Chasing You

Chapter 11

Meadow's POV:

"Ano na?" Binangga ni Cresent ang balikat ko gamit ang balikat nya. "May balak ka na bang sagutin si Seb? Ha? Ha?" Itinaas-baba pa nito ang kilay nya.

"Hindi ko pa nga alam. Ano ka ba." Naiinis ko ng sabi sa kanya. Kanina pa nya kasi ako tinatanong ng ganyan. Paulit-ulit nalang. "Tigilin mo na nga ako, okay?"

"Ito naman. Para nagtatanong lang." Ngumuso ito dahilan para mapailing ako. "Gusto ko lang naman malaman kung sasagutin mo na ba sya."

"Hindi ko pa nga alam, okay?" Hinawakan ko ang magkabila nyang balikat. "Basta, ikaw ang una makakaalam kung sasagutin ko na sya. Sa ngayon," Napatalikod ako sa kanya para hindi nya makita ang pamumula ng mukha ko. "Gusto ko na sya."

Agad akong napatakip ng tenga ng bigla itong sumigaw at nagtitili. Tama nga ako sa hinala ko, sisigaw talaga ito kapag nalaman na nito na gusto ko na si Sebastian. Ang lakas makasigaw ngayon na alam nya na may gusto na ako kay Sebastian, ano pa kaya kapag sinabi ko na sa kanyang kami na. Baka maghalumpisay ito sa saya.

"Oh my gosh! Talaga?" Hindi makapaniwalang tanong nito. Tumango ako. "Oh my gosh. I'm happy for you Mof."

"Thank you Mof."

Nagyakapan kami sa sobrang saya namin. Gusto ko si Sebastian at nararamdaman ko na kunti nalang ay mahal ko na sya. Nitong mga nakaraan ay hindi ko na naiisip si Zachary dahil palaging si Sebastian na ang naiisip ko. Mukhang effective ang ginawa nyang pagbigay ng stuff toy sa akin.

Napangiti ako ng makita kong tumatawag si Sebastian.

"Hey." Bati nito mula sa kabilang linya.

"Hey. Napatawag ka?"

"Nag-aya sila na mag-bar mamaya. Sama ka?"

"Basta kasama ka." Hindi ko mapigilan na mapangiti at kahit hindi ko nakikita ay alam ko na nakangiti ngayon si Sebastian.

Kausap ko pa nga lang si Sebastian ay kinikilig na ako. Ano pa kaya kung magkaharap kami ngayon? Baka sumabog ang puso ko. Haha

"Oo naman." Natahimik ito sa kabilang linya kaya naman napatingin ako sa cellphone, baka kasi patay na. Pero naka-on call pa naman sya, kaya binalik ko sa tenga ko ang cellphone. Hindi naglaon ay nagsalita na din sya. "I miss you."

Napalabi ako para pigilan ang pagngiti ko dahil sa sinabi nya. Baka kasi mapunit ang mukha ko kapag hindi ko napigilan. Baka kasi umabot na ang ngiti ko sa mga mata ko. Haha.

Napahawak ako sa dibdib ko at ramdam na ramdam ko ang kabog nito. Tumitibok ng mabilis para kay Sebastian at nararamdaman ko din ang mga paru-paro sa tyan ko.

"I miss you too." Napangiti ako ng marinig ko ang mahina nyang tawa.

Alam ko na masaya sya dahil ito ang unang beses na sinabihan ko syang na miss ko din sya.

"Kita nalang tayo mamaya. I love you." Agad nyang pinatay ang tawag.

Nilagay ko sa dibdib ang cellphone ko saka niyakap. Konti nalang Sebastian, masasabi ko na din sayo na mahal na kita.

NAG-AABANG AKO dito sa parking lot dahil ang usapan namin ni Sebastian ay dito kami magkikita. May pinuntahan pa kasi sya kaya wala sya sa campus. May huminto na sasakyan sa harapan ko, kahit hindi pa nakakababa ay napangiti na ako.

"Sorry. Kanina ka pa?"

"Hindi naman."

Ngumiti sya saka ako inalalayan na pumasok ng sasakyan. Nang mapasok din sya ay may kinuha sya sa backseat saka binigay sa akin. Napangiti ako ng isang pumpong ng pulang rosas ang binigay nya sa akin.