شيخ وعشق العنودية

البارت الخامس

غيث :طلع الدكتور وكال ...

المريضة معدتها حيل متأذية شنو ماكله وهيج صاير 
لو متأخرين شوية جان وضعها اصعب  ..

ابو مارال:دكتور هسة شلونها بنتي😔

الدكتور:هسة زينة بس لازم تبقى هنا يوم كامل علمود نتطمن عليها..

غيث: عمي انته روح ارتاح واني ابقى وياها بالمستشفى..

ابو مارال:لا شلون اعوفها...
غيث : عمي روح ارتاح علمود باجر من تكعد تلكاكم يمها لأن خطية هسة نايمه ...

ابو مارال:ماشي باجر الصبح نجي بس اي شيء يصير خابرنه...

غيث : تآمر عمي ...
بقيت يم مارال وعمي راح وهيه نايمة جنها ملاك بس وجها حيل شاحب وتعبانة...

مارال:كعدت ولكيت نفسي بالمستشفى وشفت بس غيث كاعد يمي جنت كلش عطشانة وكلت اريد مي وهو فز من نومته وجان كلش خايف ويكلي بيج شيء شنو يوجعج كتله ما بيه شيء شربت مي وجنت حيل تعبانه ورجعت نمت...

غيث: ضليت اتأملهه وره ما راح عمي وغفيت وفزيت ع حركة وصوت حسبالي صاير بيها شيء كمت مفزوع 😳😳😳الها وجان تكلي اريد مي وشربت وبعدين نامت اني هم رجعت نمت...😴

مارال: كعدت وجان صاير الصبح وردت اروح للحمام بس بأيدي الكانونه وحاطين مغذي  ضليت احاول اكوم ما اكدر اول ما نزلت من الجرباية جان ادوخ ووكعت بلكاع ...😓

غيث:سمعت صوت وفزيت واشوف مارال واكعه بالكاع وايدها تجري دم رحت  وكومتها ونيمتها ع الجرباية ووخرت الكانونه ومسحت ايدها من الدم ورحت وكتلها ليش كمتي...

مارال:كعد غيث و ساعدني وحطنيع الجرباية وشال الكانونة ومسح ايدي من الدم وكلي ليش كمتي واني استحيت كتله ردت اروح للحمام كلي جان كعدتيني اساعدج ...خجلت منه حيل وجان كومني ووداني للحمام وضل واكف بالباب ...

غيث:خجلت و كالت تريد للحمام ووديتها للحمام ووكفت بالباب بعدين شفتها تحسنت رحت سويتلها ورقة خروج(لأن اني دكتور بنفس المستشفى)ورجعتها ع البيت

مارال:غيث طلعني للبيت وهناك الكل  تحمدلي بالسلامة وبعدين رحت للغرفة ارتاح ..

غيث:اليوم جان عدنه كعدة مال عشاير وسالفة لازم انحلها كلت للنسوان يحظرن الغدا والكل جان موجود بيت عمامي وولدهم بس شنو اني كلت بلكي مارال متطلع من الغرفة لأن ولد عمامي وهيه شلون تلبس لبس ..
صار الظهر والكل نجمع وشيوخ هواي حظرو علمود واحد دعم ابن شيخ عشيرة آل...... وحظرو علمود الفصل ..

اهل الولد المقتول يردون الا دم بس  بعدين ابو الولد كال ناخذ فصل ٥٠ مليون وفصلية...

