ملحمة الحب والحرب والمقاومة (قربان على مائدة الحرب )

واذا اجمتع الجنس والانس

تتمة للاحداث السابقة ..

الحالة فالميدان كانت خايضة .. والكل سمعع بلي صرى .الكل حب يشوف الاعدام نتاع عصام الراجل العدو اللدود للغراب .. . الا هي .. فالقصر فتون كانت فلجنينة قاعدة فوق الفوتاي .... وتطرز هي من بكري هكاا تحب كان راحت بالها .. تلقاها اديما مع الطبخ والخياطة .. هي تدين كامل لتصرفات تاع التظيم ولكن هي انجبرت تعيش للهنااا .. لحظات البنت جابتلها القهوة

الطفلة تبسمت ..جبتلك القهوة

فتون تبسمت .. جات في وقتها .. يعطيك الصحة ..

الطفلة هبطت راسها ودخلت

فتون حكمت الفنجان وترشفت منو ..تتبنن .. لحظات حتى التلفون صونااا .. استغربت بزاف .. رفدت واذا بيها صورة بلقيس .. بلعت ريقها ورفدت ..الو

بلقيس الى شافت البث المباشر .. مكان عندها حل اخر غير انها تضحي وتتصل لانو تعرف تاثير فتون على الغراب .. كانت تبكي اهئ اهئ .. .. قوليلو انو عصام ولدو

فتون ناضت وعينيها توسعو .. بلقيس واش كاين

بلقيس ولات تعيط عليها .. راج ك راه يعدم عصام واسر

فتون عينيها توسعو .. كيفاش ..

بلقيس ولات تعيط .. مش وقت اسئلة .. لازملك تحبسيه .. والا رح يقتلو

فتون بلعت ريقهااا .. حست انو رجليها فشلو ..

بلقيس حطت التلفون نسفت .. قوليليو الصح .. انقضي ولدنا .. انقضي عصام .. كوبات ونسف .. رجعت قعدت وحطت راسها بين يديهااا ..

ميسا قربلتها .. واش قاتلك .. خبريني وش قاتلك .. رح تسلكهم صح

بلقيس شافت في ميسا .. ماعلاباليش .. ماعلاباليش ..

ميسا ضربت الفاز بيدها .. لازم عليها تحكيلو .. اهئ اهئ .. ياناس ياعالم .. راجلي رح يموت ..

حميدة كانت تحت الصدمة .. مش مامنة الشئ الى راه صاري

ميسا حكمت التلفون نتعهااا .وحطت الشال على راسهااا .. . وررايحة تخرج

بلقيس ناضت وحكمتها ... وين رايحة ونتي حامل وصحتك على قدك

ميسا دفعتها ونسفت .. نسلك راجلي .. خليني

بلقيس رجعتهاا .. وزيرت على سنانهاا .. رح تقعدي لهنا ماعندك وين تروحي .. عصام وصاني عليك

ميسا بلعت ريقها .. قتلك رح نسلك راجلي وخري عليا .. مش وقت المشاعر والنفاق

بلقيس رفدت يدها للسما .. وضربت ميسا بصفعة ..

ميسا طاحت على الفوتاي .. وحطت يدها على خدهاا

بلقيس قربتلها ونسفت .. رح تبقاي لهنااا. . لحتى يرجع راجلك .. فهمتي والالا ..