ملحمة الحب والحرب والمقاومة (قربان على مائدة الحرب )

صدمة اخرى

تتمة للاحداث السابقة ..

طول الطريق مانطقت بحتى حرف .. كانت حاطة راسها على الزجاج .. وفي مكان انها تشوف الطرق والاشجار والبنايات .. الى طاح عليهم ليل .. كانت تشوف في حياتهااا .. الماضي والمستقبل . وهي واقفة فالوسط .. مش عارفة اذاا تكمل ولا ترجع ببساطة .. مرات يصرى هك .. نبيل كان مرة على مرة يضرب عليها طلة .. ماحس بالطريق كي فات .. حتى حبست الطموبيل ..

ميساء حلت الباب ونزلت .. كانت مازل تعبانةة .. مش من الحادث اما من هدرة نبيل الى طاحت عليها كيف الصاعقة .. معقول للوقت هذا مزال كاين تفكير هك .. حلت الباب ودخلت .. اول حاجة طاحت عينها عليها هي نجيبة الخالةة والعجوزة ..

نجية ناضت .. يابنتي سمعت بلي طحتي من طولك

ميساء مسحت وجهااا .. يما راني تعبانةة معليش نحكو ممبعد ..

ابتسام قربت وسندتها .. ارواحي نديك للشومبرا نتاعك ..

ميساء بلعت ريقهاااا .. ودارتلها براسهااا ايه ..

نجية تنهدت .. ضرك نجيبلك حاجة تسندي بيهاا روحك .. راكي من الصباح صايمة وزادك المرض

ميساء ضحكت بتمسخير .. كثر خيرك ياخالتي .. الى راكي تخخممي عليااا ..

نبيل كان مسح على وجهو ونسف ..

ابتسام قعدت تسند فيها حتى حلت الباب تاع الشومبر ..دخلتهاا وهي كيف الريشة وغلقت الباب برجلهااا قعدتها فوق الفراش .. ووقفت تنحيلها في الخيمار نتعهاا .. كانت حاسة انو صرات كاش حاجةة لانو هي مش من النوع الى يطيح باالساهل ..

ميساء حطت ظهرهاا على الفراش .. ويدها ورا راسهاااا ..

ايتسام حلت الدريسينغ وجبدلتها بيجامتهااا .. ورجعت .. وش بيك حبيبة

ميساء طلعت عينيها وشافت فيهااا .. شوية تعب برك

ابتسام قربت ونوضتها بلعقل ... فتحتلهاا القفال تاع الحجاب ونحاتهوالهاااا .. حطاتو على جيه وقعدت تلبس فيهااا .. نتي عمرك لاصرالك هك .. نبيل صح هو الى راه مقلقك

ميساء تبسمت بوجيعة .. متعمريش راسك بيااا اناا

ابتسام لمت الحوايج وناضت .. كي هاذي مانعمرش راسي بيك .. نتي ختي الكبيرةة .. اما الكلب هذاك باين يكون دار كاش جاست .. نعرفو مقلق والدود ياكلو بزاف

ميساء طرطقت بالضحك .. من وين تتجيبي لهدرة هاذي

اابتسام قعدت بحذاهاا .. ومسحتلها على خدهااا .. مزية لي ضحكتي .. نجيبلك حاجة تاكليهااا .. خير من وجوهم تاع الخ**

ميساء باست من خدهااا .. كيما قتلك ماتعمريش راسك .. اقراي برك ..شعال عز بيها انو اختها الصغيرة مهتمة بيها .. تنهدت تنهدية تعبيرا على الرضى ..