السيرة النبوية باللهجة العامية

3

3
يلا صلوا على النبي 💜

أنا مينفعش أطلب منك تحب حد متعرفهوش صح؟!
أصل لازم تعرف الحد ده علشان تحبه..
طيب عارف لو حبيت النبى عليه الصلاة والسلام إيه هى الثمرة؟!

هتكون مع النبى ﷺ بإذن الله فى الجنة ،اسمع الحديث دا "من أحيا سنتى فقد أحبنى ، ومن أحبنى كان معى فى الجنة " فلو احببت النبىﷺ أبشر بكل خير.

طيب ندخل على السيرة ونبدأ باسمه ﷺ
"هو محمد بن عبد الله بن عبد المطلب بن هاشم بن عبد مناف بن قصي بن كلاب بن مرة بن كعب بن لؤي بن غالب بن فهر بن مالك بن النضر بن كنانة بن خزيمة بن مدركة بن إلياس بن مضر بن نزار بن معد بن عدنان.
وعدنان من ذرية إسماعيل بن إبراهيم عليهما السلام.

ام النبي اسمها "آمنه بنت وهب"

قبيلته: كانت قبيلة النبي صلى الله عليه وسلم لها شرف ومكانه عاليه ليها هيبتها كدة بين العرب ، وكل رجال القبيلة كانو سادات واشراف فمثلاً واحد منهم اسمه زيد (قُصي) أتميز بكذا ميزة فهو أول من تولى أمور الكعبه وكان معه مفاتحها "يفتحها للي عايزة وقت ما هو عايز" ،

وهو اللي جاب قريش وسط مكه بعد ما كانت متفرقه على الحدود والأطراف وهو كمان اللي عمل فكرة "السقايه" (ماء عذب من التمر أو العسل أو الزبيب) . "الرفادة" (طعام كان يصنعه للحجاج)

وكمان بنى بيت في شمال الكعبه اسمه دار الندوة ، والدار دي كان مقر كل حاجة مفيش اي مناسبه اجتماعية إلا وتعقد في الدار دي ، وكان بإيده القيادة والكلمة ودا عشان نعرف ادا ايه قبيلة النبي كانت عريقة حتي قبل ما يُولد ﷺ ... 

أسرته : كانت معروفة بالأسرة الهاشمية نسبة لجده هاشم وهاشم ورث من قصي أمورالسقاية والرفادة بعد كده ورثها أخوه بعدين أبناءه لحد ما الإسلام جاء، وهاشم دا كان كريم جداً كان بيهشم (بيفتت) الخبز في اللحم ويسيبه للناس تاكل فلقب بهاشم ، وهو صاحب فكرة رحلتين الشتاء إلي اليمن والصيف إلي الشام ..

أما جده عبد المطلب فلإسمه حكاية ، ابوه اللي هو هاشم كان رايح تجارة للشام فمر علي يثرب وأتزوج واحده من هناك وقعد فترة وبعدين راح الشام وكانت هي حامل وهاشم مات في الطريق فالمرأة انجبت ولد وسمته شيبه وكبر ومحدش من أهل أبوه في مكه يعرفوا الا وهو في سن ٧ سنين فعمه رايح يجيبه واسمه المطلب ولما جابه وجه فكروا أنه العبد بتاعه فسموه عبد المطلب.

كان عبد المطلب وسيم وله قدر وشرف فى زمانه وكان يطيعهُ الناس وكان له شرف حفر بئر زمزم مثل ما جاءه فى المنام و وصِف له مكانه وفى زمانه وقعت حادثه الفيل (عندما جاء ابرهه ليهدم الكعبة بالفيله و٦٠ ألف جندي وربنا اهلكهم بطير ابابيل) وده كان قبل مولد النبى بشهرين..

أما أبو النبىﷺ فكان اسمه عبد الله وكان أحسن أولاد عبد المطلب واحبهم إليه وهو الذبيح ، ودي ليها حكاية

لما عبد المطلب حفر زمزم قريش اتعاركت معاه عشان ياخدوا البئر ، فنذر لربنا انه لو رزقه عشر أبناء وكبروا وساعدوه في حماية البئر هيدبح واحد منهم قربة لله ( زمان كانوا بيدبحوا أحب أولادهم قربة لله )

فالمهم القرعة جات على عبدالله !! وعبدالله زي ما قلنا كان أحب أبناءه له ، ومع ذلك اخده وراح عند الكعبة عشان يدبحه فقريش منعته بالذات قرايبه ، فطلع فدية مئة من الإبل ومدبحوش ،

عشان كده النبيﷺ اتسمى ابن الذيبحين و ابن المفديين عشان سيدنا إسماعيل ربنا فداه بكبش وابوه عبد الله بمئة من الإبل.

عبد المطلب اختار لإبنه عبدالله امرأة من أفضل وأشرف نساء قريش واتزوجها في مكة وحملت بأفضل خلق الله الرسولﷺ ، وبعدين ابوه عبدالمطلب أرسله لتجارة فمات في المدينة وهو رايح ، ودا كان قبل ولادته النبيﷺ .

نكمل المرة الجاية ونعرف أعظم حدث في التاريخ...!

#السيرة النبوية باللهجة العامية
#خدمة حفيدات النبي ﷺ 😍💙
#بنات وبس👑💜
_____________

للإنضمام:
إرسال رسالة صوتية بإسمك لـ:
+201210204190