفسها:وللاسف وجودك هنا هيفكرك بزيادة..ي رب عدى الايام دى ع خير والنبى ي رب..
قطع حديثهما صوت طرقا ع الباب..اذنت انجى للطارق بالدخول..فكانت دكتورة يبدو انها اصغر منهم بقليل ذات عيونا زرقاء وشعرا احمر اللون ويبدو ع وجهها الطيبة..
انجى:اهلا ي سارة..تعالى لما اعرفك..
وقامت انجى بتقديمهما الى بعضهما..وجلسن عدة دقائق حتى قالت انجى موجهه حديثها الى سارة:انتى كنتى جاية ليه صحيح؟!..
سارة بخفة دم:ابدا ي اختى..انا كنت واقفة ف الاستقبال..لاقيت على خارج من مكتب المدير وبيقولى قولى لانجى تاخد تاليا ويروحوا ع المدير عشان عايزهم..بس ايه ي اختى المدير دا؟!..اعوذ بالله..عامل زى التور الهايج..
تاليا:ليه بتقولى كدا؟!..
سارة:اصلا دا المدير الجديد..لسه شارى المستشفى من يومين كدا..ولسه مستلمها النهاردة..واول ما جه..وقف ف الاستقبال وقال ف قواعد لازم تتطبق واهم قاعدة ان كلامى مسموع والى اقوله يتنفذ بالحرف ولو ما حدش نفذه يبقى مالهوش  شغل هنا..
تاليا:جايز له وجة نظره ان دى الطريقة الى يقدر يمشى بيها مستشفى كبيرة زى دى..
سارة:بس انا الى مجننى حاجة واحدة؟!..
تاليا:وايه هى الحاجة دى؟!..
سارة:انا سمعت ان المدير دا جاى من امريكا..وف مستشفيات اهم مننا بكتير ومشهورة عننا كمان..اشمعنا المستشفى دى بالذات؟!..
انجى التى كانت تستمع الى حديثهما ف صمت قالت ف نفسها:اهوا دا الى محيرنى؟!..وبدعى انه مايطلع الى ف بالى..
تاليا وهى ترتدى معطفها وتضع السماعة حول رقبتها:الله اعلم..ماتشغليش بالك بالحاجات دى..اهم حاجة هيعرف يمشى المستشفى كويس ولا لا..
سارة:والله عندك الحق..المهم انا هقوم بقى ابص ع كام حالة كدا..وانتوا روحوا للتور الهايج دا..سلاموز..
وتركتهم وخرجت من الغرفة..ارتدت انجى معطفها وسماعتها كذلك وخرجتا من الغرفة واتجهتا الى مكتب الفهد..ترى كيف سيكون اللقاء؟!..وصلتا امام الباب.وكانا ع وشك الطرق..حتى فُتح الباب و خرج منه طارق..
طارق بابتسامة:لا دا انا حظى حلو بقى..
انجى ببرود:لا حظك ولا نيلة..احنا كلنا بنشتغل مع بعض يعنى طبيعى نشوف بعض اكتر من مرة..ماتأفورش..
ابتسمت تاليا ابتسامة خفيفة ع كلام انجى..
طارق:ع فكرة انا مش بتكلم معاكى اصلا..وع العموم انا مش هرد عشان خاطر تاليا..
تاليا بابتسامة:ميرسى ي طارق..
طارق بغزل:يالهوووى..هو انا اسمى بالحلاوة دى!!..
انجى:ماتنجز وامشى ي عم الممحون انت
طارق وهو ينظر الى تاليا:وهو حد يشوف القمر دا ومايبقاش ممحون؟!؟!..ع العموم انا همشى..بس انا موجود لو احتاجتونى ف اى وقت..
وتركهم وذهب..نفخت انجى وقالت بضيق:يخربيت تقل دم امك ع الصبح..
تاليا بابتسامة:ي بنتى ارحمى شوية..
وكانتا ع وشك الدخول..حتى اقبل عليهم على ورحب بتاليا..واخذ انجى لانه يود التحدث معها قليلا..فطرقت تاليا ع الباب ..ووجدت هناك احدا يفتح الباب من الداخل..ترى من هذا؟!؟!..
............................................................
ف كافيتيريا المستشفى..كان يجلس كلا من على وانجى..وكانت انجى يبدو عليها العصبية..
انجى بعصبية:ممكن افهم ماخلتنيش ادخل معاها ليه؟!..افرض حصلها حاجة لما تشوفه..
