Chasing You

Chapter 6

Sebastian's POV:

Hinihingal akong tumakbo ng mabilis para lang hindi ako mahabol ng nakakairitang babaeng 'yon. Nakakainis sya. Ayoko talaga sa kanya, bukod kasi sa nakakairita sya ay ang kulit nya pa.

Ilang linggo na nya akong hinahabol at kinukulit. Walang araw na hindi nya ako ginagambala. Ang mas nakakainis ay kahit anong sabihin ko sa kanyang tigilan na nya ako ay ayaw nya paring tumigil. Para syang walang kahihiyan sa katawan at kapaguran.

Para na tuloy akong baliw sa mga pinaggagawa ko. Minsan kapag nakita ko sya, nasa malayo palang ay nagtatago na ako, minsan naman ay nagja-jacket, cup at naka-mask ako gaya ngayon hopefully na hindi nya ako makikilala.

Naka-sunglasses ako kanina pero nalaglag ng mabangga ako ng isang babae kanina sa campus. Hindi ko na napulot ulit ang sunglasses o makita ang buong mukha ng babaeng nakabangga ko kanina dahil sa pagmamadali ko. 

Nanlaki ang mga mata ko ng may nakahawak sa braso ko saka gulat na nakita ang babaeng kanina ko pa pinagtataguan pero hanep talaga at nakita pa ako. Amputek! Hindi na naman ako titigilan nito.

"Nahuli din kita Sebastian." Nakangisi nitong sabi at may mababasang tuwa sa mukha dahil sa nahuli nya ako.

"Anak ka ng talaga tinapa! Balot na balot na ko't lahat, nakilala mo pa ako."

"Oo naman. Kahit mag-mask ka pa, mag-jacket, o ano man makikilala at makikilala kita. As long as I can see that eyes of yours that look like the color of the deep ocean, I know that it was you."

"Whatever. Tigilan mo na nga ako baka makalimotan kong babae ka at masapak kita." Tinalikoran ko na sya saka naglakad papalayo.

Pero dahil isa syang dakilang makulit ay sinundan nya parin ako at talagang kumapit pa sya sa braso ko. Inis kong tinulak ang noo nya papalayo sa akin dahilan para mabitawan nya ako.

"Ano ba!"

"Ha!" Natatawa ako kunwari. "Ako dapat ang nagsasabi nyan. Ano ba!" Singhal ko sa kanya. "Ilang beses ko bang sasabihin sayo na tigilan mo ako. Ti.gi.lan mo ako! Hindi ka ba nakakaintindi?"

"Nakakaintindi naman." Mas nainis ako ng nginitian nya lang ako. "Pero ayoko kong sundin, anong magagawa mo? Hindi mo naman pag-aari ang katawan ko para mapasunod mo. Or else..." Ngumiti ito ng makahulogan.