ملحمة الحب والحرب والمقاومة (قربان على مائدة الحرب )

خيبة اخرى

آه صوتك صوتك!
مسكون باللهفة كعناق
يعلقني بين الإلتهاب والجنون على أسوار قلعة الليل
وأعاني سكرات الحياة
وأنا أفتقدك،
وأعاني سكرات الحياة
وأنا أحبك أكثر"
― غادة السمان,

الطيارة حطت على سطح الكلينيك .. الفريق الطبي جرالهم .. كانو مستعدين .. مصطفى اصر انو يروح يكشفو على رواحهم قبل .. الي صار معاهم كان كيف الكابوس .. اما للقطة الى قبل الاقلاع .. بصراحة خلات الكل يعيش صدمة .. اما مكان بيدهم حتى حاجة .. كانو في منطقة الغراب .. وهو مجهز روحو لاي تدخل .. كان لازم يلقعو والا كلهم كان رح يموتو . .

ميسا نقلوها لغرفة خاصة .. وخصوصا انو صرالها انهيار عصبي حاد .. من بعد الى عاشتو .. العام الاسود بدى من طلاقها .. ومشاكلهااا مع التنظيم .. حبها وهوسها للكتابة خلاها تعيش مشاكل .. بدا الشعور بالذنب ينخر فيها بالعقل .. كيف السوسة تماما ..

عصام عملولو اشعة ليدو لى تصاوبت .. ونظفولو الجرح من جديد .. لحتى مايدير التهاب .. ممبعد نقلوه في الشومبرا لخرى ..كان راقد على السرير .. معلقينلو سيروم .. لحتى يرجع يرفد صحتو .. ويريح من بعد الاحداث الى صرات .. حاطط يدو ورى راسو وعاقد حواجبو .. يخمم

اسر كان واقف ومربع يديه .. مزية الى خرجت على خير

عصام نسف وجا نايض .. نحب نشوفهااا .. نعرف انو رح تفيق مصدومة

اسر مسح على شعرو .. اقعد ياربي حتى الطبيب يجي يشوفك .. وش بيك هكا

عصام شاف فيه ..كانت تراتيل وجهو توحي على انو رح ينفجر في أي لحظة .. مددلي سيجار ..

اسر جبد من جيبو ومدلو .. ورجع يشعلو .. والقضية .. راني لقيت خيوط .. طلبت من شرطة المنطقة يمدولي فيديوهات كاميرات المراقبة ..

عصام نسف الدخان لفوق . رح نحكي مع ميسون .. هي تعرف للقضايا هاذو وزيد كان رح يقتلني هذا دفاع عن لنفس

اسر قعد وقابلو حط رجل على رجل .. .. رح نجيب لدوسي نتاعهم .. وشكي انو لبوليسي هذاك .. رح مع التنظيم

عصام ضيق عينيه .. نحب كامل les infos عليه .. فهمتني .. لانو ميسا لازم تسلم رحها

اسر مسح على شعرو .. كلشي واجد .. كي تريح .. رح نباشرو فالاجراءات ..

عصام ناض من فراشو .. ووقف عند الزجاج ونسف الدخان .. اكيد مارحش يحبسونا لانو احنا الضحايا ماشي هوما ..

اسر قرب ليه .. متستغرب .. كيفاه وصلت بميسا دير حاجة هكاك ..

عصام شاف فيه وطلع حاجبو .. حتى اانا .. عمري لاشفتهاا هكاا

اسر نسف .. ماتقلقش روحك فهمتني .. رح ندير الاجراءات كامل يبقى التحقيق واذا لزم لامر تتحاكم وهي برى .. خمملي اذا عندها مرض ولا حاجة طبية