ملحمة الحب والحرب والمقاومة (قربان على مائدة الحرب )

لقد رحلت الى الهاوية

كان نص اليل .. احسن وقت لحتى تفوت الشحنة الى باعثها قادير .. الشاحنات كانت فالطريق الى الادراس تاع الراجل هذاك .. كان طريقهم امن لانو الثعلب تفاهم مع الدرك المناوبين وعرف يريقلهم .. اكيد مسهم فالعرق الحساس .. اول كان حاكم عليهم شئ حاجةة ..

قربو لاخر معبر .. والي مكانوش يعرفوه .. انو عصام مستحيل يفوت عفسة كيما هاذي .. اول ماسمع المكالمة .. اعطى اوامر للكتيبة نتاعو لتنطلق وتحبسهم .. هو يحب يحكم قادير من اليد الى توجعو لحتى يقدر يعثر على الغراب ..

كانت الجنود واقفين ورا الشجر .. ورافدين السلاح بين يديهم .مستعدين للهجوم . والقناصين ملهيك .. مستعدين لاي غدر .والالات في وذنيهم كانو كيف رقاص الساعة يتحركو على حساب اوامر عصام و. اكيد قادير مارحش يبعث شحنة بلاحماية .. اما النسر مستعد لحتى يحكم الصيد .متحمس . كان واقف ومربع يديه .. عينيه البنيين رجعو كحلين من كثر ماالغل راه في قلبو .. مصمم يعمل حد للمهزلة هاذي ..

وصلت الشاحنة للحاجز ..وتوقفت لايعملو الاجراءات الروتينية .. قرب اسر منو .. ونسف .. مدلي الاوراق

السائق مدلو الاوراق .. وفي وسطهم باكي تاع دراهم

اسر قعد يقرى فيهم .. ممبعد رجع يشوف معاه .. حلي نحب نشوف

السائق استغرب .. كيفاه .. اما قادير

عصام قرب منهم .. عاقد لحواجبو .. مم مقادير قتلي .. فتشو الشاحنات .. هذا امر

السائق اول ماسمع الكلمة هاذي .. عرف انو خلاص اللعبة انكشفت .. جرى لباب .. ونزل يجري ..

عصام نسف .. خلي انا الى رح نحلقو .. قعد يمشي بخطوات سريعة .. وتوغل في وسط الغابة .. الكلاب في يدو .. سعرانين متعطشين ... وهو يجري .. قعد شعل يشوف فالظلمة .. لحظات لمحاتو الطوافة الى كانت فالمنقطة .. وهو يجري .. حتى وصل للحد ..

عصام حط يدو في وذنو .. حول .. وين راه المشتبه به

اسر حط يدو في وذنو .. على بعد ميل من فما .. الدعم راه معاك ..

الطوافة من لفوق قعدت تضوي لعصام . لحتى يشوف البلاصة .. قرب واذا بيه الراجل هذاك .. حل الصاك نتاعو .. وفرش زربية تاع صلة .. جبد قنبلة صغيرة . .ووقعد ديدعي .. ممبعد اول ماحس بالحركة

عصام قرب ليه بلعقل وقرفص .. ارمي وش كاين في يدك ..

الراجل هذاك ماحبش يضيع الوقت .. حل الله اكبر واشهد ان لااله الا الله " .. بوم ..

االانفجار كان مدوي .. لدرجة انو حفر البلاصة كامل فما .. واثر حتى على توازن عصام وخلاه يطيح من كثر الهزة ..

طلعت اول خطوط للشمس .. البلاصة الى صرى فيها الانفجار .. طوقت بالجنود .. والمخبرين .. قاعدين يرفعو فالادلة على الحادثة الى صرات .ملهيك المصورين ملهيه يصور ويحطو على كل موقع رقم الاشلاء نتاع الراجل هذاك انتاشرت كامل ... اكيد هو ماحبش انو يحكي .. على هذاك طرطق روحو .. اي ولاء هذا .. او خوف