ملحمة الحب والحرب والمقاومة (قربان على مائدة الحرب )

لقد اغتصبها ..اي اهانة هذه

ابتسام رفدت الخدمي .. اذا راهي ميتة .. وتنوض .. ولات تضرب فالقفل .. تضرب وتعاود .. وتدمر بكل جهدهااا .. لحظات قدرت تحل .. الباب الى انفتح على مصرعيه .. والمشهد كان صادم بزاف .. خلاهاا تهبط على ركابيهاااا .. ونجية ملهيك تغطي وجهاا

ابتسام جرات ليهااا .. ميساء .. ميس .. فيقي ..

ميساء كانت مرمية فمااا .. عينيها مفتوحين .. كيف مخالاهااا .. استسلمت فما .. بعد اليلة هاذيك قررت تلتحق بوالديهااا الى راحو من زمان .. على الاقل تنقظ وش تبقالها من كرامةة ..

ابتسام دموعها غلبوهااا .. ميسا ردي علياااا .. يانااس .. ياناس عاونوني كان تشوف في جسمها كيف ازرق .. والدم الى بين رجليهااا تقول كلب نهشهااا ..

نجية ولات تحاول تسكت فيهااا .. اسكتي فضحتينا

ابتسام حلت الدريسينغ وجبدلتها غطاااا .. ورماتو عليهاااا .. رجعت حكمت خيمار وغطالتها شعرهااا وشافت في نجية بغل .. اسكتي نتي .. غطاتها كامل .. ماعرفتش واش دير ..

لحظات الباب اندق .. ابتسام هبطت تجري .. عرفت انو سمعوهم .. حلت الباب كان ابراهيم جارهم .. الى يسكن في ظهرهم .. وش كاين اختي ابتسام

ابتسام بلعت ريقهااا .. ابراهيم عيشك .. ميساء راهي مريضة لفوق .. بزاف

ابراهيم نسف .. اصبري نجيب الطموبيل نتاعي .. وجديها برك ..

ابتسام شهقت .. ربي يخليك ماتبطاش علياااا ..

نجية هبطت تتمشى .. حتى وصلت .. بهدلتينا مافيها والو .. برك راهي تتبهل

ابتسام نسفت ... غير روحي من قدامي الساعة اذي .. غير روحي .. واعقلي فيهاااا تعرفي لوكان كا مايصرى لاختي .. والله غير نقتلك بيديااا هاذو .. فهمتي

نجية بلعت ريقها وبعدت عليهااا ..

ابراهيم وصل وحط الطموبيل عند الباب .. طلع بلعقل .. وين راهي

ابتسام مسحت وجها لفوق ..

ابراهيم طلع بلخف .. بخطاوت خفاف حتى وصل للشومبرااا .. ماحبش يركز بزاف .. ولاحتى يسال .. رفدها بين يديه وهي فى عالم اخر .. حطها فالطموبيل بمساعدة ابتسام .. الى ركبت بحذاهاا وقعدت تمسحلها على شعرهااا .. وطول الطريق وهي تدعي ربي انو مايصرى عليهاا حتى شئ ..

ماحست كيف وصلو للكلينيك .. نزل ابراهيم ودخل للاستعجالات .. نقالة عندي مريضة راهي لبرى ..

خرجو بالنقالةة .. والمسعفين خرجوها من الطموبيل .. كانت على الريق الاخير .. جراو بيها ديراكت لغرفة الكشف .. وغلقو الباب ..

**

فالجهة الاخرى .. عصام ولاول مرة من شهور رجع للفيلا .. ولكن الاحساس الى انتابو من الصباح ومش قادر يسيطر عليه .. حاسس انو حاجةة صرات .. كان فالجناح نتاعو .. مع الصاك تاع البوكس .. يضرب فيه بكل قوة .. كي شغل راه مع خصم .. كان يضرب بيديه الكبار .. المتمرسين .. وكل مايجي يهرب منو يباغتو بركلات ..