السيرة النبوية باللهجة العامية

6

6
يلا صلوا على النبي 💜

قلنا المرة اللي فاتت إن فيه حد سمع بالنبيﷺ وعن أخلاقه وأمانته وبعته بتجارته يتاجر فيها ..
يا ترى مين؟!

السيدة خديجة بنت خويلد رضي الله عنها ، وكانت أفضل نساء قريش شرفاً ومالاً ، وكانت بتعطي مالها للتُّجار يتجارون به وتعطيهم أجر ، فلما سمعت بالنبي ﷺ عرضت عليه مالها ياخده يتاجر به في الشام ، وهتعطيه اجر احسن من غيره..

خرج النبيﷺ بالتجارة مع غلام بتاعها اسمه مَيسرة للشام ، فباع واشترى وربح ربح كبير جداً ، وحصل في مالها بركة محصلتش قبل كده ، بعدين رجع بيه مكة وأداها أمانتها..

لما خديجة شافت اللي حصل والبركة اللي تبهر القلب اتبسطت جداً واعجبت بالنبيﷺ وأخلاقه ، غير كمان أن غلامها ميسرة مقصرش قعد يحكلها على كل اللي حصل معاهم ويحكلها عن صفاته وطريقة تعامله الطيبة والحسنةﷺ غير كمان حصلت حاجه معاه خارقة للعادة ان جاء ملكين واظلوه من الحر، فزاد اعجبها اكتر واكتر ، وحست انهﷺ مش رجل عادي..
 
خديجة زوجها كان مات وكانوا عايزين يزوجوها بس هي مكنتش بترضى ، فلما عرفته ﷺ بعتت لواحدة من أقرب صديقاتها تحكيلها عنه وتقولها إنها عايزة تتزوج منه ﷺ ..

فراحت للنبي ﷺ وكلمته تقوله ألن تتزوج !! فقالها ﷺ أنه لسه في بداية حياته ومعهوش اللي يتزوج بيه فقالتله على خديجة فرضى ﷺ وكلم أعمامه وراحوا يخطبوهاله من عمها "عمرو بن أسد" فزوجها عمها بالنبيﷺ في حضور كبير من بني هاشم ورؤساء قريش وعمه أبو طالب هو اللي ألقى خطبة الزواج ، وتم هذا الزواج المُبارك بعد رجوعه ﷺ من الشام بشهرين وأيام ، وكان عمره ﷺ ٢٥ سنة ، وخديجة رضي الله عنها كانت عندها ٤٠ سنة... وكانت خديجة رضي الله عنها سعيدة جداً بل في غاية السعادة بزواجها به ﷺ..

وكانت هي رضي الله عنها أول زوجاته ﷺ ولم يتزوج عليها رضي الله عنها لحد ما ماتت ، وكان كل أولاده منها رضي الله عنها إلا إبراهيم فهو من مارية القبطية..

أولاده ﷺ من خديجة :
القاسم ثم زينب ، ثم رقية ، ثم أم كلثوم ، ثم فاطمة ، ثم عبدالله.. وكل أولاده الذكور ماتوا وهم صغار ، أما البنات فكلهم عاشوا في زمن النبوة وأسلموا وهاجروا وتوفوا قبل وفاة النبيﷺ إلا فاطمة رضي الله عنها فتوفيت بعده ﷺ بستة أشهر..

لما النبيﷺ بلغ ٣٥ سنة حصل سيل جارف صدع جدران الكعبة ، وكانت قبل كده حصلها حريق ، فقريش اضطرت تبني الكعبة من جديد ، وقرروا ميدخلوس فيها إلا مال طيب فلا يدخل فيها مهر بغي ، ولا بيع ربا ولا مظلمة أحد ، وكانوا خايفين ربنا يعاقبهم لو هدموها ، لكن الوليد بن المُغيرة قال : إن الله لا يُهلك المصلحين .. وبدأ يهدم وتبعوه كلهم وبدأوا يهدموا معاه لحد ما وصلوا لقواعد إبراهيم..

بعدين بدأوا يبنوا وخصصوا لكل قبيلة جزء منها ، وكان الأشراف ياخدوا الحجارة ويشيلوها على أكتافهم ، وكان النبيﷺ وعمه العباس معاهم بيحملوا الحجارة ، فبعدين مبقاش معاهم فلوس يكملوا بيها بناء الكعبة فطلعوا منا ٦ أذرع من جهة الشمال ووضعوا جدار قصير علامة ان الجزء دا من الكعبة وهو المعروف دلوقتي بالحجر او حجر إسماعيل...

لما وصل البناء لمكان الحجر الأسود أراد كل رئيس قبيلة يتشرف هو ويضع الحجر الأسود فتنازعوا واتخاصموا وقعدوا أربعة أو خمسة أيام متشاكلين وكادت توصل بيهم لحرب دامية في أرض الحَرم ، إلا إن أبا أمية ابن المغيرة تدارك الموضوع بحكمة وهو كان أكبر واحد في السن بينهم ، فاقترح عليهم إن أول واحد يدخل عليهم من باب المسجد يحكموه بينهم وياخدوا رأيه ، فوافقوا واتفقوا على كده..

وكان من قَدر الله سبحانه وتعالى أن أول مَن دخل عليهم النبي ﷺ ، فأول لما شافوه هاتفوا كلهم : هذا الأمين رضيناه ، هذا مُحمد...
فلما وصلهم قالوله على اللي حصل ، فأخذﷺ رداء ، ووضع فيه الحَجر الأسود ، وأمرهم أن كل واحد يمسك من طرف من الرداء ، ويرفعوا الرداء ، فلما وصل الحجر لمكانه أخذه النبيﷺ بيده الشريفتين ووضعه مكانه ، وكان حل حكيم جدا أرضى الجميع..

نكمل المرة الجاية إن شاء الله ونعرف لماذا هو بالذاتﷺ اختاره الله للنبوة!!

#السيرة النبوية باللهجة العامية
#خدمة حفيدات النبي ﷺ 😍💙
#بنات وبس👑💜
_____________

للإنضمام:
إرسال رسالة صوتية بإسمك لـ:
+201210204190