على:هو من نحية هيحصلها فهيحصلها..
تبدلت عصبية انجى الى توتر وخوف وقالت:قصدك ايه؟!..
على:زى ماانتى بتقولى ان تاليا اتغيرت..فهد اتغير اكتر منها..فهد اتغير لدرجة انى لما كلمته النهاردة الصبح..حسيت انى مااعرفهوش..مش هو دا فهد الى اتربينا مع بعض..دا واحد تانى خالص..
انجى:انا عرفت ان انت كنت عنده ف المكتب..هو قالك ايه؟!..
على:هقولك...
......................Flash Back....................
خرج على من غرفة الاطباء واتجه الى مكتب فهد..وقف عدة دقائق امام الباب لاستجماع قوته..وقام بطرق الباب..فسمع صوت فهد وهو يأذن له بالدخول..فدخل على..وجد فهد جالسا ع كرسى المكتب ف وقار..وكان ينظر الى عدة اوراق امامه ع المكتب..وعند دخول على..رفع فهد نظره عن الاوراق..وعندما رأى على..اترسمت ع وجهه ابتسامة..محيرة المعنى..بحيث انك لا تدرى اهى ابتسامة سعادة ام لا..
فهد بهيبة:ي اهلا ي اهلا بدكتور على..ماتتفضل.. واقف كدا ليه؟!..
فجلس على ع احد الكراسى المقابلة للمكتب..وقف فهد من ع مكتبه وكان يبدو ف غاية الوسامة..فهو يرتدى قميص اسود اللون ع بنطال ابيض وكان واضعا جاكيته الكحلى اللون ع كرسى مكتبه..واتجه الى على وجلس ع الاريكة المجاورة له..
فهد:شكلك متوتر ي دكتور؟!..خير..ايه الى موترك كدا؟!..
على:انا عايز اسالك سؤال واحد..
فهد:وانا عارف السؤال من قبل ما تسأله..عايز تعرف انا جيت ليه..مش كدا؟!..(فاومأ له على بالايجاب)..وانا هجاوبك..انا رجعت عشان اعرف كل واحد مقامه ايه..
على:قصدك ايه؟!..
فهد:قصدى انت عارفه كويس اوى ي على..
على:بس ي فهد.....
قاطعه فهد بوقوفه وقوله بهيبة:اسمى دكتور فهد..وماتنساش ان انا المدير وانت مجرد دكتور بتشتغل عندى..مفهوم ولا لا!
دُهش على من كلام فهد جدا..لقد تغير صديق الدرب جداااا..
وقف على امام فهد وقال:مفهوم ي...دكتور فهد ي مدير المستشفى..عن اذنك..
واتجه الى الباب لكى يخرج..حتى استوقفه فهد قائلا:وبصراحة ليك حق ان انت تخاف عليها..لانى مش هرحم اى حد..(فنظر له على نظره بها غضب)..اه..وياريت لما يوصلوا تبعتهوملى..
..........................Back In......................
انجى بصدمة:ي نهار اسود...اهو دا الى كنت خايفة منه..(وقفت انجى وقالت له)..انا هطلعلها..مش هسيبها معاه لوحدها..
وبالفعل صعدت انجى الى المكتب..وفتحت الباب بدون ان تطرق..فوجدت تاليا تقف ف منتصف الغرفة امام مكتب فهد..وهو كان جالسا ع المكتب..وهناك احدا اخر معهم..وعندما امعنت انجى النظر...ذهلت وقالت بذهول:أروى!!!
فهد:تعالى ي دكتورة انجى..(فاغلقت انجى الباب خلفها وتوجهت لتقف بجوار تاليا)..انا هتغاضا ع دخول المكتب من غير ما تخبطى...
انجى:معلشى ي دكتور اخر مرة..
فهد:انا اتمنى تبقى كدا عشان مانزعلش من بعض..المهم..كويس انك جيتى..انا كنت عايزك انتى ودكتورة تاليا..عشان اقولكم ع نظامى الجديد هنا ف المستشفى..اولا انا اوامرى تتنفذ وغير قابلة للنقاش..ثانيا اى حد عايز يمشى قبل انتهاء فترته لازم يكون عنده سبب مقنع..ثالثا ودى الاهم الحاجات دى لو مااتنفذتش انتوا اكيد سمعتوا انا هعمل ايه...اعتقد كلامى مفهوم...
