ملحمة الحب والحرب والمقاومة (قربان على مائدة الحرب )

ومن الحب ماقتل

** في منطقة التنظيم .. وتحيدا في دار معتز .. ابتسام قررت تدي يوم راحة .. وتخمم مع روحهاا .. هدرة فتون هداتهااا بززاف . حستها كيف ميسا بالظبط .. حكاو على كلشي .. على كيفاه وصلت للتنظيم .. وكيفاه ححاولت حنان تقتلهاااا ..

ساهية مش عارفة كيفاه تتعامل معاه .. هي تحب تبدل معتز .. وتخليه يخرج من هناا من الوساخة هاذي .. وفي وسط هذاك لتفكير .. حل الباب ودخل . .

ابتسام بلعت ريقها .. وخرجت تشوفو ..

معتز كي شافهااا .. نسف .. وجدي روحك ..

ابتسام استغربت .. وين رايحين .

معتز مسح على وجهو .. وقربلها .. كي نحكي حاجة تنفذيها وضرك وجدي روحك رايحين

ابتسام عينيها . توسعو .. رح تقتلني صح .. هكاا

معتز بلع ريقو .. هي قدرت تعرف الى في راسو كاكمل .. هي قدرت تخمن واش الى راه يخمم فيه من وقت الغراب .. قعد يبخص فيه .. نص هدرتو كانت صح .. لازمو يتخلص منهاا اذا حب ينفذ الانتقام نتاعو . . خلاص لوقت معادش في صالحو .. ولازم عليه يتحرك ..

ابتسام بلعت ريقها .. شافت يمين وشمال .. كامل الهدرة الى رح تقولها مارحش تنفع مع معتز .. لانو خلاص خذى قرار .. دخلت للشومبراا .. حطت على روحها جلبابها .. ومرة على مرة تشوف فالدار هاذي .. الى ياما بكات فيها وتعذبت .. والحيطان شاهدين على الشئ هذااا ..

راكبين فالطموبيل .. للوجهة الجديدة .. كان مرة على مرة يشوف معاهاا .. وهي حاطة راسها على الزجاج .. كان عندو صراع بين قلبو وعقلو .. حتى وصل انو قعد يضحك .. الطفلة هاذي وش عملت فيه .. هو من بعد رؤيا .. عمرو لاخمم انو يمد قلبو لاي وحدة من غيرهااا .. هو صح ورطها فالتنظيم .. ورطها في شئ ماعندها حتى دخل فيه .. وعلى هذاك قرر يخرجها من الوسخ هذا.. ويرجعلها حريتها .. لانو ابتسام شخص طيب .. وعلى نياتهااا ..

فاتت الساعات .. بين التفكير فالمصير نتعهاا والى رح يصرى .. خممت في كامل الاحتمالات السيئة ونسات الدنيا .. لحظات وصلو للوجهة هاذيك .. كانت كيف الموقف تاع الحافلات .. حبس الطموبيل ونسف .. وشاف معاها .. انزلي

ابتسام حلت الباب بلعقل ونزلت ..

معتز شاف يمين وشمال .. جبد من جيبو دراهم .. وقربلها .. شدي .. رح تفوت منااا قافلة .. اركبي معاهم .. رح يوصلوك حتى *** .. ومنا تماا ترجعي تركبي مع بيس .. حرزي روحك ..

ابتسام شافت فيه .. وعينيها مبلين بالدموع .. حاضر

مععتز جبد خددمي .. هاكي هذااا تحاتجيه .. مع انو الطريق منا عادي .. اذا سالك أي واحد بلاكي تحكي قصة حياتك نعرفك تحبي قصص الدراماا

ابتسام شافت فيه .. مانحبش نروح .. نحب نبقى ممعاك

معتز حس انو هزة ارضية ضربت فيه .. شاف فيها بعينيه البنيين ..فيها وطلع يدو بالعقل .. وحكم خدها وزير عليه .. رح تروحي ربك .. فهمتي