طبعا اني يخبلني شيء اسمه فصلية واللي صار قضاء وقدر( الكاتبة #نسيم (مداخله للموضوع وانطي رأي بي) ....طبعا تعرفون متابعينه شنو يعني فصلية أغلب القصص اللي نشرت عن الفصليات انو بعدين يعيشن براحه وسعادة وهو يحبها وهيه تحبه تره وحدة من ألف فصلية يمكن تعيش مرتاحه لأن تعرفون اهل المقتول يأخذون فصلية علمود يذلون اهلها بيها مو ياخذوها يدللوها مثل أغلب القصص وتره اني سمعت مرة فصلية طفلة عمرها ١٢ سنه اللي اخذها عمره ب٥٠ سنه مو ينطوها ولد شاب وهمين يتزوج بس عقد سيد  وبكل وحشية تزوج الطفلة وبعدين ضلو يأذون بيها الى حد ما ماتت و محد حسابهم ولا   اهل البنيه اشتكو..لأن شنو هية(فصلية)..
من وره اكثر قصص الفصليات أغلب البنات المراهقات يكولن ياريت نصير فصلية ياريت هنه يعرفن معاناة الفصلية وبعدين يحكمن  وما كل قصة فصلية حقيقة ..الهدف من كلامي هو توعية البنات اللي اغلبهن كامن يتمنن يصيرن فصليات بس من وره القصص ...اعتذر  ع الإطالة #الكاتبة نسيم)

غيث: اعترضت ع قصة الفصلية لأن ضلم وكتلهم

يا وجوه الخير  احب اكولكم اني ضد الفصلية لأن انته يا شيخ ....فلان(ابو المقتول) اسألك بالله لو ابنك قتل واحد بالغلط ترضه بنتك تروح فصلية وانته تعرف شنو الفصلية وشلون راح تنظلم زين اذا اخوها اللي قتل هيه شنو ذنبها تضحي بحياتها وماكو ناس ترحم بعد تعتبروها خدامه ...اللي صار يا شيخ... قضاء وقدر ولازم نكون  أكثر رضا بأمر رب العالمين لأن الظلم حرام وحسب قول الإمام الحسين (ع)(لا تظلم من ليس له ناصر الا الله )...

اني يا شيخ ضد سالفة الفصلية والفصل هو بدال ال٥٠ تاخذ ١٠٠ مليون بس لا تظلم بنية وتدمرون حياتها لأن يجي يوم ورب العالمين يحطكم بنفس الموقف وانتو يا شيوخ شنو رأيكم بالموضوع...

الكل: والنعم منك شيخ ابو نمر(غيث)...الله يبارك بيك...

وخلصت الكعدة العشائرية وصار العصر وراحو الجماعة وجدي كلش تفاخر بيه بحيث نهيت سالفة  الفصلية لأن صدك ظلم...

مارال:صار الظهر وكالو كعدة واني كمت كعدت يم ماما وبعدين تغدينه وطبعا منى النعجه موجودة 😖😖😖
ابد ما ارتاحلها  ..

منى :بعد اللي صار البارحه قررت اكرهه حياتها لمارال وكلت يومية اسويلها شيء ...سمعتها تريد تطب تسبح اجتي ببالي فكرة وهو اخلي فلفل حار مطحون بالشامبو علمود عيونها الخضر😡 بلكي ينعمن...وصدك خليت وشفتها طبت للحمام وضحكت 😈😈😈اكيد نجحت الخطة ..

مارال:رحت اريد اسبح وحظرت ملابس وطبيت اسبح اول ما سبحت وحطيت الشامبو  وعيوني كامن يحركني حيل  مدري شلون كدرت اسد الدوش والبس ملابسي و حركتني حيل عيوني بحيث كمت اصيح والكل صار بباب الحمام وكمت اصيح ماما لحكيني عيوني 😭😭😭😭😭..

منى:اوووي شكد فرحت من شفتها تبجي😈😈😈😈 وكلت بكلبي بعدج مشفت يشيء😉😉😉..

غيث:جنه كاعدين احنه كلنه وسمعنا صياح مال مارال ورحنه كلنه نركض نشوفها وجانت تبجي وتصيح عيوني  ..

مارال: جنت ابجي وما اكدر افتح عيوني وما احس الا وهمه يمشوني وجان غيث عرفته من صوته كامش وجهي بأيديه ويكلي بس فتحي عيونج واني ما اكدر افتحهن وكمت اصيح واخر شيء ما احس الا احد شالني  وركض  بيه...يتبع ....

#للكاتبة نسيم