انجى بغضب تحاول اخفائه:مفهوم اوى..
وقامت انجى بالنظر الى تاليا التى كانت تقف كالتمثال..غير مدركة لاى شئ ولكن دموعها تتحدث عنها..فاخذتها من يدها وخرجتا من المكتب..وبعد خروجهما..ارجع فهد ظهره الى الوراء واغمض عينيه ف راحة..حتى قالت له تلك الشقراء التى ترتدى بنطال جينز فاتح وبلوزة صفراء قصيرة تبرز شعرها الاشقر وعيونها الخضراء:حلو اوى الى عملته دا ي بيبى..
فهد بابتسامة تحدى:ولسه...دا انا لسه ببتدى..دا حسابهم معايا كبير وتصفيته محتاجة وقت..
أروى بنظرة سعادة:احبك وانت جامح ي فهدى..
فابتسم لها فهد ابتسامة غريبة..مزيج من الشر واللؤم ..ترى ماهو مخططك ايها الفهد الجامح؟!..
............................................................
ف فيلا منصور العزايزى...كان منصور ف مكتبه يتحدث مع احدهم ع الهاتف..وكان يتحدث بغضب شديد..
منصور:يعنى ايه مش لاقينه؟!..هيكون راح فين يعنى؟!..مايخصنيش..مش عايز اشوف خلقتكم غير وهو معاكم..فاهمين ولا لا..(واغلق الخط)..تاتكوا داهية..
دخل عليه عمار وهو مرتديا قميص قطنى احمر اللون وبنطال ازرق وجلس معه ف المكتب وقال:ايه ي بوس مالك متعصب اوى كدا ليه؟!..ومين دا الى عايزهم يجيبوه؟!..
منصور وقد جلس ع كرسى المكتب:الزفت مهاب المحامى بتاع جدك.
عمار:ودا عايزه ف ايه دا؟!..
منصور بنبرة لئيمة:عايز ابسطه بقرشين كدا عشان اعرف الى جدك مخبيه..
عمار:وتفتكر انه هيرضى...دا شغال مع جدو من زمان..
منصور:لا ماتقلقش..انا عارف هعمل ايه..ولو عصلج هبعته لعمك..
عمار بابتسامة:احب دماغك العالية دى ي بوس..دماغ متكلفة..
فابتسم له منصور واشعل سيجاره..
(اللهى اشوفك والع زى سجارتك دى ي بعيد😂👊)..
............................................................
ف غرفة الطبيبات ف المستشفى..كانت انجى تعد القهوة لتاليا والتى كانت تجلس امامها مثل التمثال..شاردة ف عالم اخر..لم تتحدث بنبت شفاة منذ ان كانت ف مكتب الفهد..انتهت انجى من اعداد القهوة وجلست بجوار تاليا..
انجى:تاليا..ردى عليا؟!..
تاليا:...
انجى:تاليا والنبى ردى عليا..قولى اى حاجة..حتى لو هتصرخى..بس قولى اى حاجة والنبى..
تاليا بصوت هامس ومصدوم:كرهنى..
انجى:لا ي قلبى ماتقوليش كدا..لا ي قلبى
تاليا بدموع وصوت باكى:خلاص كرهنى..كرهنى..انا استاهل..استاهل انه يكرهنى..
انجى:اهدى والنبى..ليه بتقولى كدا؟!..هو ايه الى حصل؟!..والعقربة زفتة الطين أروى دى بتهبب ايه هنا؟!..
تاليا ببكاء:هقولك......
......................Flash Back....................
طرقت تاليا ع الباب..ووجدت ان احدا يفتح الباب من الداخل..ترى من هذا؟!..وجدت امامها فتاة شقراء ذات عيونا خضراء وترتدى بنطال جينز فاتح وبلوزة صفراء وتنظر اليها نظرة مليئة بالشماتة واللؤم..نظرت اليها تاليا نظرة دهشة..ترى ماذا تفعل هنا؟!..
أروى:ايه ي تيلو مالك واقفة كدا ليه؟!..
دخلت تاليا الى المكتب.. وكان كرسى المكتب مقابل للحائط وظهر الكرسى اليها وشعرت بنغصة ف قلبها..ماهذا؟!..لماذا اشتم رائحته؟!..
