" အား….ကျွတ် ကျွတ်......"
ခေါင်းတွေကိုက်လိုက်တာ တာရာခေါင်းတွေအုံပြီး တဆစ်ဆစ်ထိုးကိုက်နေသဖြင့် အိပ်ရာကနေ ချက်ချင်းမထသေးပဲ မျက်လုံးကိုအားယူပြီး ဖြေးညှင်းစွာဖွင့်ကြည့်လိုက်မိသည် ။
ဟင်!!!! ဒါ သူ့အခန်းလဲ မဟုတ်ဘူး...
ညက အရက်သောက်တာအထိပဲ သူမှတ်မိတော့သည် ။
အဲ့ဒီနောက်ပိုင်းတွေ သူမမှတ်မိတော့ပေ။
ဒါက ဘယ်နေရာလဲ ???
တွေးနေဆဲမှာပင် သူ့ဘေးနားကိုဝင်လာထိုင်သောအရိပ်လေးတစ်ခုက ဝိုးတဝါးဝင်လာ၏။ မျက်လုံးကိုပွတ်သပ်ကြည့်လိုက်တော့ အဓိကကသူ့ကို ပြုံးစစနှင့်ကြည့်နေခဲ့သည်။
ဒါဆို.. ဒါ အဓိကအခန်းလား ?
သူက အဓိကအခန်းကို ဘယ်လိုရောက်နေတာလဲ? အမလေး ရှက်လိုက်တာ။
သအတွေးနှင့်အတူ မျက်နှာတွေရဲ တက်သွားသည်ထင် ပူထူထူရှိန်းတိန်းတိန်းပင် ဖြစ်သွားရတော့သည်။
" အ...အဓိက.... ည.. ညက.. ငါ "
အထစ်ထစ်အငေါ့ငေါ့နှင့် ဂဏာမငြိမ်ဖြစ် ဖြစ်နေသော ကိုကို့ကိုကြည့်ပြီး အဓိကစနောက်ချင်စိတ်တွေ တစ်ဖွားဖွားပေါ်လာရလေသည်။ ဒီအကိုကြီးကရှက်နေတဲ့အချိန်တွေဆိုလျှင် အရမ်းချစ်ဖို့ကောင်းလွန်းသည်။
" ဘာ ..ငါ လဲ…ဘာမှ မမှတ်မိဘူးလား... "
" အမ်...ဘာကိုမှတ်မိရမှာလဲ ..ငါဘာလုပ်မိလို့လဲ...ငါကဒီကိုဘယ်လိုရောက်... "
ပြောနေရင်းဘာတွေ အဓိပ္ပါယ်ကောက်လွဲသည်မသိပေ။
သူ့ကို လက်ညှိုးကြီးထိုးကာ
"မင်း..မင်း ငါမူးနေတာကိုအခွင့်ကောင်းယူပြီး ငါ့ကိုမင်းအခန်းထဲခေါ်လာတာမလား "
" အမယ်...ဟားဟား...ဟား "
သူ့ကိုကြည့်ပြီးသဘောကျစွာ ရယ်နေသည့် အဓိကကိုကြည့်ကာ ကြောင်အမ်းနေမိသည်။ ဘာတွေကိုအဲ့လောက်ရယ်နေရတာလဲ။
" ဘယ်သူက မထားခဲ့ပါနဲ့ဆိုပြီး ကျွန်တော့်နောက်ကိုအတင်းလိုက်ပြီး ကျွန်တော့်အခန်းထဲဝင်လာတာလဲ၊
မမှတ်မိတော့ဘူးလား မမှတ်မိရင်လဲထားပါလေ. "
YOU ARE READING
အချစ်ဆိုသော ထိုအရာ (Complete)
Romanceကိုကို့ ကို ဘယ်အချိန်က စချစ်မိလဲ ကျွန်တော့ကို ကျွန်တော်လဲ မသိတော့ဘူး သေချာတာတော့ ကိုကို့ အပြုံးတစ်ချက်က ကျွန်တော့်ကို ရူးသွပ်စေနိုင်တဲ့ အထိ အစွမ်းထက်တယ် #အဓိက မင်းအတွက် အရာအားလုံး စွန့်လွှတ်ဖို့ ဝန်မလေးပေမဲ့ ငါ့အတွက်ကြောင့် မင်းကြိုးစားထားတဲ့အရာ...
