شيخ وعشق العنودية

البارت الثالث عشر

💬مارال:غيث محمد ابن خالي خايفه منه...
غيث:ليش شسوالج...
مارال:محمد....... وسولفتله سوالفه كلهن إلى حد ما كلي متصيرين لغيري......  الوووو غيث ويايه...

📞ردي
📞الو ها غيث...
📞هذا الكلب اليوم ما يخلص مني....
📞حباب غيث لاتساوي شيء اخاف عليك...
📞لج شنو اسكتله روحي هسه اني اعرف  اتصرف...

📞الوووو غيث..... طوووووط  سد الخط.. ... يربي هسه الا احجي والله راح تصير مشكله شلون بيه اندك الباب منو.؟؟؟؟

__اني اختج تقى....

_هلا تقاوي دخلي فديت جايبه ليونه وياج حبيبه خالتها مشتاقتلها...
__حبيبي طمنيني شلون صرتي..

مارال:تقى محمد ابن خالي..... وسولفتلها كلشي...

تقى:😰عززه وهسه شراح يصير... اووف وانتي طلعتي معجبه بغيث 🙄...

مارال:هسه عوفج مني حبابه راقبي الوضع قبل لا تصير سالفه.....

تقى:ماشي... هاج ليونه خليها يمج...
مارال:يمه فديت بت اختي محححح..... ليونه... فديت هالخدود... وضليت اعضعض بيها... ونيمتها بصفي....

غيث:.... بعد ما سولفتلي مارال كلت اليوم اموته.... رحت عليه وكتله أريدك بره ودك بوكسيات كسرته.... بعدين كتله.. مارال بت عمي واني أحق بيها إياك ثم إياك تقترب منها راسك اكسره فاهم لولا؟؟ 😠😠😠😠...

محمد:والله ضحكتني بابا مارال ملكي تعرف شنو يعني يعني اول وتالي مرجعها إليه...... 😂😂😂..

غيث: نرفزني الحقير كمت وضربته بعدين التموا الاهل... علينه.... ويكولون شصاير....

غيث:عمي من هاي اللحظة مارال اني ناهي عليها واللي يتقرب منها موته ع ايدي مارال بت عمي واني أوله بيها...

ابو مارال:اهدأ يا ابني ماشي إذا مارال تقبل كبعها واخذها وين نلكه احسن منكبس يا وليدي ليش هيج ضارب الولد...

محمد :عمي شنو كبعها واخذها مارال بت عمتي واني من  زمان معجب بيها....

ابو مارال:محمد ابني غيث ابن عمها وحتى لو ما ناهي عليها هو أحق بيها....

محمد: يصير خير عمي بس والله مارال إذا صارت لغيري ما تعيش فهمتوووو... وعفتهم وركبت السيارة ورحت....

تقى:ولج مارال سمعتي غيث نهى عليج.... وابويه وافق بس كال ناخذ رأيج إذا توافقين ع الزواج...

مارال:اوووف ولج تقاوي اكيد أوافق لج اني اموت ع غيث....

تقى:حبيبتي الله يسعدج بس حاجي غيث كليله مو نهوة وهيج كليله اريد خطبه وعرس احسن....

مارال:اي اكيد...
تقى :بس ولج غيث تعارك ويه محمد ومحمد هدد أبويه وكله ما تعيش وتروح لغيري...
مارال:يمعودة بس حجي كلشي ميسوي...

ندك الباب..... منوووو؟

ابو مارال:اني بابا..

مارال:فوت بابا هلا بيك
..

👨‍💼بابا تقاوي عندي موضوع ويه اختج ممكن وحدنه نحجي...

تقى:اي بابا من رخصتكم....

👧اي بابا شنو الموضوع...

👨‍💼حبيبتي شنو رأيج بغيث توافقين عليه بدون سوالف النهوة... أريد اعرف شنو رأيج انتي....

👧متت خجل وكتله... بابا اللي بيه صالح إليه سوي انته أبويه واعرف بمصلحتي(الكاتبه #هههههه هيه تحبه وميته عليه وتكله انته اعرف بمصلحتي 😂😂😂😂😂😂😂).....

👨‍💼يعني نكول بيها الخير ان شاء الله.....

👧اي بابا🐵....

منى😈:كل اللي صار واني ما كدرت اوكفهم وفوكاها يريد يتزوجها... بس لو يموت ما اخلي غيث إليه اني ملك منى وبس... كلت لازم اتعاون ويه محمد علمود اخرب الخطبه..... رحت لغرفه مرت عمي ولكيت موبايلها بيه الرقم  واخذته 😈😈😈😈...

ابو مارال:عمي غيث البنيه موافقه بس بدون سوالف النهوة... هيه وافقت واي وقت يعجبكم حددو الخطبة.....

غيث... طرت من الفرح... رويحتي تحبني وكبل وافقت....

كتله بيها الخير عمي شنو رايكم بعد يومين نسوي الخطبة........ يتبع....

للكاتبه#نسيم نسيم...
@almahdwya_74....

حبايبي وهذ البارت اللي وعدتكم بيه وإذا كدرت اليوم باليل انزللكم بارت ثاني لو باجر الصبح...
لا تنسون التصويت+التعليقات الحلوة...... واشكركم هوايه حبايبي😍😍😍