ذهبت أروى ووقفت بجوار المكتب..ونظرت الى تاليا ف لؤم اكثر..وقد استدار الكرسى..وتقابلت الاعين والاوجه بعد اربع سنوات فراق..نظرت اليه تاليا ف دهشة..احقا ما اراه؟!..دمعت عيونها لااراديا..وكانت نظرته اليها ليست كما اعتادتها..ليست نظرة الحب والشوق التى اعتادتها..انها الان نظرة مزيج بين الشماتة و الغضب والكراهية..اتجهت أروى الى الكرسى ووقفت بجواره ووضعت يدها ع كتف فهد ف غزل..
أروى:ايه ي تيلو..انتى هتفضلى واقفة كدا؟!..ماتقعدى..
تاليا وهى تحاول التحدث:لا..شكرا..
فهد:سيبيها ي ريرى..خليها تتعود ع الوقوف باحترام قدام المدير بتاعها..(نظرت له تاليا بصدمة اكبر)..ايه ي دكتورة..هى بنت خالتك ما قالتلكيش ان انا المدير الجديد ولا ايه؟!...ع العموم مش مهم..(نهض من مقعده واتجه اليها ووقف امامها ونظر الى عيونها العسلية الغارقة ف بحور الدموع بنظرة شر وكراهية كبيرة)..دلوقتى بقى ي دكتورة..كل واحد فعلا هيعرف مقامه ايه..وعايزك تعرفى ان انا هنا المدير وانتى شغالة تحت ادارتى..(مد يده الى أروى الواقفة بجوار المكتب..فامسكت بيده ووقفت بجواره ويده حول خصرها وتضع يدها ع كتفه ف غزل)..ونسيت اعرفك ع خطيبتى ي دكتورة..(زادت صدمة تاليا اكثر فاكثر وزادت دموعها)..ايه ي دكتورة..ماسمعتكيش يعنى بتقولى مبروك؟!..
تاليا بنبرة صوت مخنوقة:مبروك..
فهد بابتسامة انتصار:الله يبارك فيكى..عقبالك ان شاء الله..(واتج وجلس ع مقعده مرة اخرى..وجلست أروى ع احد المقاعد)..دلوقتى بقى نتكلم ف المهم..
وقاطعه دخول انجى الى المكتب بدون استئذان..
.........................Back In.......................
انجى بصدمة:ي نهار اسود..خطيبته؟!..(نظرت انجى الى تاليا والى دموعها التى تنهمر كالانهار)..كله بسببى..ياريتنى كنت قلتلك وماخليتك تعرفى كدا ولا تشوفيه..انا اسفة ي تاليا..
تاليا بدموع:ماتتاسفيش ي انجى..انتى مالكيش ذنب..انا الى قدرى بيلاعبنى..ولازم ارضى واستحمل واقول الحمدلله ع كل شئ..
انجى:ونعمة بالله..طب هتعملى ايه دلوقتى؟!..هتمشى ولا هتفضلى؟!..
تاليا:طالما ربنا جبنى هنا وخلانى اشوفه بعد اربع سنين..يبقى لازم افضل..
انجى بابتسامة:ايوا كدا..ماتستسلميش وانا معاكى ولو ام اربعة واربعين دى عملت حاجة عليا النعمة لهفرج عليها المستشفى كلها..
تاليا وهى تمسح دموعها:ربنا يهديها..
انجى وهى ترفع يدها للسماء:ربنا يهدها ي رب ونرتاح منها..المهم..عايزاكى كدا تفوقى وماتبينيش انك زعلانة..عشان مايفرحوش فيكى..(اومأت لها تاليا بالايجاب)..شاطرة..تعالى بقى لما نخرج نشوف شغلنا..
وخرجتا من الغرفة..وكلا منهما كانت منهمكة ف عملها وشغلها مع الحالات..وجاءت فترة الاستراحة..فاخذت انجى تاليا وذهبتا الى الكافيتيريا..وذهبت انجى لتجلب لها ساندويتشا وكوب نسكافية وكوب قهوة لتاليا..وتركت تاليا بمفردها..وبعد عدة دقائق..دخل الفهد وهو ممسكا بيد أروى وجلسا ف الطاولة المقابلة لتاليا..كانت تاليا تحاول عدم النظر اليه..ولكن كانت عيونها تخونها ف بعض اللحظات لاشتياقهما اليه..وانقذها رجوع انجى اليها وعندما نظرت انجى الى طاولتهم قالت:دا المستشفى لمت صحيح..
تاليا بهدوء:ايه الى انتى بتقوليه دا؟!..بطلى بقى واقعدى..
