Chasing You

Chapter 9

Meadow's POV:

"Saan mo ba kasi ako dadalhin Sebastian?" Tanong ko dahil kanina pa ako nagtatanong kung saan kami pupunta pero hindi nya naman ako sinasagot.

Tanging secret at tango lang ang palagi nyang sinasagot. Napanguso ako ng ngumiti na naman sya. Wala talaga syang balak na sagutin ako.

"I never thought that was my full name would be such a beautiful name when it cames out from your lovely lips."

Namula ako sa pinagsasabi nito at doon ko lang na realize na ako lang pala ang tumatawag sa kanya ng Sebastian. Lahat kasi ng kaibigan nito o sa mga taong nakakilala dito ay Seb ang tawag nila dito. Tumawa ito dahilan para mapalingon ako sa kanya at sinamaan sya ng tingin.

"Malapit na tayo. I didn't know that you were that hot."

"What?" Hinampas ko sya sa braso pero napaaray din dahil ang tigas pala ng braso nya. Napalabi ako. Ano pa kaya ang sa bandang tyan nya. Ilan kayang abs ang meron sya? Napailing-iling nalang ako sa mga naiisip ko. "Ang manyak mo."

Napanguso at tumingin ako sa bintana. Mukhang ako yata ang manyak sa aming dalawa eh, ako itong nag-iisip ng kung anu-ano tungkol sa abs nya tapos ako pa tong nagsabi sa kanya ng manyak. Tumawa na naman si Sebastian.

"Manyak agad? Ang ibig ko lang namang sabihin, hindi ko alam na mainipin ka pala." Mas namula ako ng mas tumawa pa ito. "Ikaw ha. May iba kang iniisip."

"Just shut up Sebastian." Galit kunwari kong sabi.

Nahihiya na nga ako sa mga naiisip ko tungkol dito, ipagpipilitan pa nya. Paano nalang kung malaman nito ang iniisip ko. Aish! Bakit ba kasi pumasok sa isip ko ang abs nya. Tss.

"Biro lang. Wag ka ng magalit." Paglalambing nito.

"Ewan ko sayo." Napanguso nalang sya. Napalingon ako kay Sebastian ng ihinto nito ang sasakyan.

"Nandito na tayo." Nakangiti nitong sabi saka bumaba. Di naglaon ay binuksan nito ang pinto at saka sya inalalayan pababa ng sasakyan. "Salamat."

Ngumiti lang ito. Napatingin sya sa isang color pink store na may pangalang SMILE Store. Sa ilalim ng pangalan nito ay may signature na, Things that can make you SMILE. Napakunot ako sa pangalan ng store. Ang haba na nga ng pangalan, ang weird pa.

"Anong store yan? Bakit mo 'ko dinala dito?" Takang tanong ko sa kanya pero hindi nya ako sinagot saka ako hinila papasok don.

Tumunog ang bell ng buksan ni Sebastian ang pinto ng store at namangha pagkapasok namin saka napangiti. Ngayon, alam ko na kung bakit ganon ang pangalan ng store at sigurado talaga ako na mapapangiti ka.

Sa loob ng store ay maraming mga bagay na makapagpangiti sa isang babae. Maraming teddy bear o stuff toy na iba't-ibang size at color. May key chain, may mga ballpen na iba't-iba ang design. Basta marami ka talagang makikitang cute na mga gamit.

"Kaya pala ganon ang pangalan ng store na to..." Napatingin ako kay Sebastian. "Kasi nakakapagpangiti talaga ng tao." Mas ngumiti ako sa kanya.

"Paano mo nalaman ang lugar na to?" Lumapit ako sa hindi kaliitang stuff toy na panda. Ang cute nya. "Wala sa mukha ng isang playboy ang magdala ng mga babae sa lugar na to."