ملحمة الحب والحرب والمقاومة (قربان على مائدة الحرب )

حبل الكذب قصير

** مصطفى بعد الاتصال نتاع الصباح قعد مقلق على بلقيس .ويعرفها كي تخاف تحكي كلشي . على هذاك خلى الخدمة كامل وقرر يروح لعندهاا ويحكي معاها .. كي وصل للفيلا نسف .. ترجل من الطموبيل .. دخل من الباب الوراني .. لانو مايحبش يجيب الهدرة ..

طلع فالدروج .. وهو يشوف يمين وشمال .. كانت الحالة ساكتةة .. حتى انها صرفت الخخدم الكل .. وصل للشومبراا كان الباب مشقوق .. دمرو ودخل .. اما تاني كانت فارغة .. لحظات سمع حس فالدوش .. حل الباب ودخل

بلقيس كانت فالجاكوزي نتعهااا .. حبت تقعد مع عقلهاا حتى تخمم مليح .. مشعلة الشموع المعطرة .. لامة شعرهاا الفوق وغارقة وسط الرغوة . لحظات حتى حست بشكون دخل معاها ..

مصطفى نسف .. وينك من الصباح راني نعيط

بلقيس نسفت .. واش راح تقولي .. انو فشلنا فالمهمة والى كثر من هكاا كاين شكون يحب يقتل ولدي

مصطفى جبدها ليه وحطها في حضنو .. زيرلها على وجهاا .. ربك كالمي روحك ..

بلقيس بلعت ريقها ...المشاكل راهي غير تزيد

مصطفى نسف .. كان على القناص هذا ك الى ببعثتو انا .. نقتلو ونريحو من كلشي .. اما بالنسبة لحماية عصام رح نحطلو احسن حراس ..

بلقيس نسفت . . ميسا مرت عصام الصباح سمعتني وانا نحكي معا كتاني نقتلوها

مصطفى ضيق عينيه ونسف .. نبهي عليها .. تهتم بروحها برك

بلقيس مسحت على صدر مصطفى .. ميسا مش من النوع الى يسكت هي تاني .. رح تبدى تخرب وارايا

مصطفى قرب وباسها من شفايفهااا .. مالا ماعلينا غير نسكتوها طول اعمر نتي اصلا تكرهيها

بلقيس طلعت حاجبها .. نقتلها

مصطفى نسف .. هي مشاكلها بزاف .. اختها راهي فالتنظيم .. وزيد هكا رح تريحي منها لابد ..

بلقيس نسفت وناضت من حضنو .. مصطفى نظن بلي هبلت

مصطفى مسح على شعرو الابيض ... ياخي من بركي تكرهيهااا .. خلاص مالا رصاصة واحنا ريحنا منهاا . لانو تعرفي مليح بلي راه تبدا تخرب وراناا ..

بلقيس خرجت من البانيو .. لفت روحهاا فالكاب .. ووقفت عند الدريسينغ ..

مصطفى لف منشفة على خصرو وقرب منها ... واش قررتي الوقت راهو يفوت ..

بلقيس نسفت .. وشافت فيه .. مانقدرش نعمل هكا في عصام .. ولدي الى اول مرة يفرح في حياتو .. وراح يدير عايلة .. ورح اكيد يتلهى بيهم . .

مصطفى قربلها كثر وهمسلها في وذنها .. خممي مليح

بلقيس نسفت .. لالا .. الموضوع هذا الغيه من مخك مصطفى .. فهمتني ..

مصطفى قعد يمسح في شعرو .. دبري راسك .. المهم عندي خدمة .. نكملها ونحكو مليح

بلقيس حلت الدريسنغ .. وقعدت تجبد في حوايجهاااا .. وتحط فيهم .. صحااا .. هدرتو قلقتها .. كيفاه تقتل ميساا وهي حامل بولد عصام . كيفاه تتبدد الفرحة نتاعو .. هاذ الشئ الى مارحش تقبلو ابدا في حياتهاا ..