انجى بغيظ:اقعد ايه؟!..دا انا هتفرس..
تاليا بسخرية:امال انا اعمل ايه؟!..المهم..سيبك انتى..امال فين على؟!..
انجى وهى تاكل:جاى كمان شوية اصل ف مريض عنده بيغيرله ع الجبس..
تاليا:ماشى..(ارتشفت رشفة من القهوة)..انا هقوم اجيب سكر..
ومثلما كانت عيونها تخونها وتنظر الى الفهد..كانت اعين الفهد كذلك ايضا..كانت تحاول تجنب النظر..ولكنهما لم يستطيعا..فكانتا يراقبانها..ذهبت تاليا لكى تجلب القليل من السكر..وعادت مرة اخرى الى انجى..
انجى:بس تعرفى دى شكلها حاقنة سيلكون جامد اوى..
تاليا:هى مين دى؟!..
انجى:العقربة الى ورانا دى..وياريتها حاقنة ف منطقة واحدة..لا بإسم الله ماشاء الله موزعة ع المناطق كلها..
تاليا:وانتى ايش عرفك بقى؟!..مش جايز دول طبيعى..
انجى بعصبية:طبيعى ايه انتى عايزة تجننينى؟!..ف شفايف بالحجم دا!!..وباقى الحاجات دى شايفة ان حجمها طبيعى؟!..والنبى شكلها كانت بتجرب ع نفسها..
تاليا بعدم فهم:بتجرب ع نفسها ازاى يعنى؟!..
انجى:اصلها دكتورة تجميل..فاكيد يعنى هتستفيد من مجالها..اللهى ي رب من كتر السيليكون الى فيها دا تفرقع وما تلاقى حد ينجدها..قولى امين..
تاليا بابتسامة خفيفة:ربنا يهديكى ي انجى..
انجى بعصبية:ي بت انسى الطيبة الى انتى فيها دى شوية..هتشلينى..
تاليا:لا هشلك ولا حاجة..انتى الى مركزة معاها اوى..
انجى:مركزة بس..دا انا هموت وامسكها من شعرها وافرج عليها المستشفى كلها واخلى الى مايشترى يتفرج..
تاليا:وع ايه كل دا؟!..لو ع حكاية خطوبتها دى..ربنا يتمملها ع خير..
انجى:بت..هسسس..ماتتكلميش خالص.. انتى بتعصبينى ببرودك.دا..ال يتمملها ع خير ال..اللهى اشوفها خارجة بالكفن الابيض مش بالفستان الابيض ي قادر ي كريم..
تاليا:ي بت حرام عليكى ماتدعيش ع حد..استغفرى ربنا..وبعدين كل حاجة قسمة ونصيب..
انجى:قسمة ونصيب؟!..اتحداكى واراهنك ان هى السبب ان فهد بقى كدا..
تاليا بحزن:لا وانتى الصادقة..السبب ان فهد بقى كدا..هو انا مش حد غيرى..
انجى بعدم فهم:انتى ازاى؟!..
تاليا:ماتاخديش ف بالك..
كانت انجى ع وشك التحدث ولكن قاطعها صوت نسائى قادم من ميكروفون الاستقبال قائلا:دكتورة تاليا العزايزى مطلوبة ف الاستقبال..
تاليا وقد وضعت قهوتها جانبا ووضعت سماعتها حول رقبتها:انا هروح اشوف ف ايه..سلام..
امسكتها انجى من يدها وقالت:طب استنى كلى حتة ساندويتش انتى مافطرتيش وشاربة قهوة ع غير ريق..
تاليا:ماتقلقيش عليا..
وتركتها وذهبت الى الاستقبال..وجدت فتاة  الاستقبال وتدعى نانسى تخبرها ان هناك حالة ولادة تنتظرها ف غرفة العمليات رقم ٣..فذهبت تاليا الى غرفة التعقيم ودخلت الى العمليات..وكانت انجى لاتزال ف الكافيتيريا..حتى اتى على اليها..وجلس معها..ولكنها كانت تبدو سرحانة ف شئ اخر..
على:خير ي قلبى..سرحانة ف ايه كدا؟!..
انجى:زعلانة اوى ع الى بيحصل لتاليا..
على:ليه؟!..ايه الى حصل؟!..انا كنت هطلع وراكى بس جاتلى حالة..
انجى بحزن:وهو الى حصل شوية؟!..دا كفاية الحرباية الى جاتلنا دى..
