ملحمة الحب والحرب والمقاومة (قربان على مائدة الحرب )

بداية التمرد

تتمة للاحداث السابقة

اصبحنا واصبح الملك لله .. الغراب من بكري ناضل حتى يفجر ولسبب ماء قعد يسبح .. المجندين الى ماتو هذاك النهار قدر يعوضهم .. اما مزال بزاف لايقدر يوصل للي يحب عليه .. لحظات حتى لحقو اتصال .. تبسم وهو يرد .. اهلا بقادير صاحبي العزيز

قادير ضحك .. حبيت نفرحك من الصباح راني ترشحت خلاص

الغراب طلع حاجبو .. اريد حصتي

قادير تنهد .. فالاول نحب الشحنة تفوت .. ممبعد الحصة تاعك توصلك تعرفني بلي نتااا صاحبي ورح نقلشك

الغراب نسف .. حسنا .. العميلة ستتم في مكانين .. في الجامعة وفي الملعب الكبير ستنشغل السلطات عنك ريثما تقوم بااعمالك

قادير ضحك .. لحظات الخدامة دخلت وفي ديها السنيوة تاع الفطور .. وفيها الجرنان .. اوكي مالا ممتفاهين .. تحتاج سلاح ولا اي حاجةة

الغراب ناض ومسح على لحيتو .. اجل ينقصنا سلاح .. ومعدات طبية

قادير مسح على شعرو وهو يقرى فالجرنان .. يورق يشوف فالصحف الى حكات على الحملة نتاعو ..لحظات طيح فالنجان تاع القهوة .. وعينيه توسعو .. وش هذاا .. وش هذا ياربي .. مع كلمة ينصدم .. كثر وكثر ..

الغراب استغرب من صمت قادير .. الو ..

قادير مسح على جبهتو .. خرجتلي خدمة نعيطلك ممبعد .. متفاهمين

الغراب تبسم .. حسنا في رعاية الرحمن ..

قادير حط التلفون وعينيه توسعو كثر وكثر وهو يقرى فالمقال ..

محتوى المقال ..

"قادر تاج الدين .. الاب الروحي للتنظيم .. شيطان الشر .. الذي قام يدعم هذه المنظمة والتشجيع على التطرف .. وقد اثبتت بعض التقارير .. على ان قادير قد بتحويل مبلغ يفوق المليار الى حساب في سويسرا .. اول سؤال قد ياتي على البال .. من اين لك كل هذا .. وليس هذا فحسب قد توجه إلى المنطقة المحرمة محمل بمبالغ مالية كبيرة من أجل دعم تسليح المحتجين السلميين في سوريا ثم في المشاركة في تجارة السلاح.. بقلم البرتين

قادير كرفص الجرنان .. حس بالدخان يخرج من راسو .. شكون الى يتجرا ينشر حاجة كيمااا هكاا .زعما كاش واحد ترشح قدامو . رفد الطابلات ودخل للفايسبوك .. الدنياااا شاعلة يهدرو غير على المقال هذااا .. الشئ الى خلاه يهبل .. شكون الى عرف كامل هاذو الملعومات .. زعما الغراب راه يخون فيه ..

**

ميساء كانت فالجريدة .. بكرت من الصباح .. شاةد التلفون بين يديهااا .. وتتبسم .. حست انها سجلت نصر كبير .. وخطات اكبر خطوة في طريق الحق .. الحق الى حتى واحد مايتجرا ويحكي عليه وكامل خاشين ريسانهم وساكتين .. من جهة صح نبيل قاللها بلاكي تنشري أي حاجةةة فالجرنان .. هي تبعت الاوامر نتاعو .. نشرت كل خير عليه اما فالفايسبوك .. حكات كلشي عندها وفي قلبها .. كشفت حقائق كبيرة .. لحتى تدمرهم ..