غيث:ركضت بيها للسيارة... وصلت للمستشفى دخلوها ع الطوارئ... (صحيح بعد ما عرفتها خاينتني وتضحك عليه بس ما أريدها تموت لان صدك متعلق بيها وحبيتها من كلبي....).....
خابرت ابوها والأهل واجوي.... طلع الدكتور وكال الحمدلله ع سلامتها عدها كسور بأيدها وبرجلها.... بس الحمدلله ما عليها خطر تكدرون تطلعوها باجر....
غيث:طبينه نشوفها وكتلها الحمدلله ع سلامتج بس هيه دارت وجها عني وحتى أهلها ما حاجتهم اي شيء ودارت وجها ونامت....
ثاني يوم طلعناها واخذتها للبصره لأن هيه ما قبلت ترجع لأهلها وكالت من ارجعلكم بوقتها أثبتت براءتي بس ما اسامح كل واحد شك بيه....
بالطريق نمشي وهيه متأذيه واحسها دتكابر وما تكول.... حتى ما نامت...
وصلنا بعد عده ساعات حاولت اساعدها بس ما قبلت وصعدت واني اشوفها كوة تصعد بس ما طلبت مني اساعدها.... راحت لغرفتي وجان تنام ع القنفة.......
غيث:مارال نامي ع الجربايه انتي مريضه ولازم رجلج تمدديها....
مارال:ماله داعي مرتاحه هنا....
ودرت راسي وسويت روحي نايمه بس نام واني كمت ابجي لأن صدك اني بريئة وكلش حبيت غيث بس هو ما كلف نفسه يتأكد من الصور كبل أجا وتهمني... بس خلي اثبت براءتي اشوف منو اللي يبقى يمه وحتى اهلي ما اسامحهم... جان موعد العلاج بس مالي خلق اكوم اشربه وحيل تعبانه غفيت وعفته.....
غيث:نمت بنص الليل فزيت ع ونين وجنها مارال نايمه وتون... كمشت كصتها حتى اكعدها....جانت حارة كلش... وعركانه كعدتها تفتح عيونها وتسدهن... عرفتها ما ماخذة العلاج. كوة شربتها العلاج وضربتها إبرة وبدللتلها ملابسها وشلتها ع الجربايه يمي وحضنتها ونمت.....
مارال :كعدت الصبح لكيت نفسي بحضن غيث.... اني شجابني هنا وشفت ملابسي مو نفسهن.... ضليت صافنه هاي اني منو بدلي اكيد غيث اووف 😕😕😕...
غيث:كعدت ع حركتها وكتلها شبيح تحوصين....
مارال:محد كلك تنيمني هنا....
غيث:مارال احترمي تره والله لوما مريضه جان عرفت شلون اتعامل وياج....
مارال:اني محترمتك بس بعد اللي سويته وكلامك وضربك إليه مستحيل ارجع مارال القديمه ولا تخاف مجرد ما اثبت برائتي انته تطلكني....
غيث:طلاك ماكو علمود ترجعين لحبيب الكلب.....
مارال:انته صدك انسان منحط يا حبيب الكلب....
غيث: جريتها من شعرها.... احترمي نفسج لا تشوفين شيء ميعجبج فاهمه....
مارال :عفته ورحت للحمام.... بس معدتي بدت تكلب اريدها تهدأ ماكو...
غيث:تأخرت بالحمام... شبيها دكيت عليها الباب....
مارال:حسيت الدنيا تفتر بيه.... والباب يندك اول ما طلعت وكعت........ يتبع....
للكاتبة #نسيم نسيم
أنت تقرأ
شيخ وعشق العنودية
Любовные романыتتحدث حول فتاة تسكن في بغداد وابن عمها يسكن في البصرة هي مدللة وعنودية ومحد يكدرلها..وهو عصبي كولش وما احد يكله لا...اتركم ويه احداث القصة ..للكاتبة #نسيم