على وهو ينظر الى طاولة فهد:اه..قصدك ع أروى..هى اشتغلت هنا امتى اصلا؟!..
انجى:ياريته ي خويا كان ع الشغل وبس..ماكنتش هبقى كدا..
على بعدم فهم:امال ايه الحكاية؟!..
فحكت له انجى كل شئ..وكانت الصدمة تتزايد ع وجه على مع كل كلمة تقولها انجى..أهذا هو فهد صديقى؟!..
على:طب تاليا عاملة ايه دلوقتى؟!..
انجى بحزن:عايزة تبين قدامى انها كويسة..بس انا عارفة ان جواها ناااار ماهياش عارفة تطفيها ونفسها تنفجر من العياط بس عايزة تبين انها قوية..(ادارت رأسها الى طاولة فهد)..منكم لله..
على:سيبيها لله وهو هيدبرها من عنده..
انجى:ونعمة بالله..انا هقوم عشان ورايا شغل..سلام..
وذهبت انجى..وعلى اخذ ينظر الى فهد ويتحسر ع تلك الايام التى قضوها معا..
............................................................
ف فيلا منصور العزايزى..ف غرفة نوم عمار..كان عمار جالسا ع السرير وبيده الهاتف يتصفح قليلا ع وسائل التواصل الاجتماعى..حتى رن هاتفه معلنا عن قدوم مكالمة له..فاجاب قائلا:اهلا ي قلبى..عاملة ايه؟!..
مايا:يعنى بتسال اوى..ايه ماوحشتكش؟!
عمار:لا ي روحى وحشانى موووت..وحضنك واحشنى..
مايا:طب لما انا واحشاك..ماتيجى النايت النهاردة..وانا اعملك ليلة زى المرة الى فاتت...ولا نسيتها؟!..
عمار:ودى ليلة تتنسى..يخرب عقلك دا انتى كنتى وحش..
مايا:طب ماتيجى للوحش النهاردة وانا هخليهالك ليلة اجمد من الى فاتت..
عمار:دى دعوة صريحة للغلط..وانا قبلتها بصراحة..خلاص هاجى النايت النهاردة..بس عايز طقم حلو كدا..يفتح النفس للشغل..
مايا:من عنيا ي قلبى..
عمار:تسلميلى ي عمرى..
(اللهى اشوفكوا والعين ي محن الكلاب منك ليها😂👊)..
............................................................
ف فيلا محمد العزايزى..كان محمد يجلس ع طاولة الطعام وجاء ف باله تاليا..فاخذ هاتفه وطلبها ولكنها لم تجب..فقلق عليها قليلا..وتذكر ان تاليا قد اعطت له رقم المستشفى التى تعمل بها..فطلب رقم المستشفى..فاجابت عليه نانسى..
نانسى:اهلا ي فندم..اساعد حضرتك ازاى؟!..
محمد:انا بس عايز دكتورة تاليا العزايزى..
نانسى:دكتورة تاليا ف اوضة العمليات دلوقتى وشوية وهتطلع..اقولها مين ي فندم؟!..
محمد:قوليلها بس تتصل بجدها..
نانسى:حاضر ي فندم...اى خدمة تانية؟!..
محمد:لا ي بنتى تسلمى..سلام عليكم..
نانسى:وعليكم السلام ي فندم..
واغلق الخط..وقال بابتسامة سعادة ورضا:اللهى ربنا يفتحها ف وشك ي بنتى وينجحك ويبعد عنك ولاد الحرام ويهديكى وينولك الى ف بالك..
(والله ي حاج..الى ف بالها معاها بس عايز يتولع فيه😂)..
............................................................
مر اليوم بسلام بدون احداث تُذكر..وعند انتهاء فترة كلا من انجى وتاليا..ذهبتا الى غرفة الطبيبات لكى يضعن الرداء والسماعة..وخرجت انجى وتاليا الى موقف السيارات وصعدتا الى سيارة تاليا وبدات تاليا القيادة..شعرت انجى ان تاليا متوترة..
انجى:الابقولك ي تيلو..انا هفتح الميوزك شوية اهو نتسلى ف الطريق..
تاليا:ايه الاحترام المفاجئ دا؟!..وانتى من امتى بتستأذنى؟!..ماتفتحى براحتك..
انجى:اهو..بشوف نفسى وانا مؤدبة..
