ملحمة الحب والحرب والمقاومة (قربان على مائدة الحرب )

ماقبل النهاية

صونيا كانت السبب الكبير الى خلى كلشي يتكشف .. اما عمايلها خلاوهاا ترقد فالكلينيك في غيبوبة .. بعد الى صرالها .. الكل تخلى عليها .. رجعت وحدهاا .. الا شخص واحد الى وقف معاها .. وهي حسيبة الام نتعهاا ..

كانت واقفة عند لزجاج تاع العناية المركزة وتشوف معاها .. متحصرة على الي صرالهاا . لحظات المحقق وقف بحذاهاا .. مسا الخير مدام ..

حسيبة مسحت دموعها وشافت فيه .. مسا النور

المحقق جبد الشارة نتاعو .. انا المحقق المسؤول على القضية تاع بنتك .. وحبيت نقولك انو عرفنا شكون عمل فيها هكاك ..

حسيبة عينيها قدحو بالنار .. شكون هو .. كون خبرني عليه شكون وانا ناكلو بسناني ..

المحققق جا يحكي حتى شاف الاطباء كامل جراو للعناية المركزة .. الظاهر انو صونيااا حالتها تدهورت فجاة ..

حسيبة خلات المحقق ونسات وش كان يقللها .. وجرات حتى تشوف بنتها وش بيها .. كانو دموعها نشفو وقلبها قساح .. هي مدت الحق لبنتهاا على كلشي عملاتو وضرك راهي تحاول انو تلقى الى عمل هكاك وتحاسبو .. ملا دنيا كي دايرة

الطبيب نسف .. مدام تفضلي برى

حسيبة بلعت ريقها .. بنتي .. دكتور ..

الطبيب شاف معاها .. لازم تدخل طبي ضرك .. ماضيعيش الوقت .. واخرجي ..

حسيب مسحت وجهاا وخرجت وقفت عند الزجاج ..

الداخل في الغرفة وين كانت راقدة وهي مش حاسة على اي ححاجة .... الاطباء كانو يحاولو يرجعوهاا على قيد الحياة .. ولكن جهاز القلب كان يصوني .. والخط فيه مستقيم ..معلن على الوفاة نتعهاا

الطبيب انسف .. حكم جهاز صدمات القلب .. اشحني 120 حط المرهم عليه وقعد يحاول يشحن .. قرب من صونيا وحطو على صدرها وشحنهاا ..

الممرضة شافت فيه .. مكانش نبض

الطبيب بلع ريقو .. مرة اخرى .. اشحني .. هيا صونيا .. هياا .. رجع حطلها الجهاز على صدرها وشحن .. وشاف فالممرضة

الممرضة نسفت .. للاسف فقدنا المريضة ..

الطبيب رمى جهاز الصدمة فوق الطابلة ونحى البوني نتاعو .. اعلني ساعة الوفاة ..

الممرضة شافت في ساعتهااا . . 4.45 دقيقة ..

الطبيب قرب منهاا وحطلها الغطاا على وجهااا .. كامل هذاك الشئ صرى قدام عينيه حسيبة .. الى دخلت للقاعة .. حبت تشوف بنتهااا .. البنت الى طمع كلاهااا .. وماكنتش تعرف عاقبة الشئ هذا كامل .. الى كانت تعمل فيه ..

حسيبة تبكي وتعيط .. بنتي .. بنتي .. اهئ اهئ .. شكون ليا من بعدك انا .. شكون صونيا .. صونيا حلي عينيك .. .

الممرضة شدتهاا ... مدام .. مدام بلعقل برك

حسيبة وخرت الممرضة وقربتلها نحاتلها الغطاا وقعدت تبوس فيها من وجهاا وشعرهااا . بنتي . ياعمري. . صونياا فيقي بنتي .. شكون لليا من غيرك انا .. شكون .. طاحت على الارض وكملت تبكي .. كانت محروقة .. فراق الاحبة واعر .. ومش اي واحد يقدر عليه للاسف ..