ملحمة الحب والحرب والمقاومة (قربان على مائدة الحرب )

انا الصحفية ميساء

اصبحنا واصبح الملك لله .. فتحت عينيهااا على صوت الراجل الى يبيع .. "ايا صوالح لببيع .. " كان صوتو خشين ومحشرج ..خلاهاا تنوض غصبا عنهاا .. ناضت وتكسلت .. شافت على يمينهااا ونسفت .. اكيد فاق من بكري وروح للخدمة .. لبست البونتوفل نتعهااا ودخلت للدوش .. غسلت وجهااا وحكمت المنشفةة .. ممزال اثر السهر على عينيهااا ..المنفخين .. لبارح باتت تكتب في مقال ... وقفت شعال منبعد جبدت تاست .. خذات نفس طويل ..

بعد 10 د كانت قاعدة على طرف البانيو .. وشاداتو بين يديهاا .. ابتسامة خفيفة ترسمت على شفافها والخيبةة حكمتها اول ماخرجت النتيجة "سلبي " .. ناضت ورماتو فالبوبال . وخرجت ..

فتحت الدريسينغ .. وجدبت وش رح تلبس .. كملت ووقفت قددام المراياا .. مسحت على وجها الى كان مغسول بالماءء والصابون .. تنهدت ورفد صاكهااا وشيكت على التلفون اذا كان الباتري معمرة .. توكلت على الله وحلت الباب ..

خرجت للصالةة .اول حاجة طاحت عينيها عليهااا. هي عجوزتها نجية قاعدة تتفرج على حصة .. وابتسام وواقفة قدام المرايااا تسقم في شعرهااا .. ضحكت في سرها البنت هاذي من بكري مطروشة اما تبقى اختها الصغيرةة .. وحنونتهاا

ميساء تتبسم .. صباح الخير ..

ابتسام بلا ماتشوف فيها (قاعدة تجرب في اللبسة الجديدة ) .. صباح النور

نجية شافت فيها ..صباح النور بنتي ..

ميساء قربت وقعت بحذاهااا. فوق الفوتاي .. ياخي تتفرجي على حصص الطياب من ضرك

نجية نسفت .. رمضان العام هذا جانا فالسخانة والحر .. نحوس كاش اكلة تتناسب مع الجو ..

ميساء قعدت تعدل في خيمارهااا .. رح نخرج بكري اليوم ونجي نعاونك يمااا ..

نجية نقصت للتلفزيون وشافت فيهاا .. ياخي مكان حتى جديد

ميساء طلعت حاجبهاا ..متسغربة من السؤال الى باغتها على غفلة .. مافهمتكش ..

نجية قربتلها كثر ووطات في صوتها .. ياخي مزال يعني .. ياخي مزال ماتحبلي

ميساء هبطت راسها .. السؤال هذا تقريبا تسمعو كل صباح .وفدت منو . لايمااا ربي مزال مايكتب

نجية نسفت وبعدت عليها .. هيه .. اذا كان هكااا قتلك نديك عند الشيخ .. يديرلك

ميساء ناضت وقاطعتها .. ياخي شعال من مرة نقول مانحبش هذا التخريف يمااا وش من شيخ كلشي بيدين ربي ..

ابتسام قربت تتبسم .. ديني انا عند الشيخ .. نحب نزوج

نجية ضربتها للكتف .. علاش مقلقة كملي الجامعة قبل .. ولاد هذا الوقت مقلقين على كلشي

ميساء ققرصتها .. من كتفها .. هيا خالتي نخليك انااا .. نتلاقو العشية ..

نجية دارتلها بيدها تاع تربحي ..