منى :اهئ اهئ اهئ(سويت روحي ابجي 😈😈) تقبل يا ابن عمي هيج تتهمني مرتك اني شمسويتلها 😭😭😭...
غيث:اهدي مناوي ما عاش اللي يتهمج ومارال حسابها يمي....
غيث:رحت يم مارال وضربتها راجدي علمود منى تصدك بيه....
مارال :كل اللي صار كدامي احسه حلم غيث يدافع لمنى وفوك هذا كله ضربني😔💔.... عفتهم ورحت للحمام وقفلته وضليت ابجي وما طلعت....
غيث:مرت ٣ ساعات ومارال بالحمام ما طلعت جنت اسمعها تبجي بس شو صار هدوء ما اعرف شتسوي دكيت عليها الباب بس من طلعت عيونها جانت حمر دم....
مارال:طلعت.. قررت أتقن البرود ويه غيث وصرت أكرهه كلش وحتى ما اطيقه... لأن كسراته إليه صارن هوايه وما عندي استعداد اسامحه.... واصلا بعد ما انتظر براءتي أو اخلي احد يساعدني.... قررت اتجه لرب العالمين وهو اللي ينقذني... رحت لغرفه أمنه....
امنه:اسفه حبيبتي بس اعتقد غيث اكو شيء بباله...
مارال:صدكيني بعد ما يهمني لأن الحقيقه راح تطلع بيوم بس ما اسامحه لو تنقلب السماء ع الأرض...
.... ممكن امونه تنطيني حجاب وأريد قرآن وجادر صلاة... واخذتهن.... ورحت لغرفتي من نام غيث رحت توضيت وقررت التزم الحجاب... لأن فعلا حسيت نفسي اريد اكون قريبه من رب العالمين... وصدك اول مرة هيج ارتاح وهم بجيت ودعيت رب العالمين ينصفني لأن الكل ضدي ومالي احد بالدنيا سندي الكل صدك الظاهر.. محد كال ممكن اكو لعبه بالموضوع.... بس رب العالمين هو وحده جبار الخواطر وراح يجبر خاطري اللي كسروه أقرب ناس أليه....
غيث:الشعور اللي شعرته كلش تعبني شعور الظلم... صحيح اني ما متأكد من براءتها لحد هسه بس أشعر بالذنب... بس لازم أبدى اتحرك واكشف الحقيقه... طلعت الأرقام ودزيتهن لصديقي وخليته يبحث عليهن.... وخليت يراقب رقم منى ومحمد ويسجل كل الاتصالات... صديقي جان ضابط لذلك سهلت عليه المهمه.....
منى :اتصل بيه محمد وظلينا نفكر بخطه جديدة وهيه اني اخلي مارال تتخدر ونجيب واحد لغرفتها ونتهمها بشرفها..... وصدك خططنه لكلشي وهالمره اكيد غيث راح يطلك مارال....
غيث:اتصل بيه صديقي وكال لازم تجي وسمعني التسجيل وظليت مصدوم يعني وين واصل بيهم الحد انو يجيبون واحد لبيتي ويتهمون مرتي بشرفها..... صدك نجنيت أخذت التسجيل.... ورحت لبغداد وكطعت محمد تكطع لحد ما اعترف بكلشي واخذته لبيت أهلها واعترف بكلشي..... ورجعت للبيت اريد اأدب هاي منى الجلبه.......
ابو مارال:بعد ما عرفت الحقيقه اتصلت بمارال الو ها بويه شلونج....
مارال:لا رد...
ابو مارال:مروله بابا مو احجي وياج جاوبيني... غيث كشف الحقيقه وانتي بريئه واحنه ظلمناج....
مارال:ظليت ابجي بصوت مكتوم وكتله... هايهيه اني راجعه للبيت بس ما اسامحكم ابد مجرد ما اخلص دراستي بعد ما تشوفوني.. وياريت تطلكوني من غيث لأن مستحيل اعيش وياه بعد كلشي صار....
ابو مارال:بابا هسه لا تطلعين خلي يجي زوجج وتفاهمي وياه... يلا مع سلامه..
مارال:سديت الفون.. ورحت لأمنه وكتلها كلشي وهيه حضنتني وبجينا.. كتلها اريد فستان محجبات وياه شال... وانطتني... رحت أخذت ملابسي وغراضي كلهن وكتبت رساله وحطيتها ع الميز وقررت ارجع لبغداد وانسى غيث....
غيث:اول ما رجعت للبصره جبت منى مدام اهلي شغلت التسجيل وابو منى كطعها تكطع.... بحيث اغمى عليها.... بس ردت اعتذر لمارال كدام الكل رحت اصيحها ما لكيت احد بس لكيت رساله مكتوب بيها.....
(غيث... بابا خابرني واعرف هسه ظهرت برائتي واكيد هسه تريد تصلح اللي صار... بس اللي صار ما يتصلح.. ما انكر اني حبيتك بالماضي وجنت مقرره اعيش كل حياتي وياك... بس كسرتني مرة لمن بعقدنا كذبتني.... وكسرتني مرة ثانيه لمن اغتصبتني وما صدكتني.... وكسرتني مرة ثالثه لمن صدمت مني وضربتني وكتلي هي أشرف منج..... بعد كل اللي صار كرهتك ومستحيل بيوم ارجع الك... اللي ما يوثق بمرته... ما أكدر أأمن حياتي وياه... وياريت لو تطلكني.. لأن حياته انتهت من اليوم.... مارال)....
اتخبلت من قريت الرساله وخابرت عمي كال ما اجتنا وجهازها مغلق.... والله تندمت ع كل اللي صار بس لازم ارجعها ايي لازم كلت باجر من الصبح اروح لبغداد...
مارال:قبل لا اروح لأهلي رحت زرت الإمام الكاظم ع وبجيت كلش وبعدين رحت لبيت اهلي اللي ما صدكوني... أول ما طبيت اجت امي ورادت تحظني والكل واكف يريد يسلم عليه وابويه عيونه مدمعه اني تجاهلت الكل وصعدت الغرفتي وقررت اعيش حياتي بدون ما احتك بأي شخص حتى اهلي... لأن كلش نجرحت منهم....
.... غيث:مر الليل عليه مثل الموت وهيه مو يمي كلش تعودت عليها وكوة نمت الفجر وطلعت من الصبح لبيت عمي علمود ارجع مارال........ يتبع
#للكاتبة.... نسيم نسيم.
@almahdwya_74
أنت تقرأ
شيخ وعشق العنودية
Romanceتتحدث حول فتاة تسكن في بغداد وابن عمها يسكن في البصرة هي مدللة وعنودية ومحد يكدرلها..وهو عصبي كولش وما احد يكله لا...اتركم ويه احداث القصة ..للكاتبة #نسيم
