ملحمة الحب والحرب والمقاومة (قربان على مائدة الحرب )

الوقوع بين ايدي الشيطان

عصام جا يحكي حتى سمعو ددق على الباب .. الشئ الى خلاهم ينوضو من سرحتهم والشئ الى كانو فيه كانت اللحظة الحاسمة الى بلاك منها رح ينتقلو لمرحلة اخرى مرحلة السماح وتجديد شعلة العشق والشغف .. اما القدر لسبب ما كانت كتب شابيتر اخر .. وشكون يعرف بلاك رح يكون معمر اوقات صعبة منهاا رح عصام يثبت روحو حبو .. ورح يتلقى العفو من المتمردة ذات العيون الفيروزية

.. ميساء خافت .. زعما شكون ..

نبيل كان يراقب فالدار .. ولانو ميساء وعصام تحاداوه .. حب انو يطيحهم فالفخ .. لحتى كامل الناس تشوف حقيقتو . حب يضرب عصفورين بحجر .. اذا ثبت عليهم الززنى رح يدخل ميساء للحبس .. وعصام رح يخرجوه من العسكر لفعل فاضح ...

محمد خال ميساء ..راهي 4 تاع الصباح .. تكون راقدة

نبيل ضحك في حضن حبيها اصبر خالي .. رح تشوف بعينيك ..

محمد نسف .زيد طبطب . .

**لداخل ميساء تلبكت .. عرفت صوت خاالهااا محمد .. وعرفت انو نبيل الى ورى الزيارة هاذي .. ماعرفتش وين الحل .. اذا حكمو الداخل واحد مارح يفهم كلهم رح يوجهولها اصابع الاتهام

عصام بلع ريقو .. اطلعي لفوق .. ارقدي فالشومبرا نتاع ابتسام

ميساء كانت ترجف وانت .. نبيل اكيد رح يشوفك وانت خارج

عصام زير على سنانو قتلك اطلعي .. خفي ميساء دارتلو براسها ايه ..حكم التلفون وطلع للدروج تاع التيراس كومبوزا النيمرو لحظات سمع الجرس .. الو المحقق فريد

عصام نسف .. نحب نبلغ على اعتداء فالشارع ***

المحقق ناض .. ربع ساعة وتكون دورية فمااا

عصام زير على سنانو وكوبا .. نهارك كحل سي نبيل رح تشوف وش نددير فيك ..

.. طلعت بخططى سريعة .. ..ماحبتش تضيع وقت .. اما قلبها كان يخبط فالالف .. كل بلاصة فيها كانت ترجف .. حلت بالعقل الباب .. ودخلت شقاتو شوي .. جات فايتةة .. شافت روحها فالمرايا .. حلت الدريسنغ بلعقل .. ولبست بيجامةة .. كانت تاع سروال وتوب ..

ابتسام تنهدت .. وهي جمدت في بلاصتهااا .. بلعت ريقها وقربت بلعقل .. دخلت تحت الغطااا .. حاولت تدير روحهاا اناهاا راقدةة .. ومع كل دقيقة صوت الباب يزيد .. الدق كان عنيف بزاف .. خلاها تترعد في بلاصتهاااا .. اما في لحظة ماء .. حست انو عصام يقدر يسلكها ..

ابتسام فاقت على صوت الطبطيب .. شافت يمين وشمال .. خير ياربي .. شافت التلفون كانت 4 تاع الصباح .. نسفت شكون هذاا .. هزت ميساء .. ميساء نوضي

ميساء عملت كيف ماقاللها عصام اعملي روحك راقدة .. تقلبت ."خليني

ابتسام شعلت الضو .. نوضي يابنتي الباب رح يتكسر