ملحمة الحب والحرب والمقاومة (قربان على مائدة الحرب )

تلك الصدفة التي جمعتني بك مجددا

تتمة للاحداث السابقة ..

ويلعبو حطت يدها على كرشهااا متمنية انو يجي نهار وتحس الاحساس تاع الام .. جات رايحة تركب في طاكسي .. حتى شافت حركة غريبة .. كانت طموبيل محبسة على جيهةةة .. نزل منهاا واحد قرب من بنت صغيرةة .. ورفدهاا وهي تقاوم ..
ميساء قطعت الطريق .. وقربت ليه .. اطلق الطفلة
لراجل شاف فيهااا وجرى بالطفلة للطموبيل وهي تعيط
ميساء ولات تعيط .. ياناس .. راه يسرق طفلة .. ياناس .. ياناس ..
واحد منهم نزل كان ملثم وحكم ميساء .. كي وصل حطلها الكابوس عند راسهاااا وجرهااا وهي تقاوم فيه وتعيط .."عاونوني ..عاونوني ".... اما هو كان اقوى منهاا دخلها فالطموبيل .. لحظات تبلع الباب وواحد منهم ضربها للراس صرعهااا .. وقلعو مبعدين على المدرسةة ..الطفلة هاذيك كانت تحت الدهشة مش عارفة وش دير ولا وين راهي .. لحظات واححد منهم قربلها وحقنهاا فالرقبة .. ماهي الا ثواني عينيها تغمضو مستسلمة للنعاس ..

**

ابتسام قررت تتشجع لاول مرة في حياتهااا .. وتجرب شئ جديد .. خذات العنوان الى ديما يكون فيه دروس الشيخ معتز وروحت .. اما الى مكانتش تعرفو انو هاذي مش شجاعة وانمااا البدء في الغوص في المستنقع ..بعدما حنان خلات الشئ هذا يبان جنة عدن وزينتهولهااا من كل النواحي ..

وصلو للمكان الى موالف يكون فيه المحاضارات .. كان محل تاع البسة دينية ومن الخلف كاين قاعة صغيرة .. يتم فيها الدروس .. ابتسام بقات تشوف يمين وشمال .. كان كاين صبورة ومقاعد كيف اي مكان عادي ..

حنان شدتها من يدها .. ارواحي لهنااا وهدي روحك

ابتسام بدات تمروح على روحهااا .. ماشي اول مرة على بيها راني خايفة بزاف

حنان تبسمت .. عادي يابنتي .. اصلا ضرك تشوفي البنات الى يجو وتتعرفي عليهم

ابتسام شافت في روحهاا .. على الاقل كون لبست حيجاب درت غير خيمار هكاك برك

حنان حطت يدها على كتفهااا .. ديننا دين يسر صديقيني وهذه البداية ربماا كانت الهداية والشفاء على ايديناا ..

ابتسام قعدت تشوف يمين وشمال .. ليكي بداو يدخلو

حنان تنهدت .. لحظات ويجي الشيخ معتز وتبدا المحاضرة

ابتسام مسحت وجهااا ..كيفاه تعرفتي عليهم

حنان تلبكت ماعرفت ماتحكي .. عادي صحبتي كانت تحضر وهي الى نصحتني بيه

ابتسام طلعت حاجبها اه .. صحااا . واستفدتي صح

حنان تبسمت .. اكيد يعني انا صح كنت ومزالني ملتزمة ولكن حبيت ايماني يقوى كثر وكثر ..

ابتسام جات تحكي .. حتى شافت معتز داخل .. رافد كرتابل في يدو .. وملامح وجهو جامدة مافيها ولاتعبير .. السلام عليكم .. حكاهاا بصوت رجولي في بحة ..