ضحكتا معا..وشغلت انجى الراديو واخذت تتنقل بين المحطات..حتى وجدت محطة تذيع اغنية(دا حبيبى💔)..
وكانت ع وشك التنقل حتى استوقفتها تاليا قائلة:لا استنى انا ف كوبلية بحبه وعايزة اسمعه..
وبعد عدة ثوانى..جاء الكوبلية التى تحبه تاليا وهو..
"دا بعيد..بعيد عن عينى لكن..
شايفاه ف كل الاماكن..
دا انا نايمة وصاحية بيه..
وقريب..قريب ي دمع عينى..
ي زمن مافيهوش حبايب..
اخدت حبيبى ليه؟!..اخدت حبيبى ليه؟!".
تاليا ف نفسها:اخدته ليه؟!..
انجى وقد شعرت بحزن ووجع تاليا:انا بقول نقفل الميوزك احسن..
تاليا بحزن:احسن برضو..
ووصلتا الى منزل انجى..وانجى كانت ع وشك النزول ولكن قالت:ماتنزلى تتعشى معايا انا وماما؟!..
تاليا:لا اطلعى انتى..انا لسه هروح السوبر ماركت اجيب شوية حاجات للبيت..
انجى:طب ماتسيبيها لبكرة وانزل معاكى.
تاليا:لا مش هينفع لان مافيش اى حاجة ف التلاجة..يالا اطلعى انتى..
انجى:ماشى..بس لما توصلى الشقة كلمينى طمنينى..
تاليا:خلاص..ماشى..وابقى سلميلى ع خالتو اسماء..
انجى وهى تفتح باب السيارة:يوصل ي قلبى..سلام..
ونزلت انجى وقادت تاليا الى السوبرماركت ونزلت لكى تقوم بشراء اغراض البيت.. وبعد الانتهاء..وضعت الاكياس ف السيارة وعادت للمنزل..
............................................................
ف النايت..كان اصدقاء عمار يجلسون ع البار..وكانوا يتحدثون..
الشاب1:الا ماحدش شايف البت مايا ليه؟!..هى فين؟!..
الشاب2:لا ي خويا جت..بس مستنية البيه ف الاوضة فوق..
الشاب1:هما لحقم يتعلقوا ببعض..دا هى كانت ليلة واحدة الى قضوها مع بعض..
الشاب2:وانت يعنى مش عارف مايا؟!..دى فرسة شرسة..وطبيعى تكون عجبت سى عمار..
الشاب1:والنبى عندك حق..(لمح عمار وهو يدخل من باب النايت)..طب قفل ع الموضوع بقى اصل البيه شرف..
اقبل عليهم عمار وهو مرتديا بنطال ابيض اللون وقميص نبيتى اللون..
عمار:اهلا اهلا بالشباب..امال فين البنانيت؟!..
الشاب1:مالناش مزاج ليهم النهاردة..بس لو قصدك ع الحتة بتاعتك..فوق ف الاوضة..مستنياك ي نمس..
عمار:ماشى ي خويا..وماتقلقوش حسابكم مدفوع..سلام..
وصعد عمار الى الغرفة..وفتح باب الغرفة..وجد مايا جالسة ع السرير وترتدى قميص نوم احمر قصير وشفاف..وعندما رأته..اتجهت اليه وحاوطت عمار من رقبته واخذت تلعب ف ياقة قميصه..
مايا بغزل:اتاخرت ليه ي بيبى؟!..دا انا مستنياك من زمان..
عمار:انا لو اعرف انك هتستنينى وهتبقى كدا..دا انا كنت جيت من زمااان اوووى..بس انتى مالك محلوية النهاردة كدا ليه؟!..
مايا:يعنى لازم اكون جاهزة لحبيبى..ولا انت ايه رايك؟!..
حملها عمار واتجه الى السرير:هقولك رايى دلوقتى..
(اللهى ربنا ياخدكم وانتوا كدا عشان تبقى موتة....👊)..
............................................................
ف فيلا الجيار..كانت ندى جالسة امام التلفاز..حتى سمعت صوت توقف سيارة بقرب الباب..وبعد عدة دقائق..دخل فهد من الباب..وجلس بجوارها وقبل يدها..
ندى:حمدلله ع سلامتك ي حبيبى..
فهد:الله يسلمك ي ماما..ايه قاعدة لوحدك ليه؟!..امال فين بابا والواد حازم؟!..
