ملحمة الحب والحرب والمقاومة (قربان على مائدة الحرب )

وفجاة اصبحت غير كافية عير مرضية

 تتمة للاحداث السابقة
عصام بلع ريقو وحكم الصندوق هذاك .. قطع الغلاف بلعقل .. واذا بيها علبة صغيرة .. شاف في اسر ورجع يفتح فيه .. واول مارفد الغطااا .. كانت المفاجاة .. قنبلة وتفعلت اول مااا فتح الغطااا

اسر شاف فيه ونسف .. بومبا

ميسون شهقت وحطت صباعتيها الرقاق على شفايفهااا .. وش رح ندير ضرك

عصام حاول يتمالك الاعصاب نتاعو .. بلع ريقو وشاف في اسر .. عيط للمركز وقلهم يفوتولك سامي ..

اسر بعد شوية وحكم التلفون ..

عصام شاف في ميسون .. وحاول يهديها .. روحي للمنصة عادي .. اعتذري منهم على انو كاين خلل .. وبلاكي تحسسيهم بااي حاجة فهمتي ..

ميسون كانت تحت الصدمة

عصام كان يحكي ويشوف مرة فالصندوق ومرة في الاخت نتاعو الى راهي تحت الصدمة .. بلاكي تحسسيهم بااي حاجة لانو الخوف والهلع رح يكونو اخطر من البومبا نفسها .. روحي

ميسون مسحت على شعرهاااا ومشات بخطاوت متثاقلة حتى وصلت للمنصة .. الناس كامل شافت معاها والموسيقى ططفات .. حكمت الميكرو بين يديهااا وبدات تحكي .. اعزائي الضيوف اولا حبيت نشكركم على تلبية الدعوة .. والحضور للمعرض .نتاعي .. ولكن خرج ظرف طارئ جدااا .. ولازم علي نغلق الصالة . على هذاك نقدملكم اعتذاري الخالص .. شكرا

الناس نسفو .. وبدا يحكو في لحظة عم سخط كبير منهم وبدا يحكو على المهزلة الى راهي تصرى .. بداو يخرجو وهي واقفة وحشمانة .. وجها احمر وشفارهااا مشمخين بدموع رفضت انها تخليها تهبط .. كبرايئها ماسمحلهاش .. وقفت شامخة .. وباانوثتهااا بكلشي فيها ..

اسر رجع لعصام ووجهلو الاكران تاع التلفون .. سامي معاك

عصام ضيق عينيه .. وشاف مع سامي .. كان كلماتو معودوة على حساب الدقات تاع القنبلة .. سامي ركز معايااا مليح .. اسر ضرك يوريلك النوع نتعهاااا ..

سامي كان يشوف فالقنبلة .. حاضر جينيرال ..

اسر قعد يدور على القنبلة .. ويحاول يمدلو اكثر تفاصيل عليهاااا .. ليك كاين سلك احمر وسلك ازرق وينو منهم الى لازم يقطعو

سامي حبس الفيديو وقعد يقرب فالصورة .. لحظات بدا العرق يتصبب معاه .. سامحني جينيرال اما ماقدرتش نعرف

عصام نسف .. مسحح العرق من جبهتو .. حط يدو في جيبو وجبد كلابة صغيرة .. في هذا الحال نرمال لاحمر .. ليك كي شغل الاسلاك لخرى متفرعة منو

اسر مسح على شعرو..حتى انا نتفكر انو كان كاين هكااا قنبلة تتفكر فالمعسكر نتعناا وانت قطعت الاحمر

عصام زير على سنانو .. قرب لكلابة وقطع السلك ..

اسر نسف ومسح على شعرو .. سامي مزالها تمشي .. وش نديرو