غيث:وصلتبيت عمي وطبعا تعذرت منه طلبت اشوف بت كلبي... بس ماكو...
كلت لعمي راح اصعد لغرفتها.. صعد طبيت ليتها نايمه جنها ملاك.... لمست وجها وهيه فزت...
مارال :شتسوي هنا 😠... بره...
غيث:مارال اني جاي اعتذر منج... بس اهدي شبيج عصبيه....
مارال: ما أهدأ ويلا اطلع وعوفني وقبل لا ترجع لبيتكم طلكني.. وروح لكنى اللي أشرف مني...
غيث:مارال كافي اني جنت مخطط اكشف منى...
مارال:مستحيل اسامحك ورجاءا طلكني لأن مستحيل ارجع احبك واوثق بيك....
غيث:مو بكيفج وردت احضنها بس نجنت عليه وكامت تضرب بيه وكلت اعوفها براحتها....
اتفقت ويه عمي اعوفها اسبوع ترتاح....
طوال الأسبوع احاول اتصل بيها بس يطلع رفض
عرفت هيه حظرتني وهمين من كل البرامج.. كم مرة
اغير خط وترجع تحظرني... مر اسبوع ورحت لبيت
عمي حتى ارجعها بس ماكو معانده وحتى ما فتحت
الباب قافلته ولا نزلت اشوفها... قررت اخليها
براحتها لان مرجعها إليه وطلاك ما اطلك....
مارال:مر شهر ع رجعتي لبيت اهلي وغيث كل
أسبوع يجي واني ما اطلعله اهلي تحسنت علاقتي
بيهم بس مو كلش مثل قبل بس احسن... قدمت ع
الجامعه ونقبلت طب عام... وجان بعد شهر ويبدي
الدوام.... بس كلش هالفتره جسمي تعبان وبسرعه ادوخ....
غيث:كلبي ميت ع شوفتها وتندمت ع كل اللي صار
وكلما اريد أصلح غلطي ما اكدر.. قررت اروح هالمرة
وارجعها غصبا عنها واتفقت ويه عمي اخدرها وارجعها وببيتي اخليها تسامحني......
مارال:جنت بيومها كلش تعبانه ونفسي مو طايقتها
....
جنت بالحديقه وطب غيث وظل يتناقش آخر شيء
اجا بابا وسلم عليه وبعدين غيث أجا بأتجاهي وحط
مدري شنو ع خشمي بعدها ما ادري بالدنيا شصار.....
غيث:سلمت ع عمي وكام يضحك وكلي الله يصفي
الكلوب.... وكلي خوما يأثر عليها المخدر.. كتله لا عمي كلها ٣ ساعات وتكعد....
صعدتها يمي بالصدر وهيه مخدرة... واني اسوق
وعيني عليها.... بس اشوفها تعبانه... مرت تقريبا
ساعتين ونص كلت نص ساعه وتكعد.... واني
منتظرها تكعد.... بس ما ادري صارن ٣ ساعات وهيه
ماكو... بلشت اقلق.... وكفت السيارة وغسلت. وجها
كلت هسه تكعد مرت نص ساعه وماكو.... كلش
قلقت... لأن مارال ما تعاني من مرض علمود يأثر
عليها المخدر... سقت السيارة وطرت للمستشفى
وراويتهم الباج مالتي انو اني دكتور... أجو فحصوها وصارت خبصه.....
ما اعرف شن. من شعور... خفت لا مريضه وأثر عليها المخدر.....
وره ساعه الدكتوره سوت تحليل... وطلعت مارال
حامل شهرين وكم يوم..... انصدمت من سمعت
والمخدر أثر عليها وسببلها إغماء فتره أكثر.....
صحت وره ساعتين... وضلت تحجي عليه ومن
سمعت هيه حامل نصدمت وكالتلي رجعني لبيتنا
اني ما قبلت... وديتها للشقه مالتي بالبصره... وكتلها
ما نطلع منا لحد ما نصالح... وهيه نجنت عليه..
.. بس ما بيدها شيء تسوي... (طبعا الشقه مأثثه
وهمين كلشي بيها جنت مقرر اني ومارال نعزل بيها)....
مارال:نصدمت بخبر حملي وهمين غيث جبرني اروح
وياه للشقه كلت.... صراحه فرحت بحملي وكلت
يمكن هالطفل راح يغير حياتنه ونتصالح اني وغيث
.. بس ما قررت اسامح غيث بسهوله.. لأن اللي كسره صعب يتصلح وحتى لو اتصلح يبقى الأثر بكلبي ما
انساه 💔....
غيث:ادري بيها راح تسامحني بس مو بسهوله قررت
آغازلها.... كتلها اووف مشتاق للقشطه شتكولين...
مارال :صدك ضحكني بس خزرته ودرت وجهي...
غيث:ظليت اتغازل بيها وهيه كوة ضامه الضحكه.... ادري عذبتها هواي وقررت ابني عائلتي من جديد وهمين مارال حبيبتي لازم ارجع حبنا واخليه أقره من هيج......
...... في مكان آخر....
منى:بعد ما انكشفت شبعت كتل وحبسوني اهلي قررت انتقم من غيث ومارال والمرة هاي صدك راح اخلص من مارال للأبد......... يتبع.....
للكاتبة#نسيم نسيم...
Almahdwya_74
لا تنسون التصويت +التعليقات الحلوة... هيه هاي آخر بارتات لا تتوقفون عن الدعم... وان شاء الله ع الأسبوع القادم راح أبدي بقصه جديدة بعد ما اختم هاي القصه... والقصه الجديدة اتوقع راح تحبوها لأنها واقعيه أكثر يعني قليل الخيال بيها... واحداثها من ٢٠١٧ ولحد الأن ما اعرف شنو نهايتها لأنها قصه حب مستمره حاليا... وهم رومانسيه... اتمنى من نكمل هاي القصه تستمرون بالدعم إليه... 💓🥀🥀🥀🥀🥀🥀🥀🥀🥀🥀🥀
أنت تقرأ
شيخ وعشق العنودية
Romanceتتحدث حول فتاة تسكن في بغداد وابن عمها يسكن في البصرة هي مدللة وعنودية ومحد يكدرلها..وهو عصبي كولش وما احد يكله لا...اتركم ويه احداث القصة ..للكاتبة #نسيم