ندى:لسه ف الشركة..بيقولوا وراهم شغل كتير فهيتاخروا شوية..بقولك ي فهد؟!..
فهد بابتسامة:خير ي قلب فهد؟!..
ندى:انا عايزة اسألك ليه اخدت قرار الخطوبة دا؟!..
فهد وقد بدأت ملامحه ف التغير:تانى ي ماما..
ندى:ي ابنى انا عايزة اطمن عليك..وعارفة ان انت مش بتحبها..فليه هتخطبها؟!..
فهد:وانا يعنى اخدت ايه من الحب غير وجع القلب!؟..
ندى:يعنى انت هتخطبها عشان كدا؟!..ي حبيبى انت كدا بتظلم نفسك انك هتتجوزها وانت مش بتحبها وهتظلمها معاك انها هتعيش مع واحد مش بيحبها..ي ابنى فكر كويس وماتخليش غضبك يتحكم فيك..
فهد:اولا انا خلاص اخدت قرارى ومش هرجع فيه بعد ماخلاص اتفقت معاها ع كل حاجة..وثانيا انا هعمل كدا عشان اعرف كل واحد مقامه وان الحياة مش بتوقف عند حد معين..
ندى:ي حبيبى انا امك وعايزة مصلحتك وانا مش شايفة مصلحتك مع أروى...
قاطعها فهد قائلا بعصبية:امال شايفة مصلحتى مع مين؟!..شايفة مصلحتى مع الى داست ع قلبى بالجزمة القديمة؟!..الى باعت حبى بالرخيص؟!..
ندى:اوعى تكون بتعمل كدا عشان تنتقم منها ي فهد؟!..هى اكيد ليها اسبابها..
فهد:سببها انى طلعت اهبل لما فكرت انى ممكن الاقى حب بجد ف زمن كله مصالح ونفاق وكدب..بس لا..مش هسمح ان دا يحصل مرة تانية..ابداا..
وتركها وصعد الى غرفته وهو ف منتهى الغضب..نظرت اليه ندى ف حسرة وحزن عليه وع ما اصبح اليه وقالت بترجى:ربنا يهديك ي ابنى ويشيل الغشاوة من ع عنيك ويهدى بالك..
............................................................
ف الاعلى ف غرفة الفهد..كان فهد يجلس ع السرير وعيونه توضح ما به من غضب..وجاء ف داخله الصراع المعتاد بين العقل والقلب..
عقله:هى بتتكلم صح..ماكانش لازم تعمل كدا..
قلبه:دا المفروض نعمل اكتر من كدا..دا جرح القلب الحاجة الوحيدة الى عمر مافى حاجة هتداويه..
عقله:كل حاجة وليها سبب..واكيد ف سبب قوى لكدا..مافيش اى حاجة ممكن تخلى حد يجرح حد بيحبه الا لو حاجة كبيرة وكبيرة اوى كمان..
قلبه:وانت ايه ضمنك انه كان حب؟!..جايز كانت بتخدعنى وبتستغل حبى ليها..بس خلاص ماعادش فيه حب مافيش غير الكره والقسوة..
عقله:عمرك ماهتقدر تشيل حبها من قلبك حتى ولو بعد مليون سنة..ولو فعلا كدا..ليه ي قلب كنت حاسس بوجع لما شوفت دموعها قدامك؟!..
فهد بصوت غاضب وعصبى:لااااا..مش بحبها..مافيش حاجة اسمها حب..انا بكرههاااااااااا..
............................................................
عادت تاليا الى منزلها بعدما ذهبت الى السوبر ماركت..وبعدما رتبت الشقة ووضعت كل شئ ف مكان الصحيح ووضعت المشتروات ف الثلاجة..وقامت باخذ حمام وادت فريضتها وجلست ع السرير..تتذكر اليوم بتفاصيله..واخذت تبكى وتقول:انا السبب..انا الى عملت فيك كدا ي فهد..بس والله غصب عنى..والله ماكان قصدى اجرحك ي قلبى..
واخذت تبكى حتى تعبت عيونها من كثرة البكاء وغلبها النوم ونامت مثل القتيلة التى لاتدرى باى شئ من حولها..

ي ترى ايه الى هيحصل؟!..
ي ترى ناوى ع ايه ي سى فهد؟!..
ي ترى ايه الى بتخططله ي منصور؟!..

كدا خلصت حلقة النهاردة..ونشوف بعض ف حلقة تانية..استنونى😉😎