Ngayon ang birthday ni Gov. Victor Dela Merced ang ka- Campaign partner ni Papa. Matagal na silang magkaibigan simula pa noong nagLaw School sila parehas. Tumatakbo si papa bilang Mayor ng Maynila ngayong palapit na eleksyon. Kaya naman pinapaiwas kami ni Papa sa kung anong gulo na maaaring makaapekto sa pagtatakbo niya.
Nagsuot ako ng isang kulay asul na mermaid gown. Dahil sabi ni Mama na wag daw ako magsuot ng masyadong revealing at sa palagay ko ayos lang naman ito. Instead na gawin kong pusod ang aking buhok ay tinali ko na lang ng pa-low ponytail.
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Nang makarating na kami sa Mansyon Dela Merced ay agad akong naamaze sa kanilang bahay. Sobrang laki at sobrang garbo ng mga gamit nila. May iilang mga maids na inalalayan pa ako sa aking damit. Pansin ko na maraming mga exclusive guests na nandito ngayon, may iilang mga artista rin na may kapamilyang may pwesto rin gobyerno.
Hindi nga nagkakamali si Mama dahil lahat nga ay nakaformal attire, lahat ng babae dito ay halos nakasuot ng moderno at eleganteng filipiñana.
Kasama namin sina Chase at Angel na nakasuot rin ng barong tagalog at Filipiñana, gayundin naman sina Kuya Third at Kira. Agad na binati sina Mama at Papa ng iilan sa mga kakilala nilang senator.
Nakasunod lang naman kami kina mama dahil malaki ang mansyong ito at sa palagay ko ay maliligaw ako nito.
Maya maya ay lumabas na ang Pamilyang Dela Merced mula sa itaas. May grand staircase sila sa gitna na kitang kita ng lahat. Unang lumabas ang Bunso nila, si Cara Dela Merced. Hindi na ito nasundan pa kahit na gustong gusto ni Gov. Victor ang magkaroon ng anak na lalaki. Susunod naman ay si Celestia Dela Merced, ang kanilang panganay na anak. Maraming sabi sabi na ayaw pa niyang maging isang abogado dahil mas gusto niyang maging social worker para sa kanyang inaadvocate. I really admire Celestia dahil mayroon siyang prinsipyo na pinanghahawakan. Bukod pa doon ay nagtataglay rin siya ng kagandahan na paniguradong maraming lalaking mahuhumaling sa kanya.
Lastly, ang mag asawang Dela Merced. Hindi halata sa itsura ni Vice Mayor Celeste na matanda niya siya. Para ngang hindi na siya nag-aage. Habang si Gov. Victor naman ay nanatili pa rin ang kanyang matipunong katawan. Parang hindi na talaga sila tumatanda.
Matapos i-welcome ang mga guests ay nakipaghalubilo ang pamilyang Dela Merced sa iba't ibang tao.
"Panteleon, mabuti naman at nakadalo ka ngayon." Bati ni Gov. Victor at tinapik ang balikat ni Papa.
"Hindi ko ito makakalimutan, Victor. Siya nga pala, ito ang mga anak ko." Pinakilala kami isa isa ni Papa at nakipagkamayan sa Governor. Ipinakilala rin ni Papa sina Chase at Angel sa kanya.
