Sacred Lies: Stuck In Daydreams|SMH|

-1️⃣3️⃣-

Би мэдээгүй...

Гоймон чанаж идэхийг асуух нь тийм утгатай гэж төсөөлөө ч үгүй. Тэр мэддэг болов уу? Хэдхэн цагийн өмнө хэлсэн үгэндээ гэмшин өрөөнийхөө мухарт сууна. Хөршүүд хайрын ажлаа хийж, дээд айл хүүхэд нь өвдсөн бололтой зогсоо зайгүй уйлна. Энэ чимээнд хүртэл сатаарах ч үгүй түүнийг бодно гэдэг солиормоор шүү. Сүүлийн үед өөрийгөө эрүүл бус гэж оношлоод байгаа. Учир нь үг, үйл хөдлөл бүр минь бодол санаанаасаа зөрөх болсон. Тархи үгүй гэх ч зүрх аль хэдийн зөвшөөрлөө өгчихсөн ч байх шиг.

❄️❄️❄️

Семестрийн явцын дүн гарах дөхөж бид хичээлдээ л бүх анхаарлаа хандуулж байв. Гэвч нэг хүн бэлтгэл мөн надад анхаараад хичээл гэх зүйлийг мартсан бололтой. Манайд зочлоод явснаас хойш бид хоёрын харилцаа илүү дотно болсон мэт санагдах юм. Мину өдөр юу тохиолдсоноо, сонин сайхан бүхнээ ярьж, заримдаа бүр надад эрхэлж гомдоллоно. Хааяа үнсэж, тэвэрсэн эсвэл зүрхэн нүдтэй стикерүүд явуулдаг болсон. Эхэндээ эвгүй байсан ч одоо бүр дасчхаж. Түүнээс зурвас, чат, дуудлага ирэхийг хүлээнэ. Заримдаа гэрийн гадаа ирчхээд "гараад ир" гэх үвнь бүр ч ихээр догдлуулна.

Ийм залуухан атлаа амьдрал үзэж туулсан хөгшин шиг хаширлаж суух нь утгагүй гэж бодох боллоо. Алдвал тэр л биз, оновол тэр л биз гэж. Хожим нь шаналж үлдэх байсан ч тэр үедээ жаргалтай байсан бол харамсах эрхгүй шүү дээ. Харин оролдож үзээгүй өнгөрөөчихвөл, алдсан цаг хугацаа дахь жаргалтай дурсамждаа харуусаж суух биз. Мира, Мину хоёрын харилцаа ямар байгаа нь хамаагүй ээ.Намайг хайрлаж, халамжлах ч шаардлагагүй. Зүгээр л одоогийнх шиг ээ ярилцаж, ойлгож, инээлгээд дэргэд байхад болно.

Сун Минугаас би өөр юу ч хүсэхгүй.

🎀

Сынюн бид хоёр номын сангаас гарч байтал Мира найзуудтайгаа явж байх нь тэр. Сониноос тэр миний хуучин танил учир дагалцдаг байсан instagram-раа намайг дагахаа больж гэж бодсон ч бүр блок хийсэн байна лээ. Магадгүй дээр ангиараа хоол идчихээд буцахдаа хэлсэн Сынюны үгс шалтгаан нь байж болох юм.